Malaki 2
2
1Koko aeyoko, inyo nkanga, bosise bone bole bokinyo. 2Yawe ea beloi akela, Ngʼinyo lotokozaka, ko lotilakʼotema wae lomemya lina likami, emi njifosokozʼinyo wambo wa tu, ko njifa-mbʼekako bekinyo bia swa wambo wa tu, onde, njolamba beko aeyoko, efʼinyʼilʼaoyiʼako botema. 3Bala, emi njifofita wofo ndʼeloko ekinyo. Ko njifobisa nkwa nda bilongi bikinyo, wete nkwa ea mbeka ilekyʼinyo: ko lifimolama limʼelʼemi. 4Yawe ea beloi akela, Ko inyolifea wete emi njotomelʼinyo bosise bone, wae bokoloʼokami bolembamaki la Lewi. 5Bokolo bokiʼmʼolembaka lʼende eki ea loiko la kuci: ndokaaki bako wae aange, ko ambangaki, ko okaki lina likami booma. 6Esekyelo ea nsosolo eki ndʼomwaʼokae, ko bosamba wa liongi ntabotanema nda mbebu ikande: akendaki lʼemi la kuci la liongi, ko akengolaki bantʼauke limʼobe. 7Siki mbebu ya nkanga ifongaka njea, ko banto base esekyelo limʼomwaʼokande: elʼende ekima ea Yawe ea beloi. 8Lolondʼinyo lolengoza mboka; lokunumweza bantʼauke ndʼesekyelo: Yawe ea beloi akela, Inyo lofita bokolo wa Lewi. 9Ndʼewelʼeko, njolilʼinyo bandeji la litengo la basenji nda joso jʼantʼauma, elengʼekʼinyo ntalofonga baoyiʼakami, lolo loka-lanyakʼanto likale nda bisekyelo.
Yawe afelʼiyo lofeli bakolaki baaji bʼafaya
10Lʼisʼauma tofa lʼise emoko? Nzakomba emoko ntatemaki nde? iso toyokelana bosulu wengiʼonto lʼeoto ekae, ko tosaola bokolo boki baise bakiso, ncina na? 11Yuda aokela bosulu, ko bo-lemo wa linyamo bokelama nda Yisalaele la nda Yusalema; ncina wae Yuda aosaola boeko wa Yawe bolangʼende, ko aocwʼokola waji bona owʼomoto owa nzakomba eʼafaya. 12Yawe ifofitʼonto okela ngoko, ende ondetaka lʼende ondambaka, lima tolombe ta bito ta Yakoba, ko lʼende olekyaka mbeka ele Yawe ea beloi.
13Lenkina, lokela ngone: lokuka nkinda ea mbeka ea Yawe la mpisali, la lilelo, la bameko, ko ende afokanela lenkina mbeka, ko afambe lima bakata bakinyo lʼosalangano. 14Lolondʼinyo lokela, Ncina na? Eki Yawe oyalemaka temoin ndatsa we la waji oki we lʼonolu, oki wʼokeelaka baoyi bʼosulu, ambene ayokende la we, ko ale waji oke owʼokolo boke. 15Ko ende ntemaki omoko ambene aki la ncika eʼolimo? Omoko ncina na? Aolasa bona ondeji la Nzakomba. La ncinʼeko, lofonga loalʼinyo mongo ko nkʼokeela waji okiʼnde lʼonolu baoyi bʼosulu. 16Yawe, Nzakomba ea Yisalaele, akela, Emi njotona mbaoma ea liala, ko lʼende okukakʼonkoto lʼaoyi ba wale. Yawe ea beloi aokela ngoko: ndʼewelʼeko lofonga loalʼinyo mongo, nyango lofokela baoyi bʼosulu.
Nsisoza ea Nzakomba
17Inyo lokya Yawe bompele la bayiʼakinyo. Lolonde lokela, “Iso tokyʼende bompele la na?” Ekelʼinyo, “Wengiʼonto okela bobe alʼolotsi ndʼaiso ba Yawe, ko ende okʼesengo elʼiyo;” ko “Nzakomba ea njelama ea ci ale nko?”
Currently Selected:
Malaki 2: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
