Matayo 19
19
1Dubbi tana buufannaani, Yesoni Galilaya keesaa bahe, lafa Yudea ta moga galaana Yordani d'aqe. 2Gumiini guddooni isa gula yaate, achiti inni worra fayyise.
3Farisayooni gari isati d'ufte waan jetteeni, Yo nami niiti ufi lakise fullaa mo fullaaniti? 4#Uum 1.27; 5.2 Yesoni waan jed'eeni, Isani t'aafi keesati insoomne? Qaraa fiit'e Waaqi d'iirafi uwa uume 5#Uum 2.24 waan jed'e, Maro waan kanatifi d'iirti abbaafi haad'a ufi lakifte niiti ufitiini taka taati, worri lamaani takaa taha. 6Worri amma nama lamaaniti, ammo taka quba ch'iteeti. Waan Waaqi takaa tolche nami gargari baasu himmalle. 7#Qab-Ser 24.1-4; Mat 5.31 Farisayooni waan jetteeni, Musani maafi, Nami tatabe lakisiti niiti ufiti kenne dandae niiti ufi illakisa jed'e re? 8Inni waan worraani jed'e, Maro jabeenna mata keesanitiifi Musani aka lakisani ee jed'e; ammo gaafa uumama akanaaniti. 9#Mat 5.32; 1 Kor 7.10-11 Waan anini isaniini jed'u, Yo nami niiti ufi ta d'iira d'ibi imbaratiini lakise nad'eeni d'ibi fuud'e, ya seera Waaqa ch'abse.
10Jari isaa waan isaani jed'e, Yo wonti d'iirsafi niitiyu akana taate, ira dansa yo nami nad'eeni imfuune. 11Yesoni waan jed'eeni, Nami ch'ufti dandae barsiisa tana gula indeemu, ammo isiini ta worra Waaqi kenneefi ch'alla. 12Wonti nami nad'eeni imfuuneefi hedduti jira: hagi gari maro akasuma d'alateefi; ka gari maro nami akasi worra tolcheefi; ka gari maro Finna gubbatiifi nad'eeni imfuune. Nami dandau ha barsiisa tana fud'atuuti.
Yesoni ijoolle didiqo eebisa
(Mariko 10.13-16; Luka 18.15-17)
13Nami gari ijoolle didiqo Yesoti d'ufeeni, aka inni harka ira kaye kad'atuufi. Ammo jari isaa worra d'owe. 14Yesoni waan jed'e, Ijoolleeni ha nati d'uftuuti, ind'owiina, Finni gubba ka nama akana kana. 15Harka ijoolle ira kaye duuba kae iti d'aabate.
Kaimi dureesi jireenna barbaada
(Mariko 10.17-31; Luka 18.18-30)
16Gaafa toko, namichi toko Yesoti d'ufe waan jed'e, Aabbo, anini waan dansa akami tolchu male aka jireenna hegeri argad'u? 17Yesoni waan jed'eeni, Waan dansaa maafi na gaafatta? Nami dansaani toko ch'alla. Yo jireenna argachu feete, seera ch'ufa guuti. 18#Bah 20.13-16; Qab-Ser 5.17-20 Namichi kaani waan jed'eeni, Seera kami? Yesoni waan jed'eeni, Inijeesiini d'iirafi nad'eeni wolbarate gaarayu wolintolfatini; inhatiini; inkiyyibiini; 19#Bah 20.12; Qab-Ser 5.16; Law 19.18abbeetiifi haateti saalfad'u oboleesa kanke aka ufi jaalatu jaalad'u. 20Namichi kaani, Anini seera kana ch'ufa ya guute; wonti d'ibiini anini tolchu male maani? jed'eeni. 21Yesoni waan jed'eeni, Yo d'uguma qit'e tahu feete, waan qabdu ch'ufa gurguri, hiyyeeyi qoodi, duuba durooma gubba argatta, kooti na gula deemi. 22Namichi kaani waan kana d'agaye jennaani aka hama lalefate kae iti d'aabate, waan inni guddo dureesatiifi.
Gaargala dureesaati
23Yesoni waan jara ufitiini jed'e, Waan anini jed'u, Guddo jabaatti, aka dureeyiini Finna gubba argattu. 24Ammalle isaniti hima, Ira laaftu aka gaali qaa lime seenu, fulla dureeyiini Finna Waaqa argattu. 25Jari isaa waan kana d'ageennaani guddo mame waan jed'e, Eentu dandae baafama re? 26Yesoni worra ilaale waan jed'eeni, Nami indandau, ammo Waaqi waan tokole indad'abu.
27Petroni waan jed'e, Ilaali, nu ya waan ch'ufa lakimne si gula yaane, maani arganna? 28#Mat 25.31; Luk 22.30Yesoni waan worraani jed'e, Waan anini isaniti himu, Gaafa Ilmi Nama barch'uma guddinna ufi ira tau, isaniini kud'ani lamaani kunileeni barch'uma guddinna ira teteetani, dubbi gosa kud'ani lama ta Israeli ch'ufa qortani. 29Ammalle nami maneenifi oboleesafi oboleetifi, abbaafi haad'afi, ilmaaniifi oobru, maro tiyyaafi lakise, maro d'ibba toko deebisaniifi, jireenna hegerile argata. 30#Mat 20.16; Luk 13.30Ammo nami hedduuni ka amma qara ka eege taha, ka amma eege ka qara taha.
Mammaasa abba oobru zabibu
Currently Selected:
Matayo 19: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
