Habakuki 1
1
1Tunini waan AABBO Waaqi raaga Habakuki daayyani agarsiise.
Aka Habakukiini daba nami hojate iraa dubbate
2Ee AABBO Waaqa, anini haga yoomi, ka atini na jalaa inqamne yokhaani ka atini gaargala had'iisa keesaa nu imbaamne si yaamachu male? 3Atini maafi gaargala akana kana na agarsiifta? Atini akami gaargala akana kana ka agartu obsita? Badifi had'iisi ya na marse, ammalle nami ya fulla ch'ufati wold'abe harkaani wolgahe. 4Duuba seeri laafe woma bahu dad'abe, d'ugaleeni badde. Ch'ubbichi nama qajeela dabse, akasiini d'uga balleesani.
Dubbi AABBO Waaqaa
5 #
Huji 13.41
Jennaani AABBO Waaqi waan gumi ufiitini jed'e, Gosa isani marsite d'aatu teesani jirtu tana aka dansaa laala, duuba waan worri tahu mamtani maadefattani. Anini waan isani ato d'ageetanile ind'ugeefanne tolcha. 6#2 Hay 24.2 Anini worra Kaldayo, gosa jajanna hamamtu irre keennaafi. Worri kunini lafa ch'ufa keesa deeme lafa ta worraa intahiini dabsate irreeni fud'ata. 7Worri nama naasise mudamsiisa, ammalle kiyyibe mata ufiiti yae aada ufii koba baafata.
8Fardooleeni worraa qeeramsale ira orite, yai beela qabdule ira nama sodaachifti. Teetuuni worraa ta farda ch'ufti lafa fagooti d'ufti. Fardi worraa ya lola kurfae, duuba akuma risaani waan nyaatu lafaa buttu, worrileeni wo butta.
9Duuli worraa had'iisaa d'ufe, nami ch'ufti ato worri d'ufu durati bakhakha. Nami worri boojiu akuma biyye tana jira. 10Worri hayyoota tuffate, worra gugurdale womatu indaru, iti tabata. Maneeni jajabduleeni dandeete worra ind'owartu — worri lafa qote biyye olbaase dira suni marse dabsata. 11Jennaani worri aka bubbe yoosu dira suni ira bubbise dabra. Worri suni irree ufii aka waaqa herega.
Aka Habakukiini ammalle waan quufa d'abe Waaqaati himate
12AABBO Waaqa, atini Waaqa jiru, haguma duriti atini Waaqa kiyya, qulqullo, ka jiru jireenna. Ee AABBO, Waaqa kiyyafi jabeenna kiyya, atini gosa Kaldayo fohatte jabeesite, aka worri nu gaargalchu. 13Ammo atini akami dandeete worra ch'ubbicha nama sosobu kana obsita? Ilti tante guddo qulqullo, dandeete hameenna ilaaltu, ammalle dandeete waan hamtu ilaaltu. Duuba atini maafi ch'allifta, ka ch'ubbichi tae nama isa ira d'uga gula deemu balleesu?
14Atini akami aka qurt'umi yokhaani aka tuuta tiite, ta jaarsa worra qajeelchu inqamne, nama tolchita? 15Worri Kaldayo, akuma qurt'umi hookooni qabani, nama qabe t'ururaani hirkise gammadaani galfata! 16Worri t'urura isaani aka waaqa kad'ate sorio baasaafi, wonti akanatiifi t'ururaa suni ira worri waan nyaate d'ugu argata.
17Worri haguma jiru goraade suniini gosa heddu naasu male balleesa?
Waan AABBO Waaqi Habakukiini jed'e
Currently Selected:
Habakuki 1: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
