Zekaria 4

Thetala ku Yendulam

1Man malaika ma waweco wakude ebino kendo, man ecewa, calu dhanu ma jucewo ku wang’ nindo. 2Man ewacu ira kumae, Ineno ang’o? Man awacu kumae, Aneno, man, nen, thethala mi mola ma kwar kwa, ku tabune i wie, ku thalane abiro i wie; man wendthalane abiro kubang’gi nzu, ma gini i wie; 3#Nyu 11:4man yendulam ario i vute, acel yo ku cing’ ma yor acwic ni tabune, mucelo ke yo ku cing’ ma yor acamne. 4E aloko lembe man awacu ni malaika ma waweco wakude, awacu kumae, Maeni ang’o, rwoth para? 5E malaika ma waweco wakude lund uloko ira lembe man ewacu ira kumae, Ing’eyo ngo nia maeni ang’o? Man awacu kumae, Ungo, rwoth para. 6Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu. 7In i ng’a, E got ma diti? i wang’ Zerubabel ibidoko ni poga: man ebiwodho kidi ma malu woko ku kok ire mi Bero, bero. 8Man ke lembe pa Yehova bino i bang’a, m’uwacu kumae, 9Cing’ Zerubabel uketho thepiny mi ot maeni; cinge bende bidare; man ibing’eyo nia Yehova mir udul uora i beng’wu. 10#Ezr 5:2#Nyu 5:6Kum ng’a ma cayu ceng’ mi gin ma noki? kum maeni abiro anyong’a binegogi, man gibineno jampor i cing’ Zerubabel; maeni wang’ Yehova, m’uringo kun ku kun kud i ng’om ngung’.

11 # Nyu 11:4 Alund aloko lembe, man awacu ire kumae, Yendulam ario maeni i ng’et thethala ma yor acwic man i cing’ ma yor acamne gin ang’o? 12E aloko lembe wang’ arionde, man awacu ire kumae, Jangulam ario maeni gin ang’o, ma gibedo i ng’et wendthala ario mi mola ma kwar ma mo mi mola ma kwar ubethiure kud i igi? 13Man eloko lembe ira ewacu kumae, Ing’eyo ngo nia maeni en e ang’o? Man awacu kumae, Ungo, rwoth para. 14Elund ewacu kumae, Maeni juario ma juwirogi, m’ucungo kum Rwoth mi ng’om ngung’.

Currently Selected:

Zekaria 4: AB1970

Highlight

Copy