Yoane 7
7
Yesu ntacwa ndʼelambo ea Bisele yo
1Ndʼafeka bʼaoyiʼane Yesu aolanda nda Ngalilaya, ekiʼnde ntalanga lolanda nda Yudea eki Ba-Yuda asaka loo? ma. 2Ko elambo ea Ba-Yuda wete elambo ea Bisele eotutama. 3Bakuneʼakae baolokela, Imanʼane ko kenda nda Yu? dea wae bakimi bake ngoko bene belemo beke bekamba we. 4Bonto ondasa jeana ndʼesayenge ntakambaka bolemoʼokande bomoko nda lokuko. Ayaka okamba belemoʼene oyaeneya ele banto bʼokili. 5Eki bakune bakae mongo ntaboimeza. 6Yesu aolakela, Ekekʼekami etafiela, lolo ekekʼekinyo eolelama wengiʼaefa. 7Ba-bokili bafokuseya jinʼinyo lolo banjinʼemi; elʼemi nsanga ndʼewelʼekiyo wae belemʼekiyo belʼobe. 8Inyo, lokenda ndʼelambo; emi mpokende fele ndʼelambʼene ele ekeke ekami etafiela. 9Akiʼndʼoatefeelaka baoyiʼane, akongocikala nda Ngalilaya.
10Aki bakuneʼakande osilʼokenda ndʼelambo, nkako ende mongo aocwa ngoko, afa ndʼesayenge, lolo nga nda lokuko. 11Ba-Yuda baoloasa ndʼelambo bakela, Ale nko? 12Banto ba bitukuluku baomemesana bouke mongo ndʼeloko ekande; bamo baokela, Alʼontʼowʼolotsi; lolo bamo bakela, Afa ngoko, lolo ayungusanya banto bʼetukuluku. 13Lolo nkʼonto otefelaki ndʼeloko ekae nda fole, ekiʼyʼoangaka Ba-Yuda.
Yesu afolaza mpifo ekae ea nsosolo ndʼesayenge
14Ndʼonkeke wʼelambo, Yesu aolotswa nda Tempelo, ko aolaka lilako. 15Ko Ba-Yuda baokamwa, bakela, Bontʼone otekela bikotelo, ea beko ngamo? 16Yesu aolaamba, akela, Lilako likami lifa likami mongo, lolo likae ontomaki. 17Ayaka bonto ilʼotema wae akele wango wa Nzakomba, ifea lilako, nkina file ja Nzakomba, nkina ntefela limʼelʼemi mongo. 18Endʼotefela limʼelʼende mongo, ayase lokumo lokae mongo, lolo ondasa lokumo lokande ondotomaki, oko ale owa nsosolo, ko afa lʼaoyi basamba liongi ndʼotemʼokae. 19Mose ntakaakʼinyo Esekyelo nde? Okonde nkʼonto okinyo oyofonge Esekyelo. Loyase lombome lae? 20Banto bʼetukuluku baolamba, We ole la demona, Ondasʼokooma na? 21Yesu aolaamba, aolakela, Nkambaki bolemoʼomoko, ko inyo lokamwa. 22Mose akaakʼinyo esekyelo ea ntatena ea nsonge, lolo eko efa limʼele Mose, lolo limʼele baise, ko inyo lotenʼonto nsonge nda Sabata. 23Nkina bonto aotenama nsonge nda Sabata, nyango Esekyelo eki Mose efosenzwa, kambʼinyo londe-mwa bolemo, ekiʼmʼoikyaka bonto nda Sabata o mbaikya mongo? 24Talezake baoyi elenge endenʼaiso lolo leza ezelo ea ci.
25Nkako bantʼamo basi Yelusalema baokela, One af ende ondasʼiyo wae boome? 26Ko bala, endʼonko ayotefele ndʼesayenge ko bafotefeelʼende joi limoko. Kamba bampifo baolea la nsosolo wae one ale Masiya? 27Lolonde bontʼone, tea limʼekiʼndʼoyaka: lolo aya Masiya, nkʼontʼondea limʼekiʼndʼoyaka. 28Akiʼndʼolakaka nda Tempelo, Yesu aokemya lofoso ko aokela, Lonjea emi, koko lolea limʼekiʼmʼoyaka; nciyaki lʼemi mongo; lolo endʼontomaki, ofʼinyʼea ale owa nsosolo. 29Emi ndoea ende; elʼemi njoya limʼelʼende, ko ende antomaki. 30Nkako baolasa lokandʼende; lolonde nkʼonto ondokitaki la likata; ele ekeke ekae etafokita. 31Bauke bʼetukuluku baolimezʼende; ko baokela, Ae Masiya oya, ifokela ntaza ilekola ine Iʼouke iki bontʼone okelaka?
32Bafalusi baoloka bʼetukuluku bayomemesane ndʼewelʼekae, ko nkanga ya joso lʼafalusi batomaki basali wae bokande. 33Nkako, Yesu aolakela, Njifoyala lʼinyo isisi fele, mpanga ncwʼelʼende ontomaki. 34Inyo lifondasa, lolo lofaontana; ko wiji boyalʼemi, inyo lofokiteya eko. 35Ndʼewelʼeko Ba-Yuda baoluwana iyo mongo, Bontʼone ifocwa nko wae iso tofaolotana? La, ifocwa ele bafalangai eka Ba-Elene wae alake Ba-Elene? 36Joi line likelʼende lile na? wae, Lifondasa ko lofaontana; ko Wiji boyalʼemi, inyo lofokiteyʼeko?
Basi ba loiko
37Nda mbile eʼenene ea nsukela ea elambo, Yesu aolemala, ko aosangya lofoso, akela, Ayaka bonto oka mposa, kelʼende ondimezʼemi, ayʼelʼemi ko amele, 38elengʼekela ekotelo ea Nzakomba, Ntando ea basi ba loiko ifola limʼotemʼokae. 39Lolo atefelaki joi line ndʼewelʼea Bolimo, o iyʼandimezʼende ambʼolo; ele Bolimo atafokaema fele, ele Yesu atafokita nda jilangi likande.
40Aki bamo bʼetukuluku okaka baoyiʼane, baokela, Nsosolo, one wete boteli oko. 41Bamo bakela, One wae Masiya, lolo bamʼankina bakela, Kamba Masiya aya nde lima Ngalilaya? 42Ekotelo ea Nzakomba efokele te Masiya aoya lima booci wa Dawidi, ko lima Beteleme, bonanga boki Dawidi? 43La ngoko banto bʼetukuluku baokafwana ndʼewelʼekande. 44Ko bamo bakiyo baki la mposa wae bokande, lolo nkʼonto ondokitaki lʼakata.
Basali bʼafalusi ntabatana boseketano ndʼetefeelo ea Yesu
45Nkako basali butaki ele nkanga ya joso la Bafalusi, ko iyo baolauola, bakela, Inyo ntaloyela ncina na? 46Basali baolamba, Kilo bontʼotefelaka ngole bontʼone mo! 47Bafalusi baolaamba, Kamba lʼinyo ngoko, lolungusana? 48Lʼomoko owa bampifo nkina owa Bafalusi aoloimeza nde? 49Lolonde banto bʼetukuluku ene bafea Esekyelo baolambema la wambo wa tu. 50Nikodemo, wae omo okiyo oyaki elʼende nda joso, aolakela, 51Kamba bumbakʼonto likambo la Esekyelo ekiso, ataf iyʼoka boloko bokande, ko atafʼiyʼea joi likiʼndʼokelaka? 52Baoloamba, baokela, La we ngoko, ole bosi Ngalilaya nde? Sisimya, mpa wene wae nko boteli oyaka lima Ngalilaya.
Bomoto okandema ndʼobe h
[53Ko wengiʼonto aocwa ndʼilombe O ikande mongo.
Currently Selected:
Yoane 7: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
