Omochakano 4
4
Kaini na Abeli
1Bono Adamu akaba na mokaye Hawa, na ere akaba morito, akaibora omwana omoisia, akabora: “Nanyorire omwana omomura ase ogokonywa kw’Omonene.” Ase igo akamoroka Kaini#4:1 Kaini: engencho yaye: okonyora (1 Amg 1:1-4). 2Naende akaibora omwana onde Abeli. Abeli akaba omorisia bwe ching’ondi, na Kaini akaba omoremi bw’omogondo. 3Engaki egaika Kaini akarenta okwama kw’omogondo oye erio kobe ekengwanso ase Omonene. 4#Abaibr 11:4Abeli nere akareenta emanwa entangi enoru korwa ase riicho riaye. Na Omonene aganchera ekengwanso ki’Abeli, 5korende tagogetigwe nekengwanso gia Kaini. Ase igo, ayio akagera Kaini akagechigwa mono kegima, na obosio bwaye bokaonchoka, bokairura. 6Na Omonene akamobooria: “Kaini, nase ki okobeera nendamwamu na obosio bwao bwairurire?
7“Onye ndiria gwakora buya anga nigo agogete;
korende bono aye gwakorire ebibe, ebibe nigo bikoganyererete gesieri;
na birobio nigo bikoganetie.
Korende nekogwenerete obibue kegima.”
8 #
Mat 23:35; Luk 11:51; 1 Yoh 3:12 Erio Kaini agateebia Abeli omwabo: “Inchuo, togende getii.” Ekero baare agwo getii, Kaini akaimokera Abeli momura omwabo, akamoita.
9Eri’Omonene akabooria Kaini: “Ng’ai Abeli momura omino are?”
Kaini akamoiraneria: “Inche tinkomanya. Inee! Ninche nkorenda oyominto?”
10 #
Abaibr 12:24
Naende Omonene akamoteebia: “Inki gekogera gwakora egookoroo eke ekebe iga? Eriogi ri’amanyinga a momura omino riarure ase riroba, riang’ikeire buna eriogi rikorigia egesiomba. 11Bono aye kwaragererigwe na tokogenderera korema korwa ase riroba. Rirorio nigo riaasamirie omonwa oye na konywa amanyinga y’omwana omino korwa ase okoboko kwao. 12Ekero orabe gokorema riroba tirigokwamera endagera nonya ng’ake. Igo orabe omoomboganu na omoetanani ase ense.”
13Erio Kaini agateebia Omonene: “Egesusuro kiane nekerito, tinkonyara gokebogoria. 14Rora, reero gwanseririe korwa ase riroba eri, nimbiseke korwa ase obosio bwao, timborora naende. Nimbe omoomboganu na omoetanani ase ense, na onde bwensi orang’umere nigo arang’ite.”
15Korende Omonene akamoteebia: “Taibo! Onde bwensi oraite Kaini nigo araakanigwe egesiomba ara gatano na kabere.” Na Omonene akabeekera Kaini ekemanyererio ng’a onde bwensi oramoumere tabaisa komoita. 16Erio Kaini akarwa ase obosio bw’Omonene, akageenda, akamenya ase ense ekorokwa okoombogana ere moocha ya Edeni.
Ororeeria rwa Kaini
17Kaini akaba na mokaye, na ere akaba morito, akaibora Enoku; na Kaini akaagacha omochie, akayoroka Enoku, erieta ri’omwana oye. 18Enoku akaibora Iradi, Iradi akaibora Metusaeli, Metusaeli akaibora Lameki. 19Lameki akanyuoma abakungu babere. Omokungu oyomo nigo are korokwa Ada, n’oyonde Zila. 20Ada akaibora Yabeli; oyo nere sokoro y’abare komenya ase ebigutu na babwate ching’iti chigotugwa. 21Na momura omwabo nigo are korokwa Yubali; oyio nere sokoro y’abanto baria baare kobugia amakano na ebiroria. 22Zila akaibora Tubali‐Kaini. Ere nigo areenge omoturi bw’ebinto bi’ebioma na ebie chitaai. Na omosubati omwabo nere Naama.
23Lameki agateebia abakungu baye,
inwe “Ada na Zila, igwa eriogi riane,
inwe abakungu ba Lameki, tegerera buya moigwe buna ngoteeba,
naitire omomura omoke
ekiagera ong’akire na kombeeka rioote.
24Onye Kaini ogoakanerwa egesiomba ara gatano na kabere,
amaene, Lameki ere naakanerwe ara emerongo etano na ebere,
na gatano na kabere.”
Seti na Enosu
25Adamu na mokaye bakaibora omwana onde omomura, erio Hawa akamoroka Seti, agateeba: “Bono Nyasae ong’eire omwana onde omomura ribaga ri’Abeli, oria Kaini aitete”. Erio akamoroka Seti. 26Seti nere akaibora omwana omomura, akamoroka Enosu. Erio agwo abanto bagachaaka korangeria erieta ri’Omonene ase okomosasiima.
Currently Selected:
Omochakano 4: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021