Luka 1
1
Dubbi Qara
1Ee Theofilo:
Nami hedduuni odu waan jiddu teennati tolchani yayu haga dandaani t'aafe. 2Worri, gaafa t'aafe, akuma jari waan kana haguma duriiti arge odeese nuti hime gula t'aafe. 3Tanaafi anileeni dansa sehe, aka waan kana qajeelche sii t'aafu, waan anini haguma qara dubbi tana aka dansaa ilaale barad'eefi. 4Wonti anini waan kana tolchuufi aka atini d'uga waan si barsiisani barattu.
D'aloota Yohana nama batisu odeesani
5 #
1 Od-dur 24.10 Bara Herodeni hayyu Yahudi, qaallicha toko jira ka Zekaria jed'ani ka balbala qaalole Abiya jed'ani. Niiti isa maqaani Elisabeti ta isiileeni balbala worra qaalole himatu. 6Worri lachu Waaqa durati worra d'ugaati, wollaala male seera isatiifi aada isaa ch'ufa guutani. 7Ammo ilme inqabani maro Elisabetini maseena taateefi; ammalle jari lachu jaarole.
8Ato inni huji qaallu Waaqa durati hojatu, guyyaani faro isaa gahe 9aka aada qaalole guutu. Hit'aani isa ira bue jennaani inni kae hit'aana Mana Waaqa keesati aarse. 10Nami ch'ufti alati kad'achu jira, hojja inni hit'aana aarsu jiru suni. 11Malaikaani aabbo isati mullatte, gama mirga fulla hit'aana iti aarsani ejatte. 12Zekariani arginaani nahe rifate. 13Ammo malaikaani waan jetteeni, Insodaatini, Zekaria, kad'acha tante la d'agayani, niitiini tante Elisabeti ilma sii d'alti, atini maqa isaa Yohana baafta. 14Atini ingammadda, nami hedduleeni si woliini gammada, hojja inni d'alatu. 15#Hen 6.3 Wonti akanatiifi inni Aabbo durati nama gudda taha, daad'iifi farso ind'ugu, Lubbu Qulqullooni guutama akuma garaa haad'a keesaa buuni. 16Inni ijoolle Israeli heddu gara Aabbo Waaqa isaani deebise, 17#Mal 4.5-6Lubbufi jabeenna aka Eliyatini fuula Aabbo dura deema. Ammalle abbootifi ilmaani wolti araarse, nama Waaqaa insaalfane qalbi worraa d'ugaati deebisa aka gumi Aabbo Aabboo kurfeesu.
18Zekariani waan malaikaani jed'e, Anini akamiini waan kana beekha? Anini jaarsa, niitiini tiyyaleeni la jaarte guguufte. 19#Dan 8.16; 9.21Malaikaani waan jetteeni, Anini Gabrieli, ka fuula Waaqa dura ejatu, ana siti ergani aka odu dansa tana siti himu. 20Ch'aqasi! Atini afaani duuda, haga wonti kuni guutamtuuti indubbattu, waan atini dubbi tiyya ta eegi tana guutamtu d'ugefachu diddeefi.
21Jari Zekaria eegu waan inni akana Mana Waaqa keesati tureefi mame. 22Inni gabaanaani dubbachu dad'abe, aka inni Mana keesati daayya arge beekhani. Dubbachu dad'abe jennaani harka dadarbe.
23Guyyaani faro isaa hobaanaani inni worra ufiti gale. 24Eegi guyya suni niitiini isaa Elisabetiini garaachoofte, haga jia shani ch'ufa d'ofatte. 25Isiini waan jette, Waan kana Aabbooni ya naa tolche, aka na qarqaare fuula nama durati fafa naa didu.
D'aloota Yeso Kristo odeesani
26Eegi jia jaa Waaqi malaika Gabrieli gara olla toko ka Galilaya, ka Nazareti jed'ani, erge 27#Mat 1.18 gara intala dubra toko ta namichi Yusufu jed'ani kad'achu jiru, ka gosa Daudi, maqaani intala Mariamu. 28Malaikaani isiti d'ufte nagaya fuute waan jetteeni, Aabbooni si woliini jira, ya guddo si eebise. 29Isiini waan dubbi tanaatiifi guddo rifatte, garaa ufi keesati, mamte Kunini nagaya akami? jette. 30Malaikaani waan jetteeni, Mariamu, insodaatini, Waaqi ya si eebise. 31#Mat 1.21 Atini garaachoofteti ilma d'alta, maqa isaa Yeso baafta. 32#2 Sam 7.12,13,16; Isa 9.7 Inni gudda taha, Ilma Waaqa Gudda jed'aniini. Aabbo Waaqi hayyu isa tolcha, akuma abaabo isaa Daudi. 33Inni hayyu worra Yakobo haga hegerile taha; hayyumti isaa muumme inqabdu.
34Mariamuni waan malaikaani jette, Anini dubra. Wonti kunini akamiini taati? 35Malaikaani waan jetteeni, Lubbu Qulqulloti siti d'ufa, jabeenni Waaqa Gudda siti gaadiseesa. Tanaafi daima qulqullo d'alatu sunini Ilma Waaqa jed'ani. 36Me ilaali Elisabetini fiit'ani tante ta qara ya maseente jed'ani yayu eegi, jaarte ilma d'iira garaachoofte; kunini jia isii ka jaeesooti. 37#Uum 18.14 Wonti Waaqi tolchu indandeenne tokoleeni injirtu.
38Mariamuni waan jetteeni, Kuno, anini garbiti Aabbooti, dubbini atini naani jette ha taatu. Duuba malaikaani isi biraa deemte.
Mariamu gara Elisabeti d'at'i
39Gaafasuma Mariamuni kaate titimaani dira lafa Yuda ka gaareeni keesa d'at'e. 40Mana Zekaria seente, Elisabeti nagaya fuute. 41Elisabetiini nagaya Mariamu d'ageennaani, daimi garaa isii keesati gammadaani tabate. Elisabetiini Lubbu Qulqullooni guutamnaani 42qonqo olfud'atte guddo lalabde waan jette, Nad'eeni ch'ufa keesa ya si eebisani, ammalle daimi garaa kanke keesaa bahuleeni ya eebifame. 43Dubbini tuni maafi naa taate, ta haati Aabbo kiyya nati d'uftu? 44Akuma nagaya kanke d'agayeeni, daimi garaa kiyya keesati gammade tabate. 45La si eebisani, waan atini aka dubbini Aabbooni siti hime guutamtu d'ugefatteefi.
Faaru Mariamu
46 #
1 Sam 2.1-10
Mariamuni waan jette:
Garaani kiyya Aabbo faarsa,
47lubbuuni tiyyaleeni yayu maro Qarqaarsa kiyyatiifi gammadde.
48 #
1 Sam 1.11 Wonti akanatiifi inni ya garbiti ufi diqo qaabate.
Ammalle eegi arraa achi d'alooti ch'ufti ta eebifamte naani jed'a,
49maro Waaqi ka jabeenna qabu waan jabdu na tolcheefi.
Maqaani isaa qulqullo;
50inni worra isa sodaatu inaha, d'aloota ch'ufa keesa.
51Inni harka ufitiini jabeenna agarsiise
jara heregaani ufi saadu firfirse.
52 #
Ayu 5.11; 12.19 Hayyoota barch'uma guddinna iraa kaase hiyyeeyi ira teteesise,
53inni jara beela qabu waan dansaani quufse,
dureeyi harka duwa gusse.
54Inni yayu garbicha ufi Israeli qarqaare,
akuma ababoota teennati kakhate,
55 #
Uum 17.7 ammalle aka haga jiru Abrahamufi d'aloota isaati nahu qaabate.
56Mariamuni haga jia sadi isi woliini teete duuba worra ufiti galte.
D'aloota Yohana nama batisu
57Elisabetini jii isii hobaanaani ilma d'iira deete. 58Ollafi fiit'ani aka Aabbooni isii nahe arginaani guddo isi woliini gammadani. 59#Law 12.3 Eegi torbaani toko gurbaa qabanqaba qabu d'ufani; sila maqa gurbaa Zekaria baasu fed'ani abba gula. 60Ammo haati waan jette, Akasiniti, Yohana jed'a jette. 61Worri waan jed'eeni, Fiit'a teesani keesa nami maqa akasitini yaamani injiru. 62Jennaani abba harkaani gaafatani, Maqaani gurba eennu? jed'aniini. 63Zekariani waan irati t'aafu kad'ate waan t'aafe, Maqaani isaa Yohana. Nami ch'ufti imame. 64Hojuma suni afaanifi arabi hiikhame, dubbate Waaqa faarse. 65Ollaani ch'ufti sodaate, dubbini tuni haga lafa gaareeni Yahudi geete. 66Nami d'agaye ch'ufti garaa ufi keesa keyate, Gurbaani kuni nama akami taha? jed'ani. Wonti akanatiifi inni jabeenna Waaqa qaba.
Fagiisa Zekaria
67Abbaani isaa Zekariani Lubbu Qulqullooni guutamnaani fage waan jed'e,
68Aabbo Waaqi Israeli ha eebifamu:
Wonti akanatiifi inni gumi ufi qarqaare baasu d'ufe.
69Inni baafama ka taka argani ind'agayiini nuu kenne,
d'aloota garbicha ufi Daudi keesa.
70Wonti inni haguma duriiti afaani raagoota isaa
qulqullotiini jed'e tana:
71Inni aka harka nyaapatiifi jara nuu jibbule jala nu baasu kakhate.
72Aka ababoota teennaa nahe wold'aqisa isaa qulqullo qaabatu.
73Inni abaabo keenna Abrahamuti kakhate,
74aka harka nyaapa keenna keesaa nu baase,
nu soda male isa hojannu.
75Aka qulqulloomafi d'ugaani guyya keenna ch'ufa isa dura yaanu.
76 #
Mal 3.1 Gurba, atileeni raaga Waaqa Gudda jed'ani si yaamani;
Aabbo dura deemte kara mid'aasitaafi.
77Aka waan baafama, ka araarama daba namaa d'ufuuni, gumi isaa barsiiftu.
78Waaqi keenna hojja ch'ufa naasu qaba;
inni kayyo ta aka adu gubba nuti ifsa,
79 #
Isa 9.2 Aka nami dukana keesa tataufi ka gaadisa duisa keesa tatuleti ifsu,
aka faana teenna kara nagayaati qajeelchu.
80Gurbaani guddate nafafi lubbuuni jabaate: lafa alo keesa tae, haga guyyaani inni Israeliti ufi mullisu gahuti.
D'aloota Yeso Kristo
(Matayo 1.18-25)
Currently Selected:
Luka 1: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
