Psalmet 26
26
1Psalm i Davidit.
Jepmë të drejtë, o Zot,
se jetoj me ndershmëri.
Në Zotin kam besim
e s'kam për t'u lëkundur.
2Hetomë, o Zot, e provomë,
mendjen#26.2 he. veshkat dhe zemrën m'i shqyrto.
3Mirësinë tënde e kam parasysh,
në besnikërinë tënde jetoj.
4Nuk kuvendoj me njerëz të pavërtetë,
me shtiracakë nuk bëj shoqëri.
5Tubimet e të këqijve i urrej,
me të paudhët nuk ulem.
6Duart i laj në pafajësi
e rreth altarit tënd sillem, o Zot,
7që të shpall me zë të lartë lavdinë tënde,
e të kumtoj të gjitha mrekullitë e tua.
8O Zot, e dua tempullin ku banon ti
dhe vendin ku prehet lavdia jote.
9Mos e hidh tej shpirtin tim me të paudhët
e as jetën time me gjakatarët.
10Me duar bëjnë paudhësi,
të djathtën e mbushin me mita.
11Por unë jetoj me ndershmëri,
shpengomë e mëshiromë.
12Këmba ime shkel në udhë të drejtë,
mes bashkësisë do ta bekoj Zotin.
Currently Selected:
Psalmet 26: AL1
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020