Luka 8
8
Mon Moko M’utimo ni Yesu
1Man etimbre yo ku ng’eye nyanok, nia ecidho ku bang’ adhura ku pacu de, m’ebeyero m’ebekelo ko lembanyong’a ma juboth ko mi ker pa Mungu, karacelo kude de juapar wi ario, 2#Mt 27:55, 56; Mk 15:40, 41; Lk 23:49ku mon moko ma jukeyo kumgi kum tipo ma rac ku mulima bende: Mariamu ma julwong’o Magdalene, ma juwcdho pajogi abiro kud i ie, 3man Yoana ma ci Kuza ma jakurpiny pa Herode, man Susana, ku mange de dupa, ma gitimo ire ku piny migi.
Lembabola pi Jacoi Kodhi
(Mt 13:1-9; Mk 4:1-9)
4Kan udul dhanu dupa gicokri karacelo i bang’e, ku dhanu m’uai ku bang’ adhura ceke de, eyero ku lembabola kumae: 5Jacoikodhi eidho nicoyo kodhi pare; kan ecoye de, moko podho dhu yo; junyone de the tielo, winyo ma kor polo de gicame. 6Mange ke podho wi cana; kan etwi de, ener woko, kum pi mbe i there. 7Mange ke podho kind ukudho; ukudho de dongo karacelo kude, edeye de. 8Mange ke podho i ng’om ma mio, etwi de, man ecego nyinge, acel bang’ dak. Kan eyero gin maeni, ekok akoka kumae, Ng’atu ma ithe nuti m’ewinjo ko, wek ewinji.
Gin M’uketho Eyero ku Lembabola
(Mt 13:10-17; Mk 4:10-12)
9Julubne de gipenje nia the lembabola mae ang’o. 10#Isa 6:9Ewacu kumae, Emire iwu ya wung’ei giramung’a mi ker pa Mungu: ento ni dong’ dhanu ku lembabola; kara kadok gineno ku ginen, kadok giwinjo de ku ging’ei.
Yesu Tuco The Lembabola pa Jacoi Kodhi
(Mt 13:18-23; Mk 4:13-20)
11Nie the lembabola e eni: Kodhi en e lem pa Mungu. 12Ju ma dhu yo gi ju m’uwinjo; e wonabali lund ubino, man ekabu lembe woko kud i adundegi, kara ku giyi giboth de. 13Ju ma wi cana ke, gi ju ma ka giwinjo, gijolo lembe ku mutoro; maeni de ulaggi mbe kugi, ma giyio mi nindo ma nyanok, i nindo mir abidhe de gikier. 14Maeno m’upodho kind ukudho ke, maeni ju m’uwinjo, e ka gicidho i yo migi gideiri ku giki m’i ng’om ku lonyo man mutoro mi kwo maeni, e gicego nying’gi moko ngo ma cu. 15Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.
Thala The Katoko
(Mk 4:21-25)
16 #
Mt 5:15; Lk 11:33 Ng’atu moko mbe, ma kan ecwinyo thala, eume kud agulu, kadi ekethe the kavuto; ento ekethe wi thethala, kara ju m’umondo ginen der. 17#Mt 10:26; Lk 12:2Kum gin moko mbe ma pandre, ma binyuthre ngo; kadok gin m’amung’a de mbe, ma bing’eire ngo ma bibino ba der de ngo. 18#Mt 25:29; Lk 19:26Ka kumeno wukuru maram wuwinjo ko: kum ng’atu ma tek ubedo ko, jubimio ire; man ng’atu ma tek ubedo ko ngo, kud i bang’e jubikabu woko cil maeno m’ewacu nyo ebedo ko.
Min ku Utumin Yesu
(Mt 12:46-50; Mk 3:31-35)
19Min mire ku utumin mire de gibino i bang’e, man gicopo tundo i bang’e ngo kum njuru dhanu. 20Juyero ire kumae, Meru ku utumeru gicungo woko, giyenyo gineni. 21Ento eloko lembe ewacu igi kumae, Ma ku utumira de gi maeni m’uwinjo lem pa Mungu, m’utime bende.
Yesu Juko Wavuvu
(Mt 8:23-27; Mk 4:35-41)
22Nie etimbre i kind ceng’ acel maeno, nia emondo i yei, en ku julubne; man ewacu igi kumae, Wacidhu loka nam; e gimaku kiewo. 23Ento ka gibecidho ku yo mi pi enindo: man wavuvu tuk i nam; e yei migi maku pong’ ku pi, e gi ceng’ni tho. 24Man gibino i bang’e, gicewe de, giwacu kumae, Japonji, japonji, watho. E eceu, man ejuko yamu ku ngongo mi pi de: e gicungo, nam de nindo seble. 25Man ewacu igi kumae, Yioyic mu nikani? Man lworo makugi igi de wang’ lii, giwecri de kumae, Ka kumeno ng’atu maeni en e ng’a, m’eng’olo lembe cil ni yamu ku pi de, man giwore e?
Juwodho Pajogi kud i Jagadareni
(Mt 8:28-34; Mk 5:1-20)
26E gitundo i ng’om Jugadareni, m’ubedo ng’et ng’om Galilaya. 27Kan eloro dhu wath, ng’atu acel m’uai i adhura, m’e won pajogi girombo gikugi; man nindo dupa ekendo bongu ngo, ebedo i ot de ngo, ento i odliel. 28E kan eneno Yesu, ekok akoka, man epodho piny i wang’e, ewacu kumae ku dwande ma tek, Watim ang’o wakudi, Yesu, in i Wod Mungu ma Malu Ngbiri? Akwei, kud isenda. 29Kum ebeng’olo ni tipo m’ucido y a eai kud i ng’atuno. Kum emake bang’ dupa: man jukuro kume, ebedo atwia de ku nyoro ku nyunyu de; kan ecodo gin ma jutwie ko woko, pajogi ringo kude i ng’om ngele. 30Yesu penje kumae, Nyingi ng’a? Man ewacu kumae, Nyinga Udul; kum pajogi dupa mondo i ie. 31Man gikwaye y a kud eng’ol gicidh i longro ma there mbe. 32Nie udul kul dupa nuti keca gibecamu kor got; man gikwaye ya eyi igi nia gimond i igi. E eyio igi. 33Pajogi giai i ng’atuno, gimondo i kul: man udul ukonjri piny ku ka ma lung’ i nam, e githung’. 34Ka ju m’ukwayugi gineno gin m’utimbre, giringo, giyero lembene i adhura kud i thim de. 35Man gicidho woko kara ginen gin m’utimbre; e gibino ba Yesu, man ginwang’u ng’atu ma pajogi ai i ie, ebedo the tiend Yesu m’ekendo bongu, pidoie de cu: e lworo makugi. 36Ju ma gineno maeni maram kum won pajogi titre ko giyero igi. 37E dhanu ceke m’i ng’et ng’om Jugadareni gipenje ya eai woko kud i bang’gi; kum lworo benegogi dit: e emondo i yei, edok. 38Ento ng’atu ma pajogi ai woko kud i ie epenje nia gibed gikugi: ento eore ecidho, ewacu kumae, 39Dok i ot peri, yer de pi gin ma dit ma Mungu timo iri. Man ecidho i yo pare, ku rweyo cil i adhura ceke maram Yesu timo ko gin ma dit ire.
Nya Yairo man Dhaku M’umulo Dhu Kendi pa Yesu
(Mt 9:18-26; Mk 5:21-43)
40Ka Yesu dwogo, udul dhanu jole ku mutoro; kum gin ceke gibekure. 41Man nen, ng’atu ma nyinge Yairo, en de e jadit mi kacokri: epodho piny the tiend Yesu, ekwaye de ebin i ot pare; 42kum ebedo ku nyare acel kulong’, m’ucamu rundi calu apar wi ario, edhingo tho. Ento kan ebecidho udul dhanu gicungri i kume.
43Dhaku m’ubedo rundi apar wi ario ku tho ma rimo mol ko dit i kume, m’emio ceke m’etungre kudo ba jukeikum, man acel de mbe ma copo keyo kume, 44ebino yor i ng’eye, emulo dhu kendi pare: e pio pio dhu rimo m’umol i kume cok. 45Yesu wacu kumae, Ng’a m’umulo kuma? Ka gin ceke gikwero, Petro, giku ju ma gibedo gikugi giwacu kumae, Japonji, udul dhanu gicungri i kumi gidii. 46Ento Yesu wacu kumae, Ng’atu moko mulo kuma; kum ang’eyo nia tego ai i bang’a. 47Ka dhaku neno nia epondre ngo, ebino ma kume miel kpa kpa, epodho i wang’e, eyero de i vut dhanu ceke thelembe m’uketho emulo kume, maram kume kei ko ndhu ndhu nica. 48Man ewacu ire kumae, Nyara, yioyic peri e m’ubodhi; ci ma cwinyi kwio.
49Kinde m’ebeyero, e ng’atu acel ubino m’uai ba ot pa jadit mi kacokri ewacu kumae, Nyeri tho ndhu; kud inyai can i Japonji. 50Ento Yesu m’uwinjo, edwoko lembe ire kumae, Lworo kud unegi: yi kende, e kume bititre. 51Kan ebino ba ot, eyio ngo ng’atu moko mond gikugi, ndhu Petro, man Yohana, ku Yakobo, man won ku min nyathin kendgi. 52Dhanu ceke giywak, gigoyo nduru i kume: ento ewacu kumae, Kud wuywaki: kum etho ngo, ento enindo. 53E ging’iere hai, kum ging’eyo nia etho. 54Ento en, m’emake ku cinge, elwong’o, ewacu kumae, Nyaku ai malu. 55Man tipone dwogo, eai malu pio pio: e eng’olo nia jumi gin moko ire ecam. 56Junyodo pare de igi wang’ lii: ento eng’olo igi nia ku giwac ni ng’atu moko pi gin m’utimbre.
Currently Selected:
Luka 8: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
