MARIKO 9

1AGĨCOKA akĩmera, Ngũmwĩra atĩrĩrĩ na ma, Andũ aya marũngiĩ haha, nĩharĩ amwe matagacama gĩkuũ o na atĩa, mataambĩte kuona ũthamaki wa Ngai ũũkĩte wĩ na hinya.

2 # 2 Pet 1.17,18. Ningĩ mĩthenya yathira ĩtandatũ, Jesu agĩtwara Petero na Jakubu na Johana akĩmakinyia kĩrĩma kĩraya igũrũ o oiki hatarĩ mũndũ ũngĩ akĩgarũrũka ũrĩa aahaanaga o hau maarĩ. 3Nguo ciake igĩkenga, igĩtuĩka njerũ cua; gũtirĩ mũthambia wa nguo gũkũ thĩ ũngĩhota gũcierũhia ũguo. 4Na makiumĩrĩrũo nĩ Elija me na Musa: nao makĩaranĩria na Jesu. 5Nake Petero agĩcokia ũhoro, akĩĩra Jesu atĩrĩ, Rabii,#9.5 Rabii: nĩ mũrutani wa kĩrĩra. nĩtwagĩrĩirũo nĩ gũikara gũkũ: na nĩtwake ithũnũ ithatũ, kĩmwe gĩaku, na kĩmwe kĩa Musa, na kĩmwe kĩa Elija. 6Amu nĩaarigĩtwo nĩ ũrĩa angĩcokia; tondũ nĩmaagwatĩtwo nĩ guoya mũnene. 7#Mat 3.17; Mar 1.11; Luk 3.22.Ningĩ gũgĩũka itu rĩkĩmahumbĩra: na thĩinĩ wa itu gũkiuma mũgambo ũkiuga atĩrĩ, Ũyũ nĩwe Mũrũ wakwa nyendete mũno: mũiguagei. 8Na kahinda o kanini, maacoka kũroranga, makĩaga gũcoka kuona mũndũ, tiga o Jesu wiki e hamwe nao.

9Na rĩrĩa maaikũrũkaga kĩrĩma, akĩmakaania matikere mũndũ maũndũ macio monete, tiga o rĩrĩa Mũrũ wa Mũndũ agakorũo arĩkĩtie kũriũka oimĩte kwĩ arĩa akuũ. 10Nao magĩtũũra mamenyereire kiugo kĩu, makoranagia o ene nĩ atĩa ũguo, kũriũka kuuma kũrĩ arĩa akuũ. 11#Mal 4.5; Mat 11.14.Makĩmũũria atĩrĩ, Nĩ ũndũ kĩ aandĩki-marũa moigaga atĩ Elija no aambe oke we? 12Nake akĩmera atĩrĩ, Elija ti-itherũ nĩ wa kwamba gũũka, na erũhie maũndũ mothe: ningĩ nĩ atĩa ũguo haandĩkĩtwo nĩ ũndũ wa Mũrũ wa Mũndũ, atĩ nĩakona mathĩna maingĩ na arario? 13Ĩndĩ ngũmwĩra atĩrĩ, atĩ Elija nĩarĩkĩtie gũũka, o na kũmwĩka mamwĩkĩte o ũrĩa meendeire, o ta ũrĩa ũhoro wake wandĩkĩtwo.

14Nao maakinya harĩ arutwo, makĩona kĩrĩndĩ kĩingĩ kĩmarigicĩirie, o na aandĩki-marũa magĩkararanagia nao. 15Nakĩo kĩrĩndĩ gĩothe, o kĩamuona, gĩkĩgega mũno, gĩkĩmuomokera gĩgĩitĩka kũmũgeithia. 16Nake akĩmoria, Mũgũkararanagia atĩa nao? 17Na mũndũ ũmwe wa kĩrĩndĩ-inĩ kĩu akĩmũcokeria atĩrĩ, Mũrutani, ndĩrakũreheire mũrũ wakwa, e na ngoma ĩtaaragia; 18nayo o harĩa yamũnyitĩra nĩĩmũtungumanagia ho: nake akaruta mũhũyũ, na akahagarania magego, na no ahinyaraga: na nĩndĩraarĩirie arutwo aku atĩ matũme yume; nao mararemwo. 19Nake akĩmacokeria ũhoro akiuga atĩrĩ, Rũciaro rũrũ rũtangĩĩtĩkia, ngũtũũra na inyuĩ nginya hĩndĩ ĩ? ngũtũũra ndĩmũkiragĩrĩria nginya rĩ? mũrehei harĩ niĩ. 20Makĩmũtwara harĩ we: nake aamuona, ihinda o rĩu ngoma ĩkĩmũthiora mũno, akĩgũa thĩ, akĩĩgaragaria akĩrutaga mũhũyũ. 21Nake akĩũria ithe atĩrĩ, Nĩ hingo ĩigana atĩa nginya ona ũguo? Nake akiuga, Nĩ nginya e mwana. 22Nayo yanamũikia kaingĩ mwaki-inĩ, o na maĩ-inĩ, ĩmũnine: no wakorũo wahota gwĩka ũndũ, gĩtũiguĩre tha, ũtũteithie. 23Nake Jesu akĩmwĩra atĩrĩ, Atĩ akorũo ndahota! Maũndũ mothe mahotekaga nĩ mũndũ wĩtĩkĩtie 24Nake ithe wa mwana akĩgũũthũka o rĩmwe, akiuga Ndĩ gwĩtĩkia; ndeithia harĩa njagĩte gwĩtĩkia. 25Nake Jesu ona atĩ kĩrĩndĩ no kĩroka gĩteng’erete, agĩkaania ngoma ĩo thũku, akĩmĩĩra, Ngoma ĩno ũtaaragia na ũtaiguaga, niĩ nĩndagwatha, uma thĩinĩ wake, na ndũkanacoke kũmũtonya. 26Nayo yarĩkia gũkaya na kũmũthiora mũno, ĩkiuma: nake mwana agĩtuĩka ta mũndũ ũkuĩte; andũ arĩa aingĩ magĩkiuga, Nĩ mũkuũ. 27No Jesu-rĩ, akĩmũnyita guoko, akĩmũũkĩria; nake akĩrũgama. 28Na aarĩkia gũtonya mũciĩ, arutwo ake makĩmũũria ũhoro ũcio hatarĩ andũ angĩ, makiuga, Ithuĩ tũtiraremirũo nĩ gũtũma yume? 29Nake akĩmera atĩrĩ, Mũthemba ũcio ndũngĩrutĩka na ũndũ ũngĩ tiga o kũhoya Ngai [o na kwĩima irio.]

30Makiuma kũu, makĩhungura bũrũri wa Galili; na ndendaga mũndũ amenye. 31Tondũ nĩ kũruta aarutaga arutwo ake ũhoro, akamera atĩrĩ; Mũrũ wa Mũndũ nĩ wa kũneanwo moko-inĩ ma andũ, nao nĩ kũmũũraga makamũũraga; nake aarĩkia kũũragwo, thutha wa mĩthenya ĩtatũ nĩagacoka kũriũka. 32Nao matiigana gũtaũkĩrũo nĩ kiugo kĩu, na nĩmetigĩrire kũmũũria.

33Magĩkinya Kaperinaumu: na aakorũo e nyũmba thĩinĩ akĩmoria atĩrĩ, Nĩ ũhoro ũrĩkũ mũgũciraga twĩ njĩra? 34#Luk 22.24.Nao magĩkira: tondũ nĩmaakararanagia me njĩra atĩ nĩ ũrĩkũ mũnene kũrĩ arĩa angĩ. 35#Mat 20.26,27; 23.11; Mar 10.43,44; Luk 22.26.Nake agĩikara thĩ, agĩĩta arĩa ikũmi na erĩ; akĩmera atĩrĩ, Mũndũ angĩenda gũtuĩka wa mbere, nĩatuĩke wa thutha wa arĩa angĩ othe, na atuĩke ndungata yao othe. 36Akĩrehe kaana, agĩkarũgamia gatagatĩ-inĩ kao: na aarĩkia gũkarigicĩria moko make, akĩmera atĩrĩ, 37#Mat 10.40; Luk 10.16; Joh 13.20.Mũndũ o wothe wa gwĩtĩkĩra kaana kamwe ta gaka nĩ ũndũ wa rĩĩtwa rĩakwa, nĩ niĩ etĩkĩra: na mũndũ o wothe wanjĩtĩkĩra niĩ, to niĩ etĩkĩra, nĩetĩkĩra ũrĩa wandekirie.

38Johana akĩmwĩra, Mũrutani, tũronire mũndũ akĩruta andũ ndaimono na rĩĩtwa rĩaku: na tũramũkaania, nĩ gũkorũo ndatwaranaga na ithuĩ. 39Nake Jesu akiuga atĩrĩ, Mũtikamũkaanie: tondũ gũtirĩ mũndũ ũngĩĩka wĩko wa hinya na rĩĩtwa rĩakwa, na ahote gũcoka kũ’menereria narua. 40#Mat 12.30; Luk 11.23.Amu-rĩ, ũrĩa ũtarĩ ũthũ na ithuĩ no witũ. 41#Mat 10.42.Amu mũndũ o wothe ũkamũhe gĩkombe kĩa maĩ mũnyue, nĩ ũndũ mũrĩ a Kristo, ngũmwĩra atĩrĩrĩ na ma, ũcio ndarĩ ũndũ ũgatũma aage ũtungati wake. 42Na mũndũ o wothe ũgatũma twana tũtũ twĩĩ’hokete kamwe gatuo kahĩtie, wega wake no aharũkio ihiga inene rĩa gĩthĩi ngingo na aikio iria thĩinĩ. 43#Mat 5.30.Na kũngĩtuĩka atĩ guoko gwaku nĩ gwa gũkũhĩngithia, gũtinie; nĩ kaba gũtonya muoyo-inĩ wĩ kĩonje gwĩ gũtonya Jehanumu wĩ na moko merĩ, ũtonye mwaki-inĩ ũrĩa ũtangĩhoreka; 44[kũrĩa kĩgunyũ kĩao gĩtakuaga, naguo mwaki ũtahoraga.] 45Na kũngĩtuĩka atĩ kũgũrũ gwaku nĩ gwa gũkũhĩngithia, gũtinie; nĩ kaba gũtonya muoyo-inĩ wĩ gĩthua gwĩ gũikio Jehanumu wĩ na magũrũ merĩ; 46[kũrĩa kĩgunyũ kĩao gĩtakuaga, naguo mwaki ũtahoraga.] 47#Mat 5.29.O na kũngĩtuĩka atĩ riitho rĩaku nĩ rĩa gũkũhĩngithia, rĩkũũre ũrĩte: nĩ kaba gũtonya ũthamaki-inĩ wa Ngai wĩ na riitho rĩmwe gwĩ gũikio Jehanumu wĩ na maitho merĩ; 48#Isa 66.24.kũrĩa kĩgunyũ kĩao gĩtakuaga, naguo mwaki ũtahoraga. 49Amu-rĩ, andũ othe nĩmagekĩrũo cumbĩ nĩ mwaki, [na igongona o rĩothe rĩĩkĩrũo mũcamo na cumbĩ.] 50#Mat 5.13; Luk 14.34,35.Cumbĩ nĩ mwega: no cumbĩ ũngĩkorũo nĩũthirĩte mũcamo waguo, mwacoka kũũcamithia ta cumbĩ na kĩ? Gĩagai cumbĩ thĩinĩ wanyu, na mũikarage mũiguaine.

Currently Selected:

MARIKO 9: OGKBIBLE

Highlight

Copy