Luka 17
17
1Duuba Yesoni waan jara ufitiini jed'e, Gufuuni daba keesa nama buuftu inuma d'ufti, ammo gaargala nama d'ufuuni! 2Sila ira dansa yo daakha daakhu morma isaati hid'ani galaana keesa buusani, fulla inni worra didiqa kana gufachiisu. 3#Mat 18.15 Ufi eegad'a!
Yo oboleesi kanke dabe gorsi, yo inni daba iraa deebie araaramiifi. 4Yo inni guyya toko keesa maro torba siti dabe ammo maro torba, Na araarami siini jed'e, araaramiifi.
Waan d'ugefacha
5Ergattuuni waan Aabbooni jette, D'ugefacha teenna iti nuu dari. 6Aabbooni waan jed'eeni, Yo sila d'ugefacha haga mid'aani dambi toko qabaattani, oda kanaani, Hiddaani armaa buqai, galaana keesa ufi d'aabi, jettani, duuba inni intaha.
Waan hojattu
7Yo sila nami toko isani keesa hojattu toko ta oobru qote yokhaani ree tissitu qabaate, yo inni huji gale, inni, Hurrisi, kooti, tai sagale nyaad'u wo jed'a? 8Dandae injed'u, ammo, Hurrisi, kooti, sagale naa d'aabi, mart'ifad'u na golochi, haga anini gololfad'uuti; eegi suni nyaatte d'udda jed'a. 9Abbaani hojattu suni mala keeti maro waan inni fed'u tolcheefi galata deebisa? Hiyyo. 10Isanileeni akasuma; hojja waan ch'ufa ka Tolcha jed'ani tolchitani, waan jettani, Nu tissele ta woma imbaane; nu waan tolchu malle ch'alla tolchine jed'a.
Yesoni nama qomaat'a qabu kud'ani fayyisa
11Ato Yesoni Yerusalemuti deemu, lafa Samariatifi ta Galilaya jiddu dabre. 12Ato inni olla toko seenu jiru, nami kud'ani ka qomaat'a qabu isati d'ufe, fago ejaanje, 13qonqo olfud'atani waan jed'ani, Yeso, Aabbo, nu nahi. 14#Law 14.1-32 Worra arginaani Yesoni waan jed'eeni, Beena, qaalole ufi agarsiisa. Ato kara yaanu fayyani. 15Jennaani nami toko aka fayye ufi arginaani, deebie qonqo guddooni Waaqa faarse. 16Miila Yeso jalati jige galata deebiseefi. Namichi sunini gosa Samariati. 17Jennaani Yesoni waan jed'e, Nami kud'ani imfayine? Sagalaani kaani me re? 18Keessumicha kana male, nami deebie Waaqa galata deebisu injiru? 19Yesoni waan isaani jed'e, Olkai, beeni deemi, d'ugefachaani tante la si fayyifte.
D'ufiisa Finna Waaqa
(Matayo 24.23-28,37-41)
20Farisayooni guyya Finni Waaqa d'ufu Yeso gaafannaani inni waan jed'eeni, Finni Waaqa aka nami eeguuni ind'ufu. 21Yokhaani nami dandae, Kuno kana injed'u, yokhaani, Kuno suni injed'u. Wonti akanatiifi Finni Waaqa jiddu teesani ke jira.
22Jennaani inni waan jara ufiitini jed'e, taka tana isani guyya toko ka bara Ilmi Nama lafa jiru kaani argu feetani d'araatani, ammo inargitani. 23Gaafasi worri waan isaniini jed'u kuno suni yokhaani kuno kana. Ammo isani indeemina Yokhaani worra gula iyyaina. 24Akuma angaasuni moga tana angaate taanti ifsitu, guyyaani Ilma Namaleeni akasuma taha. 25Ammo qara inni aka heddu gaargalu male, ammalle d'alooti kuni isa didu male. 26#Uum 6.5-8Akuma bari Nuhu jiru, bari Ilma Namaleeni jira. 27#Uum 7.6-24 Gaafasi haga guyyaani Nuhuni hobolo seene lolaani d'ufe worra ch'ufa balleese gahuti, nyaatani d'ugani wolfuud'ani. 28#Uum 18.20—19.25 Akuma bara Lutu taati — nyaatani d'uugani, bitatani gurguratani, oobraatani mana ijaaratani. 29Ammo guyya Lutuuni Sodoma keesaa bahe, ibidafi dillooni aka ibida bobeetu gubba gadi roobde worra ch'ufa balleesite. 30Guyya Ilmi Nama mullatule wonti ch'ufti akasuma taati.
31 #
Mat 24.17-18; Mar 13.15-16 Guyya suni, nami mana gubba jiru, ka mihi isaa mana keesa jiru, gadi bue inguuratiini; akasuma nami oobru keesa jiruleeni indeebiini. 32#Uum 19.26 Niiti Lutu qaabad'a! 33#Mat 10.39; 16.25; Mar 8.35; Luk 9.24; Yoh 12.25 Nami lubbu ufi baasu fed'u ind'aba; ammo ka lubbu ufii balleesu inargata. 34Waan anini isaniini jed'u, Halkani suni nama lamati sire toko ira rafa: toko fuud'ani, kaani lakisani. 35Nad'eeni lamati mid'aani woliini daakhu jira; toko fuud'ani, taani lakisani.
[ 36Nama lamati oobru keesa jira: toko fuud'ani, kaani lakisani.] 37Jari isaa waan jed'eeni, Aabbo, fullaani suni eesa? Inni waan jed'eeni, Allaatiini fulla reefi jiruti buuti.
Mammaasa niiti tokofi nama wo qoru
Currently Selected:
Luka 17: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
