Bambata Pai 9
9
Pa ga Mbori mozunga fu Noa
1Mbori ki fu maku fu Noa na awiriko, ki ya fu yo, “Oni zuga ki ninge ange, ki hisi kpotosende. 2Gunde roni ati ati na iriwo roni ti anya sende no, na ti azire ari dunduko, na ti agu agbiro nagbe tira sande, na ti atio baime yo dunduko; mi fu ra ku be roni dunduko. 3Agu ahe dunduko du ni unga ha nawo awo si adu ni riahe fu roni; mi fu he fu roni a wa mi afu iwo akpepasio dunduko a. 4Ono oni ari nga gu pasio du kure rogo ho nga unga ha te. 5Mi ki iri bape kureroni ni rengo; nga ga ungaroni; mi aíra bape he ti anya dunduko, na ti aboro a; mi aíra bape ga gu boro unga ti kina wirinani. 6Gu ni ka imi boro, kina boro nikaimo ni; bambiko Mbori amangi boro ni kpiako. 7Awere oni tigaoni oni zuga ki kpatari, oni bátika agude ku auru kpotosende ki ninge ange yo gbe.”
8Mbori ki ta gumba pai fu Noa gbiakuti awiriko, niya, 9“Oni ngére, mi kina re nafu gi mozunga fu roni na fu atitaroni fuo roni, 10na fu gu unga ahe dunduko du na oni, nga azire, na zogozogo anya, na anya kpotosende dunduko du na oni, nga agu ra dunduko naakuru kurungba yo, nga agu anya du auru kpotosende dunduko. 11Mi afu gi mozunga fu roni, ka unga ahe akpíka nga dunduko be ime akangbi berewe ya, ka ime akangbi adu nga ho ka gbarasakpotosendebereweaya.” 12Mbori ki ya, “Gere nga ngbaanga gu mozunga mi amáa dagba rani na oni, na gu unga ahe dunduko du na oni, na agu arika ngbatunga aboro nikadu adu kindi ku mbata yo. 13Mi moi gi wangu ku rogo rungbutarungbuta mai yo, u du ni ngbaanga mozunga dagba rani na kpotosende. 14Si anidu wa gere ho mi ka nikédi rungbutarungbuta mai ni ku auru kpotosende, i anibi wangu rogo ho. 15Mi ki nitingidi pa gu gi mozunga du dagba rani na oni na unga ahe dunduko; ka ime adu nga ni ime akangbi ka gbarasa unga ahe dunduko berewe ya. 16Ka wangu adu rogo rungbutarungbuta mai yo, mi ki bi ru mi ki tingidi pa gu nyenye mozunga du dagba Mbori na gu unga ahe dunduko du auru kpotosende.” 17Mbori ki ya fu Noa, “Gere nga ngbaanga gu mozunga moi mi dagba rani na gu unga ahe dunduko du auru kpotosende.”
Pa Noa na awiriko
18Agu awiri Noa naakuru kurungba yo nangia Seme, Ama, na Yepete. Ama ki ngia ba Kanana. 19Agi yo biata re nangia awiri Noa; kpotosende ki hi ahi tokpotokpo be aboro mbiko yo. 20Noa ki tona ka du ni basopobino. Ko ki rũ bakakue ati yo. 21Ko ki mbiri imekakue, ki kpi he, ki du ni kundiri ko rogo gako bamburoko. 22Were Ama, nangia ba Kanana, ki bi bako ni kundiri ko, ki taki pandehe fu atameko ue nadu zegi yo. 23ASeme na Yepete ki di gbanga roko, ki moi he ku pagorõyo, ki nindu ni giiyo ki dadi kundiri bayo; kpakpuyo ki du ku sa yo, ka i abi nga kundiri bayo ya. 24Noa ki zingi rame yo be gako imekakue, ki bi gu pai kiaro wiriko amangi he. 25Ko ki ya,
“Mi tiwa Kanana;
ko adu ni ga kanga kanga fu awirinako.”
26Ko ki ya berewe,
“Sambuahe du fu Yekova nga ga Seme Mbori;
Kanana dú ni gako kanga.
27Mbori sá Yepete ni bakere boro,
gako banye du rogo agu abamburoko yo nga ga Seme;
Kanana ki du ni gako kanga.”
28Noa ki raki fuo ime akangbi garã ki du 350. 29Garã Noa adu dunduko 950; ko ki kpi.
Currently Selected:
Bambata Pai 9: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
