Yohana 8

1Ento Yesu eidho wi got Zeituni. 2Pir kugweno ebino kendo i hekalu, dhanu ceke de gibino i bang’e; man ebedo piny eponjogi. 3Jugorcik ku Jufarisayo de gikelo dhaku ma jurube m’ebegiere swa; e ka gikethe i diere, 4giwacu ire kumae, Japonji, dhaku maeni jurube wi gier, kpa wi gier. 5#Law 20:10; Poi 22:22-24Nwang’u i cik re Musa ng’olo iwa ya waneg wagi ma kumeni acanya ku kidi; ka kumeno in ke iwacu ang’o pire? 6E giwacu maeni, ma gibidhe ko, kara ginwang’ agobe i wie. Ento Yesu gung’ piny, man egoro wi ng’om ku lwete. 7Ento ka gipenje asu, etingre malu, ewacu igi kumae, Ng’atu ma dubo mbe kude i kindwu ci, dong’ ekwong’ canye ku kidi. 8Egung’ piny kendo, man egoro wi ng’om ku lwete. 9E gin, ka giwinjo lembe maeni, giwok woko acel acel uthekre kum jadit, cil kum m’udong’ cen: man Yesu dong’ kende, ku dhaku, ma ni i diere. 10E Yesu tingre malu, man ewacu ire kumae, Dhaku, gini kani? ng’atu moko mbe m’upoko lembe i wii raci? 11E ewacu kumae, Ng’atu moko mbe Rwoth. E Yesu wacu kumae, An bende apoko lembe rac i wii ngo: cidh i yo peri; ugambre kawono kud idong’ idub kendo.)

Yesu, Der mi Ng’om

12 # Mt 5:14; Yoh 9:5 Yesu lund uyero igi kendo, ewacu kumae, An a der m’i ng’om; ng’atu m’ulubo ng’eya biwotho i mudho ngo, ento ebibedo ku der mi kwo. 13#Yoh 5:31Ka kumeno Jufarisayo wacu ire kumae, Inyutho lembe piri giri; nyutholembe peri en e andha ngo. 14Yesu dwoko lembe ewacu igi kumae, Kadok anyuth lembe pira gira, nyutholembe para en e andha; kum ang’eyo ka m’aai i ie, ku ka m’acidho i ie de; ento wun wung’eyo ngo ka m’aai i ie, kadi ka m’acidho i ie de. 15Wupoko lembe calku kum; an apoko lembe kum ng’atu moko ngo. 16Eyo tek apoko lembe, pokolembe para en e andha: kum an a kenda ngo, ento waku Wego m’uora. 17#Poi 19:15Eyo man i cik mu egore kumae, ya nyutholembe mi juario en e andha. 18An a ng’atu m’ubenyutho lembe pira gira, Wego m’uora de benyutho lembe pira. 19Ka kumeno giwacu ire kumae, Wuru nikani? Yesu loko lembe kumae, Wung’eya ngo, kadok Vwa de: dok wung’eya kuno di wung’eyo Vwa bende. 20Eyero lembuni i kakanpiny, kinde m’eponjo i hekalu: man ng’atu moko mbe m’umake; kum saa pare fokuwok ungo.

Ka M’acidho i ie Wucopo Bino Ngo

21Ka kumeno ewacu igi kendo kumae, Aai woko man wubiyenya, e wubitho i dubo mu: ka m’acidho i ie wucopo bino ngo. 22Ka kumeno Juyahudi giwacu kumae, Ebinegre gire, kum ewacu kumae, Ka m’acidho i ie, wucopo bino ngo? 23E ewacu igi kumae, Wun wuai piny; an aai malu: wun wu mi ng’om maeni; an a mi ng’om maeni ngo. 24Ketho awacu iwu nia wubitho i dubo mu: kum tek wuyio ngo nia an a en, wubitho i dubo mu. 25Ka kumeno giwacu ire kumae, In i ng’a? Yesu wacu igi kumae, Cil maeno bende m’ayero iwu ku kwong’a. 26Giki dupa ni kuda m’ayer apok de piwu: ento ng’atu m’uora en e andha; man gin m’awinjo i bang’e, e ayero ginde ni ng’om. 27Ging’eyo ngo nia eyero igi pi Wego. 28Ka kumeno Yesu wacu kumae, Ka wudaru ting’o Wod dhanu malu wubilund ng’eyo nia an a en man nia atimo gin moko gira ngo, endre ayero gin maeni calu Wego ponja ko. 29Man ng’atu m’uora eni karacelo kuda; eweka kenda ngo, kum atimo gin maeno thiri thiri ma nyayu mutoro i ie. 30Kan eyero gin maeni, dhanu dupa giyio ire.

Lemandha Bigonyowu

31Ka kumeno Yesu wacu ni Juyahudi maeno m’uyie kumae, Tek wubedo i lem para, nwang’u wu julubna mandha; 32man wubing’eyo lemandha, e lemandhane bigonyowu. 33#Mt 3:9; Lk 3:8Giloko lembe ire kumae, Wan wa kodhi Ibrahim, fodi wabedo ng’eca pa ng’atu moko ngo: iwacu nenedi, Wubigonjru? 34Yesu loko lembe igi kumae, Andhandha awacu iwu, Ku ba dhanu ceke ma timo dubo en e jamiru mi dubo. 35Man jamiru bedo i ot nja ngo: wod e ma bedo mi nja. 36Ka kumeno tek Wod bigonyowu, wubibedo agonya andha. 37Ang’eyo nia wu kodhi Ibrahim; ento wuyenyo ka nega, kum ka lembe para mbe i iwu. 38Ayero gin m’aneno ba Vwa: wun bende wutimo gin ma wuneno ba wegwu.

Wegwu ma Wonabali

39Giloko lembe giwacu ire kumae, Wegwa en e Ibrahim. Yesu wacu igi kumae, Tek wu nyithindho pa Ibrahim kuno di wutimo tic pa Ibrahim. 40Ento kawono wuyenyo ka nega an m’a ng’atu m’ayero iwu lemandha, m’awinjo ba Mungu: maeni Ibrahim utimo ngo. 41Wutimo tic pa wegwu. Giwacu ire kumae, Junyolowa ku tarwang’ ungo; Wegwa acel, en e Mungu. 42Yesu wacu igi kumae, Dok Mungu en e Wegwu, kuno di wumara: kum aai ba Mungu abino eni; kum abino gira ngo, ento eora en. 43Nedi wung’eyo wec para ngo? en e kum wucopo winjo lembe para ngo. 44Wun wu pa wegwu ma wonabali, e wuyenyo wutim awanya ma rac pa wegwu. Cil ku kwong’a en e janek, man ecungo ngo i lemandha, kum lemandha mbe i ie. Kan eyero ndra, eyero kum gin m’ebedo ko: kum en e jandra, man e won ndrane. 45Ento kum ayero lemandha, wuyia ngo. 46Ng’a ma ni i kindwu m’utuco wia kum dubo? Tek ayero lemandha wuyia ngo nedi? 47Ng’atu ma en e pa Mungu ewinjo lembe pa Mungu: kum lembe nini wuwinjo ngo, kum wu pa Mungu ngo.

Ma fodi Jukunyolo Ibrahim Ungo, Nwang’u Anuti

48Juyahudi giloko lembe giwacu ire kumae, Wayero dre ngo nia i Jasamaria, man pajogi ni ii? 49Yesu loko lembe kumae, Pajogi mbe i ia; ento ayungo Vwa, man wun re ma wuketho abedo umbe yung. 50Ento ayenyo kadwong’ para gira ngo: ng’atu acel nuti m’ubeyenyo m’ubepoko lembe de. 51Andhandha, ayero iwu kumae, Tek ng’atu moko woro lem para, ebineno tho ki ngo. 52Juyahudi wacu ire kumae, Kawono wapoing’eyo nia pajogi ni ii. Ibrahim utho ku jubila bende; man iwacu kumae, Tek ng’atu moko woro lem para, ebibilo tho ki ngo. 53In i dit ma sagu wegwa Ibrahim, m’utho? man jubila bende tho: ikethri ni ng’a? 54Yesu loko lembe kumae, Tek ayungra gira, nwang’u dwong’ para en e gin moko ngo: en e Vwa e m’uyunga: ma wuwacu pire, nia en e Mungu mu; 55man wung’eye ngo: ento ang’eye; man tek awacu ya ang’eye ngo, abibedo jandra calu wun: ento ang’eye, man aworo lem pare. 56Wegwu ma Ibrahim anyong’a nege kum ebineno ceng’ para: man enene, anyong’a nege de. 57Ka kumeno Juyahudi giwacu ire kumae, Rundi peri fodi pier abic ungo, man ineno Ibrahimu? 58Yesu wacu igi kumae, Andhandha, awacu iwu, Ku kwong’a ma fodi jukunyolo Ibrahim ungo, nwang’u anuti. 59Gilund giting’o kidi nik gicanye ko: ento Yesu pale gire, man ewok ku i hekalu.

Currently Selected:

Yohana 8: AB1970

Highlight

Copy