Matayo 27
27
1Ganama qaalole gugurdofi jaaroleeni Yahudi aka Yeso ijeeftu wolmariatte. 2Haada sibiilatiini hid'ani, isa fuud'ani, harka hayyu Pilatoti kennani.
Duisa Yuda
(Huji Ergattu 1.18-19)
3 #
Huji 1.18-19
Yudani, ka Yeso gurgurate, aka Yeso ijeecha iti murani arginaani, iraa deebie, hori qaalole gugurdofi jaaroleti deebise 4waan jed'e, Anini ya daba tolche, nama woma iyakini gurgurad'e. Worri waan jed'eeni, Nu maani iraa qamna re? Sunini huji tanteti. 5Yudani hori kaani fulla sorio iti qalani jisse d'aqe t'ururaani ufi ijeese.
6Qaaloleeni gugurdooni hori kaani lafaa guurte waan jette, Horiini kunini hori d'iigaati, aki hori Mana Waaqatiini wolti darani fullaaniti jed'ani. 7Eegi wolmariatani, lafa toko ta Ogeesa Okote Faara jed'ani bitani lafa keessuma iti awaalani tolchani. 8Maro waan kanatifi lafa suniini, Lafa D'iiga jed'ani yaamani, arrale.
9 #
Zek 11.12-13 Duuba akanaani Wonti raagi Yeremiani jed'e d'uga taate: qarsi sodomi sadi suni fuud'ani (ta gochiti Israeli ee jette aka baaftu), 10hori suniini lafaani bitani, akuma Aabbooni nati hime.
Yeso Pilato durati
(Mariko 15.2-5; Luka 23.3-5; Yohana 18.33-38)
11Yesoni hayyu Pilato dura ejate, Pilatoni waan jed'eeni, Atini Hayyu Yahuditi? Yesoni waan jed'e, Atu ya jette. 12Ammo waan qaalole gugurdofi jaaroleeni isa himatte maqa ind'oomne. 13Jennaani Pilatoni waan Yesoni jed'e, Waan worri si himate kana ind'ageetu? 14Ammo Yesoni dubbi tokole dubbachu dide, tanaafi Pilatoni guddo mame.
Yeso duisa iti murani
(Mariko 15.6-15; Luka 23.13-25; Yohana 18.39—19.16)
15Guyya jila Pasaka ch'ufa, hayyuuni nama hid'ani toko, ka gumiini kad'atte, gadi lakisa. 16Gaafasi namicha nami ch'ufti beekhu tokoti jira, ka Yeso Baraba jed'ani. 17Gumiini wolwoldeennaani, Pilatoni waan jed'e, Ana eennu gadi lakisu feetani, Yeso Baraba mo Yeso ka Kristo jed'ani? 18Inni imbeekha, aka worri Yeso qot'efi isatiini d'ufe.
19Ato Pilatoni barch'uma qorsuma ira tau, niitiini isaa nama isati ergite waan jetteeni, Nama woma iyakini suni woma intolchiini, anini eedda oobju keesa guddo maro isaatiifi gaargale jette.
20Qaalole gugurdofi jaaroleeni biyya sosobde waan jette, Aka Pilatoni Baraba lakise Yeso ijeesu kad'ad'a. 21Hayyuuni, Worra kana lamaani eennu gadi lakisa? jed'e, Jennaani worri, Baraba feena jed'e. 22Pilatoni waan jed'eeni, Yeso ka Kristo jed'ani maani tolcha re? Iyani, Mukhati fannisi jed'ani. 23Ammo Pilatoni waan jed'e, Inni maani yake? Qonqo guddooni iyani waan jed'ani, Mukhati fannisi! 24#Qab-Ser 21.6-9Pilatoni aka dura deemitiini woma imbaane arginaani, ammalle aka loli d'ufu arginaani, bisaani fud'ate, harka biyya durati d'iqate waan jed'e, Anini d'iiga nama kana keesa injiru! Tunini huji teesani! 25Gumiini ch'ufti waan jette, D'iigi isaa mata keennafi ka ijoolle teenna gubba jira. 26Jennaani Pilatoni Baraba gadi lakise, Yeso d'aana jed'e, aka ijeesani harka worrati kenne.
Askartiini Yeso goyeesiti
(Mariko 15.16-20; Yohana 19.2-3)
27Jennaani askartiini Pilato mana hayyu keesa Yeso seensifte, isiini ch'ufti isa marsite. 28Woya iraa baasani, woya diimtu toko uyisaniifi. 29Duuba qoraati aka sure marani mata isaa ira kayani, ule harka isaa ka mirga keesa kayani, isa durati jilbifatani goyeesani waan jed'ani, Lubbuuni tante ha d'eeratuuti, Hayyu Yahudi. 30Hanch'ufa isati tufani, ule fuud'ani mata keesani d'aanani. 31Eegi isa goyeesani, woya iraa baasani, woya isaa ta qara keyachiisani, Duuba aka mukhati fannisani alati geesani.
Yeso maskaliti fannisani
(Mariko 15.21-32; Luka 23.26-43; Yohana 19.17-27)
32Ato dira keesaa bahanu, namicha Kirene toko ka Simoni jed'ani argani, maskali Yeso baachisani. 33Fulla Golgotha d'ufani, akasi jechaani Fulla Buqe Mata jecha. 34#Far 69.21 Achiti daad'i had'ooftu obaasani, inni diqo une ammo d'ugu dide.
35 #
Far 22.18 Mukhati fannisani, woya isaa hit'a buufatani, gargari qoodatani, 36achi tataani isa eegani. 37Mata isaa gararoti waan isa himataniifi t'aafani, Nami kunini Yeso, Hayyu Yahudi jed'ani. 38Shifta lama isa woliini fannisani, toko gama mirga, kaani gama bita.
39 #
Far 22.7; 109.25 Nami d'aatu suni yau mata iti irbe Yeso arabse waan jed'e, 40#Mat 26.61; Yoh 2.19 Atini ka, Mana Waaqa ch'abse, guyya saditi jaaru dandaa jette, ufi baasi, yo atini Ilma Waaqaa taate! Maskali ira lafati gadi bui! 41Akasuma qaalole gugurdofi jara Seera beekhufi jaaroleeni isa goyeesite waan jette, 42Inni biyya baase, ammo dandae ufi imbaasu! Inni Hayyu Israelitiyu? Yo inni ammatana maskali ira gadi bue, nu isa d'ugefanna! 43#Far 22.8Inni Waaqa d'ugefate, Anini Ilma Waaqa ufiini jed'a. Yo akasi taate, aka amma Waaqi isa baasu fed'u ilaalu feena. 44Shiftaani isa woliini fannisanileeni akasuma isa goyeesite.
Duisa Yeso
(Mariko 15.33-41; Luka 23.44-49; Yohana 19.28-30)
45Guyya gudda haga saa sagali lafti ch'ufti dukanoofte. 46#Far 22.1 Saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifte? jecha. 47Nami achi ejaanju ka gari isa d'agaye waan jed'e, Inni Eliya yaamu jira. 48#Far 69.21 Namichi toko gara isaa utaale, waan aka bututu laaftu toko fuud'e, daad'i keesa kaye, hokoti fannise, isa dura qabe. 49Ammo nami gari waan jed'e, Eega, aka Eliyaani d'ufe isa qarqaaru ilaala. 50Yesoni ammalle qonqo guddooni iye, hafuura baafate due.
51 #
Bah 26.31-33 Hojuma suni golli Mana Waaqa fulla lamati gubba gadi tarsae. Lafti chochote, d'akhaani dayae, 52awaali baname, worri Waaqa ka due ka gari jireennati deebie. 53Awaala keesaa yaani, eegi Yesoni duisa keesaa kae, dira qulqullo seenani, nami hedduuni worra arge.
54Gudda askartitiifi askartiini isa woliini jirjirtu lafa chochoteefi waan tahe ch'ufa arginaani, nahani waan jed'ani, Nami kunini d'uguma Ilma Waaqaati. 55#Luk 8.2-3 Nad'eeni hedduti jira, ta fago waan kana daawatte, ta haga Galilaya Yeso gula yaate isa qarqaarte. 56Nad'eeni suni keesaa, Mariamu Magdalenefi Mariamu haad'a Yakobotiifi Yusufufi haad'a ilmaani Zebedayoti jira.
Awaala Yeso
(Mariko 15.42-47; Luka 23.50-56; Yohana 19.38-42)
57Lafti galgaloomnaani, namichi dureesi lafa Arimathaya toko d'ufe; maqaani isaa Yusufu, innileeni nama Yesoti. 58Duuba gara Pilato d'aqe, reefa Yeso kad'ate. Pilatoni reefa suni, Yusufu kenna jed'e. 59Yusufuni fuud'e, woya booftatiini mamare, 60awaala inni d'io qote keesa kaye. Jennaani d'akha gudda toko afaani awaalati gangalche biraa gale. 61Mariamu Magdalenefi Mariamuni taani d'aatu awaala teteete.
62Guyya lameeso, ka gumaatati aanu, qaalole gugurdofi Farisayooni gara Pilato d'at'e, 63#Mat 16.21; 17.23; 20.19; Mar 8.31; 9.31; 10.33-34; Luk 9.22; 18.31-33 waan jetteeni, Aabbo, nu aka namichi kiyyibaani suni gaafa jiru, Eegi guyya sadi anini duisa keesaa kaa jed'e, inqaabanna. 64Tanaafi nama ergi, aka awaala suni haga guyya sadi jabeesani eegani, aka jari isaa d'aqe reefa Yeso hate, biyyaani, Isa ya duisa keesaa kaasani injenne. Kiyyibi eege kunini ka qarale ira hamaata jed'ani. 65Pilatoni waan jed'eeni, Askarti fud'ad'a, haga dandeetani awaala eega. 66Tanaafi kaani iti d'aabatani, d'akha awaala iti gangalchani kaani beesisa ira kayani, jabeesani askarti eeddu achiti lakisani.
Kaisa Yeso
(Mariko 16.1-10; Luka 24.1-12; Yohana 20.1-10)
Currently Selected:
Matayo 27: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
