Matayo 16

Gipenjo Giranyutha M’i Polo

(Mk 8:11-13; Lk 12:54-56)

1 # Mt 12:38; Lk 11:16 Jufarisayo ku Jusadukayo de gibino, man gimulo ie gipenje ya enyuth igi giranyutha m’i polo. 2Ento eloko lembe ewacu igi kumae, Ka piny udoko uthieno, wuwacu kumae, Piny bivuto: kum polo bogre. 3Kugweno ke wuwacu kumae, Piny bibedo rac tinuni kum polo bogre piny de mino. Wung’eyo ng’io wang’ polo; ento wucopo ng’io giranyutha mi nindo ngo. 4#Mt 12:39; Lk 11:29Dhanum’utuk ma rac ma gi weg gier de giyenyo giranyutha; giranyutha de bimire ire ngo, ento giranyutha pa Yona re. E ewekogi, ecidho.

Thobi mi Jufarisayo ku Jusadukayo

(Mk 8:14-21)

5E julubne gicidho lokaca man wigi wil ku ting’o kwen. 6#Lk 12:1E Yesu wacu igi kumae, Wubed ku weng’wu wukuru de ni thobi mi Jufarisayo ku Jusadukayo. 7E giporo lembe i kindgi gigi, giwacu kumae, En e kum wating’o kwen ungo. 8E Yesu m’ung’eyo maeni ewacu kumae, E wun ma yioyic mu nok wuporo lembe i kindwu giwu nedi, kum kwen umbe kudu? 9#Mt 14:17-21Fodi wung’eyo ngo, kadi wupoi ngo pi lungu kwen abic ma ni rubanga abic, pi wel katoko bende ma wucoko? 10#Mt 15:34-38Kadi lungu kwen abiro ma ni dhanu rubanga ang’wen, pi wel katoko bende ma wucoko? 11Wung’eyo ngo nedi ya ayero iwu pi kwen ungo? Ento wukuru ni thobi mi Jufarisayo ku Jusadukayo. 12Gilund ging’eyo nia ewacu igi ngo ya gikuri ni thobi mi kwen ento pi ponji mi Jufarisayo ku Jusadukayo.

Petro Tuco pi Yesu

(Mk 8:27-30; Lk 9:18-21)

13Nwang’u ka Yesu bino i ng’et Kaisaria Filipi, epenjo julubne, ewacu kumae, Meno dhanu giwacu ya Wod dhanu en e ng’a? 14#Mt 14:1, 2; Mk 6:14, 15; Lk 9:7, 8Man giwacu kumae, Jumoko wacu kumae, Yohana ma Jabaputisi; jumoko ke, Elia; jumoko ke, Yeremia, kadi ng’atu acel ma kind jubila. 15Ewacu igi kumae, Ento wun ke wuwacu ya an a ng’a? 16#Yoh 6:68, 69E Simon Petro loko lembe ewacu kumae, In i Kristu, Wod Mungu ma kwo. 17E Yesu loko lembe ewacu ire kumae, Mugisa iri, Simon Bar-Yona: kum kum ku rimo nyuthe iri en ungo, ento Vwa ma ni i polo re. 18An bende awacu iri, nia in i Petro, man ke abigomo kanisa para wi cana maeni; e dhugang’ mi Hadeya de biloye ngo. 19#Mt 18:18; Yoh 20:23Abimio iri kifungula mi ker m’i polo: man gin ma tek ibitwio i ng’om ebibedo atwia i polo; man gin ma tek ibigonyo i ng’om ebigony i polo. 20Elund eng’olo ni julubne ya ku giwac ni ng’atu moko nia en e Kristu.

Yesu Nyutho pi Tho Pare

(Mk 8:31-9:1; Lk 9:22-27)

21Ugambre i nindo maeni Yesu maku nyutho ni julubne, nia ekocidho be Yerusalem, ecisendre de ku gin dupa ni kum judongo ku julam ma dongo ku jugorcik, jubinege de, i ceng’ mir adege ke ebicer. 22Petro de game, emaku juke de, ewacu kumae, Maeni kud uwok i kumi, Rwoth: maeno biwok i kumi ki ngo. 23Ento elokre, man ewacu ni Petro kumae, Kadh i ng’eya, Jok: kum ibedo ni cudho mi kier ira: kum ii pido pi gin pa Mungu ngo, ento gin mi dhanu re. 24#Mt 10:38; Lk 14:27Yesu lund uwacu ni julubne kumae, Tek ng’atu moko yenyo elub ng’eya, dong’ ekwere gire, eting’ yen m’athara pare de, elub ng’eya. 25#Mt 10:39; Lk 17:33; Yoh 12:25Kum ng’atu ma tek uyenyo egwok kwo pare ebirwinye: ng’atu ma tek birwinyo kwo pare de pira ebinwang’e. 26Kum kuloka ang’o ma dhanu binwang’u tek ebilimo ng’om yu ni kuloka ire, ma kwo pare ke rwinyo? kadi girang’o ma dhanu biwilo ku kwo pare? 27#Mt 25:31; Zab 62:12; Rum 2:6Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare. 28Awacu iwu andha kumae, Jumoko ma kind ju m’ucungo kakeni bibilo tho ki ngo, ma fodi gikuneno Wod dhanu ngo m’ubebino i ker pare.

Currently Selected:

Matayo 16: AB1970

Highlight

Copy