Zekaria 9
9
Pokolembe wi Thek M’utiekogi
1 #
Isa 17:1-3; Yer 49:23-27; Amo 1:3-5 #
Isa 23:1-18; Eze 26:1-28:26; Yoe 3:4-8; Amo 1:9, 10; Mt 11:21, 22; Lk 10:13, 14 Ewolembe mi lembe pa Yehova wi ng’om Hadrak, man Dameski bibedo kayom pare (kum wang’ dhanu man mi suru ceke mir Israel ni yo ba Yehova); 2man Hamath bende, ma ni i kieune; Turo ku Sidon, kum gi riek dit. 3Man Turo gomo ire ka ma tek, man ecoko mola ma tar pamir utur, man mola ma kwar ma leng’ calu unzabu m’i gengi. 4Nen, Rwoth biyake, man ebigoyo tego pare i nam; e ebiwang’ ku mac. 5#Isa 14:29-31; Yer 47:1-7; Eze 25:15-17; Yoe 3:4-8; Amo 1:6-8; Zef 2:4-7Ackelon binene, man lworo binege; Gaza bende, e can binege dit; man Ekron, kum genogen pare jubidwoko ni lewic; man ubimo binyothre kud i Gaza, man jubibedo i Ackelon ungo. 6Man nyathi luk bijany i Acdod calu ubimo, man abithumo kuhaya mi Jufilisti woko. 7Man abikabu rimo pare kud i dhoge, man ginmajudagu pare i kind lake: man ebibedo ni dong’ dhanu pi Mungu mwa; man ebibedo calu jabim i Yuda, man Ekron calu Jayebusi.
8Man abiguro hema ng’et ot para kum njuru asikari, kara ng’atu moko kud ukadh kud i ie kadi udwog de; man ng’atu moko mbe ma lem pare ie tek ma bikadhu kud i kindgi kendo: kum kawono aneno ku wang’a.
Ubimo ma Bibimo wi Sayuni
9 #
Mt 21:5; Yoh 12:15 Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana. 10#Zab 72:8Man abithumo magali woko ku i Efraim, man riuni kud i Yerusalem; man atum mir ali bithumbre woko; e ebiyero kwiocwiny ni thek: man bim pare bibedo gambre kum nam cil kum nam, man ugambre kum Kulo cil i kajik mi ng’om.
Maram Jubidwoko Ko Sayuni
11 #
Ai 24:8
Man piri bende, kum rimo mi lembariba peri awodho jukol peri kud i vur ma pi mbe i ie. 12Wulokru ba ka ma tek, wu jukol mi genogen: cil tinuni ayero nia abimio wang’ario iri. 13Kum adio Yuda piny ira, apong’o atum kud Efraim; man abithubo woti, E Sayuni, kum woti, E Yunani, man abidwoki calu palamularu pa ng’atu ma tek. 14Man Yehova binen i wigi; man athero pare biringo pami lukoth; man Rwoth Yehova bikudho agwara, man ebicidho ku wavuvu ma yor ariwa ma piny. 15Yehova mir udul bikurogi; man gibicamu, gibinyono kidi mir atum de; e gibimadhu, man gibikok calu ni kum pigulok, man gibipong’ calu tabu, calu gund pemblam. 16E Yehova Mungu migi bibodhogi i ceng’ maeca calu udul mi dhanu pare; kum gibibedo calu kidi mi jamkermiwic, ma juting’o malu wi ng’om pare. 17Kum karamb dit mi bero pare, man karamb dit mi leng’ pare mire ma! cam bicweyo awobi, pigulok ke nyir.
Currently Selected:
Zekaria 9: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
