Toango 11
11
Ilombe yʼeliko ya Babela
1Bantʼauma baki ndʼokili baki la lofoso lomoko, ko bitefeelo bikiyo biosongana. 2Ko akʼiyʼokendaka lima est baotana bokili wa lambe ndʼese ea Sinala, ko baofetsʼeko. 3Nkako iyo baotefelana wete, “Loyaka, tokunde briques, ko totumbe bako bolotsi mongo.” Ko baosala la briques bako ngole la bikenje, ko baosala la bitume ngole potopoto. 4Lenkina baokela, “Kela totonge bonanga, ko lʼilombe yʼeliko ya lisange, wae nsonge eʼiko ekite nda mbola, mpanga toatelʼiso mongo lina ja lokumo; nyango tofofanzolama ndʼokili bouma.” 5Ko Yawe aokitela wae ene bonangʼoko, ko lʼilombe yʼeliko baki bana bʼanto otongaka. 6Ko Yawe aokela, “Bala, iyʼauma bale lioci limoko, ko iyʼauma bale la lofoso lomoko. Nga baanga lokela elengʼene, bafaosukama ndʼolemo nko loswele bosangyʼiyo wae bakambe. 7Kela tokitelʼeko, ko tosesenganya lofoso lokiyo, wae bafokane nda bitefeelo bikiyo.” 8Ko Yawe aolafanzola limʼeko ndʼelongi eʼokili bouma; la ngoko baolambya otonga bonangʼoko. 9La ncinʼeko bonangʼoko botangema Babela, eki Yawe osesenganyaka lofoso jʼokili bouma, ko limʼeko Yawe aolafanzola ndʼokili bouma.
Bana baki Seme
(1 Bes 1.24-27)
10Bana bane baotswaki ndʼilongo ya Seme: aki Seme okitaka mbula bonkama aotaki Alufakasada, wae mbulʼife ndʼafeka ba mpela. 11Seme aoika mbula benkama betano ndʼafeka bʼeotswelo ea Alufakasada, ko aoota bana bʼaende la bʼamato. 12Alufakasada aokita mbula ntukʼisato lʼitano, ko aoota Sela. 13Alufakasada aoika mbula benkamʼenei lʼisato ndʼafeka bʼeotswelo ea Sela, ko aotaki banʼamo bʼaende la bʼamato. 14Ko Sela aokita mbula ntukʼisato, ko aotaki Ebele. 15Sela aoika mbula benkamʼenei lʼisato ndʼafeka bʼeotswelo ea Ebele, ko aoota bana bamo bʼaende la bʼamato. 16Ko Ebele aokita mbula ntuku isato lʼinei, ko aotaki Pelenge. 17Ko Ebele aoika mbula benkamʼenei la ntukʼisato ndʼafeka bʼeotswelo ea Pelenge, ko aoota banʼamo bʼaende la bʼamato. 18Ko Pelenge aokita mbula ntukʼisato, ko aotaki Lu. 19Ko Pelenge aoika mbula benkamʼefe lʼibwa ndʼafeka bʼeotswelo ea Lu, ko aoota banʼamo bʼaende la bʼamato. 20Ko Lu aokita mbula ntuku isato lʼife, ko aoota Selunga. 21Ko Lu aoika mbula benkamʼefe la nsambo ndʼafeka bʼeotswelo ea Selunga, ko aoota banʼamo bʼaende la bʼamato. 22Ko Selunga aokita mbula ntuku isato, ko aotaki Naola. 23Ko Selunga aoika mbula benkamʼefe ndʼafeka bʼeotswelo ea Naola, ko aoota banʼamo bʼaende la bʼamato. 24Ko Naola aokita mbula ntukʼife lʼibwa, ko aoota Tela. 25Ko Naola aoika mbula bonkama la jom lʼibwa ndʼafeka bʼeotswelo ea Tela, ko aoota banʼamo bʼaende la bʼamato. 26Ko Tela aokita mbula ntuku nsambo, ko aotaki Abalama, Naola la Alana.
27Bana bane baotswaki ndʼilongo ya Tela: Tela aotaki Abalama la Naola la Alana. Ko Alana aoota Loto. 28Alana awaki ndʼese ea eotswelo ekae, wae Ula ea Ba-Kasada, atafa ise ekande Tela owa. 29Ko Abalama la Naola baokola baaji: lina ja waji owa Abalama wae Salai, ko lina ja waji owa Naola wae Mileka, bona owa Alana, ise ea Mileka la Yiseka. 30Lolo Salai aki ekomba, ntaotʼona. 31Ko Tela aokola Abalama, bona okae, la Loto bonʼowa Alana, bokune okae, ko la Salai waji owa Abalama bona okae, ko aocwa lʼiyo lima Ula ea Ba-Kasada, wae bacwe ndʼese ea Kanana; lolo akʼiyʼokitaka nda Alana, baoyala nkʼeko. 32Bembile beki Tela beki mbula benkamʼefe lʼitano. Ko Tela aowa nda Alana.
Currently Selected:
Toango 11: LOL87
Highlight
Share
Copy
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
