MATHAYO 4

1 # Ahib 2.18; 4.15. HĨNDĨ ĩo Jesu nĩaatwarirũo nĩ Roho werũ-inĩ nĩguo akagerio nĩ mũcukani. 2Nake aanina matukũ mĩrongo ĩna ehingĩte kũrĩa kĩndũ, mũthenya o na ũtukũ, thutha ũcio akĩigua ahũtiĩ. 3Nake mũgerania akĩmũkora, akĩmwĩra atĩrĩ, Ongorũo wee nĩwe Mũrũ wa Ngai, ĩra mahiga maya matuĩke mĩgate. 4#Gũcok 8.3.Nake akĩmũcokeria akĩmwĩra atĩrĩ, Nĩ haandĩke atĩ, Ti mũgate wiki ũtũũragia mũndũ muoyo, no kiugo o gĩothe kĩrĩa kiumaga kanua ka Ngai. 5Hĩndĩ ĩo mũcukani akĩmũtwara itũũra rĩrĩa rĩtheru thĩinĩ, akĩmũrũgamia o gathũrũmũndũ ka hekarũ igũrũ, 6#Thab 91.11,12.akĩmwĩra atĩrĩ, Ongorũo wee nĩwe Mũrũ wa Ngai, wĩtungumanie thĩ, tondũ ũhoro nĩwandĩkĩtwo atĩ,

Nĩagaatha araika ake nĩ ũndũ waku:

Nao nĩmagakwanĩrĩria na moko mao,

Ndũkae kũgũthwo kũgũrũ nĩ ihiga.

7 # Gũcok 6.16. Nake Jesu akĩmwĩra atĩrĩ, O na ningĩ nĩhaandĩkĩtwo ũũ, Ndũkanagerie Mwathani Ngai waku. 8Ningĩ mũcukani akĩmũtwara kĩrĩma-inĩ kĩraya mũno, akĩmuonia mothamaki mothe ma thĩ, o na riri wamo, 9akĩmwĩra atĩrĩ, Macio mothe nĩngũkũhe, ũngĩĩtĩkĩra kwĩgũithia thĩ, ũngooce. 10#Gũcok 6.13.Hĩndĩ ĩo Jesu akĩmwĩra atĩrĩ, Thiĩ, ndiga, Shaitani, tondũ ũhoro nĩwandĩkĩtwo, Turagia ndu ũgoocage Mwathani Ngai waku, na ũmũtungatagĩre o we wiki. 11Hĩndĩ ĩo mũcukani akĩmũtiga, na atĩrĩrĩ, araika magĩũka makĩmũtungatĩra.

12 # Mat 14.3; Mar 6.17; Luk 3.19,20. Na rĩrĩa aaiguire atĩ Johana nĩanyitĩtwo, akĩĩeherera agĩthiĩ bũrũri wa Galili; 13#Joh 2.12.akiuma Nazarethi, agĩthiĩ agĩikara Kaperinaumu, itũũra rĩrĩa rĩarĩ hakuhĩ na iria, ndwere-inĩ cia Zebuluni na Nafitali: 14nĩ getha ciugo iria ciaririo nĩ Isaia ũrĩa mũnabii ikinye, rĩrĩa oigire atĩrĩ,

15 # Isa 9.1,2. Bũrũri wa Zebuluni, na bũrũri wa Nafitali, kũrĩa kũng’ethanĩire na iria, mũrĩmo ũrĩa wa Jorodani, Galili-kwa-Ndũrĩrĩ;

16Andũ arĩa maikarĩte nduma-inĩ

Nĩmonete ũtheri mũnene,

Na arĩa maikarĩte bũrũri wĩ gĩkuũ, na kĩĩgunyĩ-inĩ gĩa gĩkuũ,

Nĩmarĩirũo nĩ ũtheri.

17 # Mat 3.2. Gwata hĩndĩ ĩo Jesu nĩaambĩrĩirie kũhũnjia Ũhoro akiugaga, Wĩrirei; tondũ ũthamaki wa Igũrũ nĩũkuhĩhĩirie.

18Nake Jesu agĩthiathianga hari-inĩ cia iria rĩa Galili, akĩona andũ erĩ a nyina ũmwe, nao nĩ Simoni ũrĩa wetagwo Petero, na Andarea mũrũ wa nyina, magĩikia rũgara rũnene rũa ndigi iria-inĩ, nĩ ũndũ maarĩ atahi a ciũngũyũ. 19Nake akĩmera, Ũkai mũnũmĩrĩre, na nĩngatũma mũtuĩke atahi a andũ. 20Nao magĩgĩtiga ngara icio cia ndigi o hĩndĩ ĩo, makĩmũrũmĩrĩra. 21Na oima hau, aathiathia-rĩ, akĩona andũ angĩ erĩ a nyina ũmwe, nao nĩ Jakubu mũrũ wa Zebedi, na Johana mũrũ wa nyina, marĩ marikabu-inĩ hamwe na ithe wao Zebedi, magĩthondeka ngara ciao cia ndigi harĩa ciatuĩkĩte: akĩmeta. 22Nao magĩtiga marikabu o hĩndĩ ĩo, o na ithe wao, makĩmũrũmĩrĩra.

23 # Mat 9.35; Mar 1.39. Nake Jesu agĩcanga Galili guothe, akĩrutanaga thunagogi-inĩ ciao, akĩhunjagia Ũhoro-ũrĩa-Mwega wa ũthamaki wa Ngai, na akĩhonanagia mĩrimũ yothe na ndũari ciothe iria andũ maarĩ nacio. 24Nayo ngumo yake ĩkĩiyũra bũrũri wothe wa Suriata: nao andũ makĩmũrehere andũ arĩa othe arũaru, arĩa maagwatĩtwo nĩ mĩrimũ mĩthemba mĩthemba, na arĩa maatuuragwo handũ na handũ, na arĩa maarĩ na ndaimono, na arĩa maarĩ na mũrimũ wa kũng’irang’ira, o na arĩa maarĩ na mũrimũ wa gũkua ciĩga; nake akĩmahonia othe. 25Na andũ aingĩ mũno moimĩte Galili na Dekapoli na Jerusalemu na Judea, na mũrĩmo ũrĩa wa Jorodani, magĩkĩmuuma thutha.

Currently Selected:

MATHAYO 4: OGKBIBLE

Highlight

Copy