KEJADIAN 36

Hun Esau inowen ondohowonen ondohowon fahet ibag ane

1 # 1Taw 1:35-37 Hun Esau unuk winon Edom inowen ondohowonen ondohowon ununuk tuma haharoho imbibag. 2#Kej 26:34Esau inowen o Kanaan hiyap og enesug lit Het ahun Elon ahaloho Ada ino men, Hewi ahun Zibeonen endetfahon Ana ahaloho Oholibama men, 3#Kej 28:9Ismael ahaloho Basmat hun Nebayot ot ino men hilibag. 4Ada inowen amloho Elifas Esau indag itfagma Basmat inowen Rehuel indag itfag. 5Oholibama inowen Yeus, Yaelam, Korah men indag enepfag. It obog toho o Kanaan kinangma indag atfag.

6Welatfagma Esau ino ot Yakub embeselug o winama lahuk ulug uhesi men unumalikisi ap angge hiyap angge men ap obog toho at ibam welatfahon men ambohom men anggengge obog toho o Kanaan kinangma inggikmu atfahon men hondog eneplug libag. 7Esau men Yakub men ininggikmu enenggengge anggolo rehen it piren ambiyeg misigmu welam fug teg latfag. It enembohom oho anggolo rehen Kanaan kinangma foroho ambeg we tor angge welatfag. 8Welatfagma Esau unuk winon Edom ino libareg tom Seir fam yug toho welatfag.

9Edom inap tom Seir fam werehon unumba Esau inowen ondohowonen ondohowon ununuk tuma haharoho imbibag. 10-13Esau uhe Ada inowen amloho Elifas indag tibag. Elifas umalikisi Téman, Omar, Zefo, Gaetam, Kenas men welatfag. Elifas inowen hiyap eke hilibahon unuk Timna inowen amloho Amalek indag tibag. Esau uhe Basmat inowen Rehuel indag tibag. Rehuel inowen Nahat, Zerah, Syama, Miza men indag enepfag. 14Zibeonen endetfahon Ana ahaloho Oholibama Esau inowen hilibahonen umalikisi Yeus, Yaelam, Korah men indag enepfag.

15Esau inowen ondohowonen ondohowon ununggul unuk tuma emberuk lahe: Esau amloho monggiyon Elifas inowen ondohowonen ondohowon Téman inap, Omar inap, Zefo inap, Kenas inap, 16Korah inap, Gaetam inap, Amalek inap men wereg. It obog toho Esau uhe Ada inowen ondohowonen ondohowon wereg lit Edom kinangma wereg. 17Esau amloho Rehuel inowen ondohowonen ondohowon Nahat inap, Zerah inap, Syama inap, Miza inap men wereg. It obog toho Esau uhe Basmat inowen ondohowonen ondohowon wereg lit Edom kinangma wereg. 18Esau uhe Oholibama hun Ana ahaloho inowen ondohowonen ondohowon Yeus inap, Yaelam inap, Korah inap men wereg. 19Ununggul unuk arimano obog toho Esau unuk winon Edom inowen ondohowonen ondohowon wereg.

Hun Seir umalikisi fahet ibag ane

20 # 1Taw 1:38-42 Edom kinang fam yug toho welatfag inap arimano Hori ahun Seir inowen ondohowonen ondohowon wereg lit ununggul unuk amu-amu werehon onowesi ununuk Lotan, Syobal, Zibeon, Ana 21Disyon, Ezer, Disyan men welatfag. 22Hun Lotan inowen umalikisi Hori men Heman men indag enepfag. Lotan ot hilani angge ino Timna welatfag. 23Hun Syobal inowen Alwan, Manahat, Ebal, Syefo, Onam men indag enepfag. 24Hun Zibeon inowen Aya men Ada men indag enepfag. Ana inowen ikni Zibeon ambohom keledai anggenma walug libareg forohoman ik eleruk il inahanon hiyahibag. 25Hun Ana inowen Disyon men ahaloho Oholibama men indag enepfag. 26Hun Disyon inowen Hemdan, Esban, Yitran, Keran men indag enepfag. 27Hun Ezer inowen Bilhan, Zaawan, Akan men indag enepfag. 28Hun Disyan inowen Us men Aran men indag enepfag. 29It arimano obog toho Hori inap ununggul unuk amu-amu atuk lit onowesi ununuk Lotan, Syobal, Zibeon, Ana, 30Disyon, Ezer, Disyan men welatfahon arimano unumalikisi obog toho ketiya oho Seir kinang fam wereg.

Edom inap onowesi suwon welatfag ane

31 # 1Taw 1:43-54 Israel inap onowe suwon eke lahuk fugmu Edom kinang fam ap suwon lahibahon ununuk tuma haharoho imbibag. 32O Dinhaba ahun Beor amloho Bela ino Edom inap onowe suwon lahibag. 33Welatfareg Bela ino war atfagma ubalmangge o Bozra ahun Zerah amloho Yobab ino ap suwon lahibag. 34Welatfareg Yobab ino war atfagma ubalmangge hun Husyam o Téman kinang fam welatfahon ino ap suwon lahibag. 35Welatfareg Husyam ino war atfagma ubalmangge o Awit ahun Bedad amloho Hadad ino ap suwon lahibareg Midian inap Moab kinang fam kibahon arimano apmayap enepfag. 36Welatfareg Hadad ino war atfagma ubalmangge o Masreka ahun Samla ino ap suwon lahibag. 37Welatfareg Samla ino war atfagma ubalmangge hun Saul o Rehobot ik ayegma wereg latfag ahun ino ap suwon lahibag. 38Welatfareg Saul ino war atfagma ubalmangge Akhbor amloho Baal-Hanan ino ap suwon lahibag. 39Welatfareg Baal-Hanan ino war atfagma ubalmangge o Pahu ahun Hadar ino ap suwon lahibag. Hadar uhe hun Mezahab inowen endetfahon he Matred ahaloho Mehetabeel welatfag.

40Esau inowen ondohowonen ondohowon ununggul unuk amu-amu atuk lit o pumbuk amu-amu welatfahon onowesi ununuk Timna, Alwa, Yetet, 41Oholibama, Ela, Pinon, 42Kenas, Téman, Mibzar, 43Magdiel, Iram men welatfag. It unumalikisi obog toho Edom unuk eke Esau inowen endetfahonen ondohowon ununggul unuk amu-amu o pumbuk amu-amu enengginang yugmu wereg.

Currently Selected:

KEJADIAN 36: YLI

Highlight

Copy