LUKA 17

1NAKE Jesu akĩĩra arutwo ake atĩrĩ, Gũtirĩ hingo maũndũ marĩa mahĩngithanagia matagoka: no mũndũ ũrĩa ũngĩtũma moke, kaĩ arĩ na haaro-ĩ! 2Wega wake no aharũkio ihiga rĩa gĩthĩi ngingo, na aikio iria-inĩ, gũkĩra atĩ ahĩngithie kamwe ga twana tũtũ. 3#Mat 18.15.Wĩmenyagĩrĩrei inyuĩ ene: na rĩrĩ, mũrũ wa thoguo angĩĩhia, mũkaanie; na angĩhera, muohere. 4Na angĩkwĩhia maita mũgwanja o mũthenya ũmwe, na acoke harĩ wee maita mũgwanja oige atĩrĩ, Nĩndahera; no wega ũmuohere.

5Nao atũmwo makĩĩra Mwathani atĩrĩ, Tuongerere wĩtĩkio. 6Nake Mwathani akiuga atĩrĩ, Mũngĩkorũo mũrĩ na wĩtĩkio ũiganaine na kahĩndĩ ga karatarĩ-rĩ, mwera mũkũyũ ũyũ atĩrĩ, Kũũrũka, ũkehande iria-inĩ rĩrĩa inene, naguo no ũmũigue. 7Na nĩ mũndũ ũrĩkũ wanyu ũngĩkorũo arĩ na ngombo ĩkũmũcimbĩra na mũraũ, kana ĩkamũrĩithĩrĩa mbũri, nayo yainũka yumĩte mũgũnda, akamĩĩra atĩrĩ, Ũka o rĩu, ũikare metha-inĩ ũrĩe irio? 8Githĩ ndangĩmĩĩra atĩrĩ, Thondeka irio, ndĩe; na wĩhotore, ũndehere irio, o nginya ndĩĩkorũo ndĩkĩtie kũrĩa na kũnyua; na thutha ũcio, wee ũcoke ũrĩe na ũnyue? 9Anga nĩegũcokeria ngombo ĩo ngatho nĩ ũndũ nĩĩĩkĩte maũndũ marĩa yathĩtwo? 10Noguo o na inyuĩ-rĩ, mwarĩkia gwĩka maũndũ marĩa mothe mwathĩtwo, ugagai atĩrĩ, Tũrĩ ngombo itarĩ uumithio; nĩtwĩkĩte o maũndũ marĩa twagĩrĩirũo nĩ gwĩka.

11Na gũgĩkinya atĩrĩ, hĩndĩ ĩrĩa maathiaga Jerusalemu, agĩtuĩkanĩria Samaria na Galili. 12Na agĩtonya mũciĩ ũmwe, agĩtũngwo nĩ arũme ikũmi marũarĩte mangũ, na maarũgamĩte haraya: 13makĩanĩrĩra na mũgambo mũnene, makiuga atĩrĩ, Jesu, Mũnene witũ, tũiguĩre tha. 14#Alaw 14.1-32.Nake aamona akĩmera atĩrĩ, Thiĩi mũkeyonanie kũrĩ athĩnjĩri-Ngai. Na gũgĩtuĩka atĩrĩ, hĩndĩ ĩrĩa maathiaga, makĩhonio magĩthera. 15Na ũmwe wao ona atĩ nĩahonetio, akĩhũndũka agĩkumagia Ngai na mũgambo mũnene; 16agĩturumithia ũthiũ thĩ o magũrũ-inĩ ma Jesu, akĩmũcokagĩria ngatho: nake aarĩ Mũsamaria. 17Nake Jesu agĩcokia akiuga atĩrĩ, Githĩ othe ikũmi matinatherio? Kaĩ acio angĩ kenda marĩ ha? 18Githĩ gũtinakorũo mũndũ wao ũcokete gũkumia Ngai, tiga ũyũ mũgeni? 19Nake akĩmwĩra atĩrĩ, Ũkĩra wĩthiĩre; gwĩtĩkia gwaku nĩkuo gwatũma ũhone.

20Nake orio nĩ Afarisai rĩrĩa ũthamaki wa Ngai ũgoka, akĩmacokeria akiuga atĩrĩ, ũthamaki wa Ngai ndũũkaga na ũndũ ũrĩa ũngĩoneka mũkĩrorereria: 21na ningĩ andũ matikoiga atĩrĩ, Ta rorai haha! Kana, Rorai harĩa! Tondũ rĩrĩ, ũthamaki wa Ngai wĩ thĩinĩ wanyu.

22Agĩcoka akĩĩra arutwo atĩrĩ, Matukũ nĩmagoka rĩrĩa mũkeriragĩria kuona mũthenya ũmwe wa Mũrũ wa Mũndũ, na mũtiwone. 23Nao andũ nĩmakamwĩra atĩrĩ, Ta rorai harĩa! Kana, Rorai haha! Tigai gũthiĩ, o na kana mũmarũmĩrĩre: 24nĩ gũkorũo o ta ũrĩa rũheni, rĩrĩa rũhenũkaga rũrĩ mwena ũmwe wa matu-inĩ, rũhenũkaga o nginya mwena ũrĩa ũngĩ wa matu-inĩ rĩ, ũguo noguo Mũrũ wa Mũndũ agatuĩka; mũthenya wake wakinya. 25No rĩa mbere-rĩ, no mũhaka aambe athĩnio na maũndũ maingĩ na aregwo nĩ andũ a rũciaro rũrũ. 26#Kĩam 6.5-8.Ningĩ o ta ũrĩa gwakinyire matukũ ma Nuhu, no taguo gũgatuĩka matukũ ma Mũrũ wa Mũndũ maakinya. 27#Kĩam 7.6-24.Andũ acio nĩmaakorirũo makĩrĩa na makĩnyua, na makĩhikania na makĩhikio, o kinya mũthenya ũrĩa Nuhu aatonyire thabina, nakĩo kĩguũ kĩrĩa kĩnene gĩkĩmakora gĩkĩmanina othe. 28#Kĩam 18.20—19.25.Ningĩ no ta ũrĩa gwakinyire matukũ ma Loti; hĩndĩ ĩo andũ maakorirũo makĩrĩa na makĩnyua, na makĩgũra indo na magĩciendia, na makĩhanda, na magĩaka nyũmba. 29No mũthenya ũrĩa Loti oimire Sodomu-rĩ, gũkiura mwaki ta mbura, o na ũbiriti, ciumĩte matu-inĩ, ikĩmanina othe. 30No taguo gũgatuĩka mũthenya ũrĩa Mũrũ wa Mũndũ akaguũranĩrio. 31#Mat 24.17,18; Mar 13.15,16.Mũthenya ũcio-rĩ, mũndũ ũrĩa ũgakorũo arĩ nyũmba igũrũ, na indo ciake irĩ nyũmba thĩinĩ, nĩatige gũikũrũka acirute: ningĩ ũrĩa ũgakorũo arĩ mũgũnda, o nake nĩatige kũhũndũka. 32#Kĩam 19.26.Ririkanai mũtumia wa Loti. 33#Mat 10.39; 16.25; Mar 8.35; Luk 9.24; Joh 12.25.Mũndũ o wothe wendaga gũtũũria muoyo wake, nĩ kũũrũo akorũo nĩguo: na ũrĩa ũkorũo nĩ muoyo wake, nĩwe ũkaũtũũria. 34Ngũmwĩra atĩrĩ, Ũtukũ ũcio arũme erĩ magakorũo marĩ ũrĩrĩ ũmwe; ũmwe nĩagatwarũo, na ũrĩa ũngĩ atigwo. 35Na ningĩ atumia erĩ magakorũo magĩthĩa hamwe, ũmwe nĩagatwarũo, na ũrĩa ũngĩ atigwo. 36[Arũme erĩ magakorũo mũgũnda; ũmwe nĩagatwarũo, na ũrĩa ũngĩ atigwo.] 37Nao magĩcokia makĩmũũria atĩrĩ, Kũu nĩ na kũ, Mwathani? Akĩmera atĩrĩ, O harĩa harĩ kĩimba, no ho nderi nacio ikonganagĩra.

Currently Selected:

LUKA 17: OGKBIBLE

Highlight

Copy