Mariko 12
12
1 #
Isa 5.1-2 Jennaani Yesoni mammaakhe waan jed'eeni, Nami toko oobru zabibu fach'aase, dallaani marse, boola zabibu keesati ch'ach'arasani qote, doofi iti ijaare, harka jara oobru hojatuti lakise, lafa d'ibi d'aqe. 2Muraansi geennaani, tisse toko jara oobru hojattuti erge, aka mid'aani oobru keesaa argattu. 3Worri kaani isa fuud'e d'aane, harka duwa arie. 4Ammalle abbaani tisse d'ibi worrati erge. Isale mata d'oosani ch'eersani. 5Ammalle inni ka d'ibi erge, isale ijeesani, ammalle nama d'ibi heddule, ka gari d'aanani, ka gari ijeesani. 6Inni ammalle nama d'ibi qaba, ilma isaa tokocha. Eege, inni isa erge waan jed'e, Worri ilma kiyya insodaata. 7Ammo jari oobru hojatu kaani waan woliini jed'e, Kunini ka d'aalu, koota inijeemna, duuba d'aalti teenna taati. 8Worri isa fuud'e ijeese, oobru zabibu keesaa alati darbatani.
9Abbaani oobru maani tolcha yoosi? Inni d'ufe, jara oobru hojatu balleese, oobru harka nama d'ibiti kenna. 10#Far 118.22-23 T'aafi Waaqa keesati tana insoomne?
D'akhachi ijaartuuni tuffatte dide
yayu d'akha ch'ufa ira jaba tahe.
11Aabbooti waan kana tolche
ila teenna durati wonti kuni waan mama!
12Aka inni dubbi tana worraa jed'e, mammaakhe beennaani, jari Yahudi gugurdaani Yeso qabu fed'e. Ammo gumi sodaatani, tanaafi lakisani biraa yaani.
Waan gaafi gibira baasani
(Matayo 22.15-22; Luka 20.20-26)
13Farisayoofi jara Herode ka gari isati ergani aka dubbi afaani isaa fuud'ani. 14Worri d'ufe waan isaani jed'ani, Aabbo, nu imbeenna aka atini nama d'uga, ka guddinna nama iyaalle; wonti akanatiifi atini fuula nama inilaaltu, ammo kara Waaqa akuma dansa nama barsiifta. Aki Kaisari damoosa baasani fullaa mo fullaaniti? 15Imbaamna mo imbaamnu? Ammo inni kiyyiba worraa beennaani, waan worraani jed'e, Maafi na ilaalattani? Me, shilingi toko na garsiisa. 16Tokooni d'ufani jennaani inni waan jed'eeni, Mata eenuti gubba taa? Worri waan jed'eeni, Mata Kaisari. 17Yesoni waan jed'eeni, Waan Kaisari, Kaisarii baasa, ammo waan Waaqa, Waaqaa baasa. Worri guddo waan isaa mame.
Waan gaafi kaisa hegeri
(Matayo 22.23-33; Luka 20.27-40)
18 #
Huji 23.8
Sadukayoni gari ta, Kaisi injiru jettu, isati d'ufte waan jetteeni, 19#Qab-Ser 25.5 Aabbo, aka Musani t'aafe gula, yo nami niiti qabu due, ammo ijoolle inqamne, oboleesi nama suni niiti isaa d'aale oboleesa ufiti ijoolle d'alu male jed'e. 20Duuba, oboleyaani torbati jira; ka qara niiti fuud'e, ijoolle male due. 21Ka lameesotifi ka sadeesoleeni akasuma ilmaani male duani. 22Torbaanu isi fuunaani ijoolle inarganne. Eege niitileeni doote. 23Gaafa kaisa, isiini niiti eennu taati? Torbaani yayu isi fuud'ani.
24Yesoni waan worraani jed'e, Isani guddo wolaaltani! Wonti akanatiifi dubbi Waaqatiifi humna Waaqa imbeetani. 25Hojja duisa keesaa kaani, nami wolimfuud'u, ammo aka malaika gubba taani. 26#Bah 3.6 Ammo aka ka due kaasani isani kitaaba Musa keesa fulla waan gurbi bobeetu t'aafani taka insoomne? Aka Waaqi anini Waaqa Abrahamu, Waaqa Isaaqotiifi Waaqa Yakobo jed'e. 27Inni Waaqa Nama duetiiniti, ammo ka worra jiruti; isani guddo wolaaltani.
Seera ira gudda
(Matayo 22.34-40; Luka 10.25-28)
28 #
Luk 10.25-28 Jara Seera beekhu keesa, nami toko isati d'ufe, aka worri woldide d'ageennaani, ammalle aka Yesoni aka dansa worraa deebise beennaani, isa gaafate waan jed'e, Seera kamiti ch'ufa ira jaba? 29#Qab-Ser 6.4-5 Yesoni waan jed'eeni, Seeri ka ch'ufa ira jaba kana. Ee Israeli, d'agayi, Aabbo Waaqa keenna Aabbo tokocha. 30Aabbo Waaqa kanke jaalad'u, garaa kanke ch'ufaani, lubbu tante ch'ufaani, qalbi tante ch'ufaani, jabeenna kanke ch'ufaani. 31#Law 19.18 Lameesooni kana: nama ch'ufa aka ufi jaalattu jaalad'u. Seeri kana lamaani ira jaba injiru. 32#Qab-Ser 4.35 Nami Seera beekhu kaani waan Yesoni jed'e, D'uguma baanta, Aabbo atini waan d'uga dubbatte, aka Waaqi toko ch'alla, ammalle aka kad'ibiini injirre, isa male; 33#Hos 6.6 ammalle aki isa jaalatani, garaa ch'ufaafi hubacha ch'ufaafi jabeenna ch'ufaani; ammalle aki nama ch'ufa aka ufi jaalatani jaalatani sorio gosa ch'ufa iraa wo baati. 34Yesoni aka inni qalbiini deebise arginaani waan jed'eeni. Atini Finna Waaqa iraa fago injirtu. Eegi suni, nami ch'ufumaanu isa gaafachu sodaate.
Gaafi waan Kristo
(Matayo 22.41-46; Luka 20.41-44)
35Ato Yesoni Mana Waaqa keesati nama barsiisu, inni waan jed'e, Jari Seera beekhu akami, Kristoni ilma Daudi jed'a? 36#Far 110.1 Daudini ufiiftu, Lubbu Qulqullo keesa, waan jed'e:
Aabbooni waan Abba kiyyaani jed'e:
Gama kiyya ka mirga tai,
haga anini nyaapa kanke miila kanke jala naquuti.
37Daudini Aabbo nama kanaani jed'a; inni akami ilma isaa tahe re?
Yesoni waan jara Seera beekhufi Farisayo hima
(Matayo 23.1-36; Luka 20.45-47)
Gumiini guddooni gammadaani isa d'ageete. 38Ato worra barsiisu, Yesoni waan jed'eeni, Jara Seera beekhu eegad'a, ka woya d'ed'eertu naqate yau, ka fulla gabayati nagaya fuud'isa jaalatu ammalle ka 39Mana Waaqa iti kad'atani keesati dura tatau jaalatu, ka jila keesati fulla dansa tatau fed'u. 40Worri hori nad'eeni d'iirsa inqamne iraa hobaase, ammalle nama sobe, kad'acha d'eeresa. Wollaala taka inargiini worrati murani.
Waan niitiini hiyyeetiini toko baafte
(Luka 21.1-4)
41Yesoni fulla hori Waaqaa baasani naqani tae, gumi hori baaftu ilaale. Dureeyiini hedduuni hori gudda keesa nat'e. 42Jennaani niitiini hiyyeetiini toko, ta d'iirsa inqamne, dururu lama, ta beese toko taatu, keesa buufte. 43Inni jara ufi yaame waan jed'eeni, D'uguma, waan anini isaniini jed'u, Niitiini hiyyeetiini tuni nama ch'ufa ira hori baafte. 44Wonti akanatiifi worri ch'ufti hori ufi gudda keesaa wo baase; ammo isiini, hiyyuma ufi keesaa, waan qabdu ch'ufa baafte, hori ufi ch'ufa.
Yesoni muumme Mana Waaqa hima
(Matayo 24.1-2; Luka 21.5-6)
Currently Selected:
Mariko 12: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
