MALEAKHI 3

1 # Mat 11:10; Mrk 1:2; Luk 1:76, 7:27 Ninikni Allah pohol ha kinang ha senehon inowen hebeloho hiyag hisarukon tu, ”An namingmingangge nalukema monde fuhukmu An lahuk ke hale feruk laruhu. An namingmingangge folo wamag peruk lahebon ino sali Anden emberuk lahiyon hiyag hisaruk laruhuwen ketiya waharuk. Hiren Allah kema wereg peruk lit weregman An Hinikni Allah folo-folo nibam waruhuk,” uruk.

2-3 # Why 6:17 Ninikni Allah waharuk lit nit sehelimu inam aruhu sambil ino ap sa ine roho welam teg? E wiyuk inggila fam enehap umatukmu sing angge eleg atuk hag toho At waruhu sambil teko lahu. Melei il yanggo amag ulug indokma iringguruk hag toho Allahn At fahet hubu lahaptuk inap imam unubam siyag angge werehon puhun tubusuhumu iren Ninikni Allahn fano peruk angge eneg emberuk lamuhup. 4Yehuda inap men Yerusalem inap menen Allah fahet fano angge eneg emberuk lamuhup halug Ninikni Allahn indam fano embehesa peruk latfag hag toho nin ahiyeg haruk laruhu.

5 Ninikni Allah pohol ha kinang ha senehon inowen ele urukon tu, ”Hit hunubabut kim hisaruk lit alem hunubam werehon haloho umbuhuken waruhuk. Usasum foroho inap men, hiyap yarog eneptuk inap men, enele si uruk inap men, yabuk witukon fahet onggo apma roho og isaruk inap men, hiyap yuwohon malik suwarehon ap pohon miyal eneptuk inap men, it arimanowen An nubahet enekol eleg toho wereg lit siyag ane eneg turukon Anden fag tuhuken folo-folo waruhuk,” uruk.

Allah fahet umbuhuk peruk lahebon abir angge walug waharuk lamuhup ibag ane

6 Ninikni Allah pohol ha kinang ha senehon inowen ele urukon tu, ”An welatik iyag nahun nubabut nin am fug angge weregman eneg welaruhuk. Hir oho nin am fug angge Yakuben ondohowonen ondohowon wereg lit#Ibrani enele fam hahatfahon ino niren emberuk laheyon hikit toho uruk ano, An … nubabut nin am fug angge weregman eneg welahireg hit Yakuben ondohowonen ondohowon indamen tulug ketiya oho siyag atuk lahep fug uruk ano. 7hunumbasiyen An nele holtuk latfag fug hag toho Anden komo heneptuk lahiyon fano roho wenggel ha fug angge suhan isaruk lahep.

Ari fahet An nambeg hebeloho wamuhupmu Anden hebeloho let heneptuk laruhuk ulug An Hinikni Allahn nele uruk lahi angge famen hiren te, ’Nungge ane turuk lit Hat hambeg hebeloho wamuhuk?’ uruk lahep. 8Ketiya Anden hinog og hisaruk lahi: Ap kinangmonen An Allah nubam enele si ane hiyag num teg? Hiyag num fug teg angge famen hit henele si ane An nubam hiyag nutuk lahep. Hiren, ’Nangginoho nenele si uruk lahe?’ ulug kapal niyaruk lahep anggeyen wam suburu hininggikmu atukon numon men, winon An nubahet emberuk lahebon men Anden peruk lahi ane hikit toho og nutuk lahep fug. 9Israel hinap obog tohowen An nubam un ane turuk lahepma Anden hit obog toho huluwap heneptuk lahi.

10 # Im 27:30; Bil 18:21-24; Ul 12:6, 14:22-29; Neh 13:12 Mun angge man angge nininggikmu atukon numon Allah fahet umbuhuk peruk lahebon abir angge An Allah nibam walug waharuk lamuhup! An nibam suburu narukon anggolo welamag ulug imbik waharuk lamuhup! Imbik waharukmu Allahn hebeloho yet nisahu ano ulug wal niyahup! Hiren An nubahet emberuk lahebon abir angge walug waharuk lamuhup halug Anden poholman hit fahet fano-fano angge anggolo pilabik waruhuk. 11Heren pambot yanggal enebuhukmu hiniyabuk yatuk lahebon siyahap turuk lamuhup fug. Hele anggur anggenen keleg aruhu. 12Keleg aruhumu o pumbuk ap enele wal-wal urukonen, ’Israel inap enengginang fanoma enehiyeg toho wereg,’ uruk lamuhup,” ulug Ninikni Allah pohol ha kinang ha senehon inowen ele uruk.

An waruhuk sambil numalikisi nindi pulmu welamuhup ibag ane

13 Ninikni Allahn ele uruk lit, ”Hiren An nabug uruk lahep anggeyen hiren te, ’Hat habug nungge urukuk?’ uruk lahep. 14Hiren henele uruk lit, ’Saplangge Allah fam sembahyang uruk lahe. Nungge fahet Aren hiyag nisaruk ane hikit toho turuk lahe? Nungge fahet siyag ane turuk latukukon fahet nenembiken turukuk ulug uba yatil At olohotma laruk lahe? 15Ap Allah eleg ulug hemet toho turukon enehiyeg toho weregma yet isaruk lahe. Iren siyag ane til noruk lit Allah wal haruk angge famen Allahn hebeloho unusuk fug angge weregma fano roho wereg lit tung atuk,’ uruk lahep,” ulug Allahn ele uruk.

16 Ninikni Allah fahet enekol toho wereg inaben ari hag toho enele urukmu Ninikni Allahn fuki roho hol isaruk lit kim isaruk. Kim isarukmu ap Allah fahet enekol toho wereg lit unuk palimuwap turuk inap ununuk suwesingga At olohotma werehon fam haharegma apeleg aruhu fug.

17 Ninikni Allah pohol ha kinang ha senehon inowen ele urukon tu, ”Inam aruhuk sambil An fahet enekol toho wereg inap arimano An numalikisi nindi pulmu welamuhup. O ari sambil war alep angge famen amlohowen ikni ele holtukon ikniyen indi reg hag toho An nindiyen umbusuhuk. 18Ap inindi siyahon, inindi fanowon, An nele holtukon, holtuk elehon alem wal taneg unubam aruhu ane An numalikisiyen nin yet hahup,” ulug Allahn ele uruk.

Currently Selected:

MALEAKHI 3: YLI

Highlight

Copy