Thangambere 35

Mungu Mio Mugisa wi Yakobo i Beth-el

1 # Tha 28:11-17 E Mungu wacu ni Yakobo kumae, Ai malu, idh malu kum Beth-el, man ibed keca: man itim pemblam ni Mungu keca, m’unyuthre iri kinde m’iringo kud i wang’ Esau m’umeru. 2Yakobo lund uwacu ni juode, ku dhanu ceke ma gini kude kumae, wucor mungu ma juwirok cen ma ni i kindwu, man wudwokru giwu leng’, wulok kendi mu de: 3man wek waai, waidh malu de kum Beth-el; e abiguro pemblam ni Mungu keca, m’uloko ira lembe i ceng’ mi can para, ma wabedo wakude i yo m’acidho i ie. 4E gimio mungu ma juwirok ceke ma gini i cing’gi ba Yakobo, ku nzir ma ni i ithgi; e Yakobo yikogi the bongu ma ni i Cekem. 5E giwotho: man ndiri pa Mungu ni wi adhura m’utiekogi gbur, e gilubo tok wot Yakobo ngo. 6Kum kumeno Yakobo bino Luz, ma ni i ng’om Kanan (ma en e Beth-el), en ku dhanu ceke ma ni kude. 7E eguro pemblam keca, man elwong’o kakeca El-beth-el; kum Mungu nyuthre ire keca, kinde m’eringo kud i wang’ umin. 8E Debora ma jagwok Rebeka tho, man juyike the Beth-el the bongu: man julwong’o nyinge Alonbacuth.

9E Mungu nyuthre ni Yakobo kendo, kinde m’eai Padan-aram, man emio mugisa ire. 10#Tha 32:28E Mungu wacu ire kumae, Nyingi Yakobo: nyingi jubilwong’o Yakobo kendo ngo, ento Israel bibedo nyingi: man elwong’o nyinge Israel. 11#Tha 17:4-8E Mungu wacu ire kumae, An a Mungu ma Jategokpo: nyai man imedri; thek man udul thek biai i beng’i, man ju m’ubimo biai kud i kumi; 12e ng’om m’amio ni Ibrahim kud Isak, abimie iri, man abimio ng’ombe ni kodhini yo ng’ei. 13E Mungu ai woko kud i bang’e i ka m’eweco ie kude. 14#Tha 28:18, 19Man Yakobo guro mbegi i ka m’eweco ie kude, mbegi mi kidi: man ekonjo lam m’amadha i wie, man ekonjo mo i wie. 15E Yakobo lwong’o nying’ ka ma Mungu weco ie kude kumae, Beth-el.

Tho pa Rahel

16Man giwotho ma giai ko i Beth-el; man fodi gitundo ngo Efrath: e moc ugoyo Rahel, man esendre dit. 17E etimbre, m’esendre dit, nia ng’atu m’ucole wacu ire kumae, Lworo kud unegi; kum kawono ibibedo ku nyathin ma nico mange. 18Man etimbre, kinde ma ng’eyong’ec pare becidho (kum etho), nia elwong’o nyinge Ben-oni: ento won ulwong’e Benyamin. 19E Rahel utho, man juyike i yo ma tundo Efrath (ma en e Beth-lehem). 20E Yakobo guro mbegi wi liende: ma en e Mbegi mi liend Rahel cil i ceng’ ma tin. 21E Israel uwotho, man eguro hema pare loka ot ma wiu pa Eder. 22#Tha 49:4Man etimbre, kinde ma Israel ubedo i ng’om maeno, nia Ruben ucidho man evuto ku Bilha ma dhaku m’araga pa won: man Israel uwinjo pire.

Wot Yakobo

(1 Kei 2:1-2)

Nie wot Yakobo gin apar wi ario: 23wot Leya gi eni: Ruben, ma kayu pa Yakobo, man Simeon, ku Lawi, man Yuda, man Isakar, ku Zebulun; 24man wot Rahel gi eni: Yusuf man Benyamin; 25man wot Bilha, ma bong’ pa Rahel gi eni: Dan man Naftali; 26man wot Zilpa, ma bong’ pa Leya gi eni: Gad man Acer: maeni gi wot Yakobo, ma junyolo ire i Padan-aram.

Tho pa Isak

27 # Tha 13:18 Man Yakobo bino bang’ Isak ma won i Mamre, ba Kiriath-arba (ma en e Hebron), ka ma Ibrahim kud Isak gibedo ni umondo i ie. 28Man ceng’ pa Isak gi rundi dak acel ku pier abora. 29E Isak umwonyo cwinye, man etho, e jucoke ba juthugi, m’eti m’epong’ ku ceng’ de: e Esau ku Yakobo ma wote giyike.

Currently Selected:

Thangambere 35: AB1970

Highlight

Copy