YUHANI 11
11
Na metina i Laharu
1Ninya na haà tu na ma-tamungu Laharu na ma-ndà diku la Mbetani dà ngu da ana winina i Maria dà ngu i Mà rata. 2I Maria jiaya na kawini na maburi-nja mina mbii kati da wihina i Miri hi na-kanguli wà nya lunggina. La hau rehi hidu-nanya i Laharu. 3Da ana winina da madua da-pangà ndi-nya langu i Yehu, “Miri na ana minima na pambuha-mu hidu-nanya,” wà da.
4Ba narongu-yaka nu i Yehu, panii-nanyaka, “Na hidu yiana nda nalua-aya la meti. Nu hi tuna ka pa-mangunju wà nya i Ala, dà ngu rukuna nuna ka pa-mangunju-mbuya na Ana Ala,” wà na.
5Nyuna i Yehu nanamu-ha i Mà rata, i Maria dà ngu i Laharu. 6Na nyuna ba narongu-ka i Yehu ba hidu-nanya i Laharu na-harawukui-pa pa-ndà diku dà mbu lodu lai nu. 7Hà laka nu hina-duka hi napanii la papanau-na, “Mà la ndawa tabeli la Yundia,” wà nanja.
8Danapa-ha nyuda, “Umbu Ngguru, bidi pà ku-napa ka ta-nà haku-nya watu ba wà danggau tau Yahundi, tà ka nà hu hili beli lai nà hu wà mui?”
9Tà ka i Yehu, “Ka nda ha-kambulu dà mbu njà mu-ana dimi na lodu?” wà na. “Na tau na malaku wà ngu lodu, nda na-tunjuru-a, ba naita-duya na harii la pinu tana yiana. 10Tà ka na tau na malaku wà ngu rudungu na tunjuru, ba nda nidunya na harii lai nyuna,” wà nanja. 11Nuya na paniina i Yehu. Hà laka hi nahili panii, “Na angu mbuhanda i Laharu katuda-nanyaka, tà ka ka kulua pabengi-nya wà nggu,” wà nanja.
12Danapa-ha da papanau-na, “Miri, jà ka katuda-nanya i Laharu, napa nahà mu-ma duna,” wà danya.
13Na palana i Yehu jiaya ba mbà da meti-naka duna i Laharu. Tà ka nyuda jiaya na katuda pa-tà njingu ihu na palana i Yehu wà da bia. 14Tuna nuduka hi napanii pa-habola-nja paraïna i Yehu, “Mbà da meti-naka i Laharu, hi wà nanja. 15Tà ka nambaha-mai na etinggu ba nda ningga lai nu, ba narihi hà mu-dupa ndumami nyimi, ka peku pawaimi. Ba tuna mà la-ndawa nà hu ka talua lai Laharu,” wà nanja.
16Tà ka i Tomahu, “i Ana Ndua” ba wà danya napanii-nja da anguna pa-panaungu, “Mà la ka talua-mbu nyuta, ka tameti karia-nya,” wà nanja.
Na ma-paluri beli dĂ ngu na ma-wuangu luri
17Ba natĂ ka-ka lai nu i Yehu, mbĂ da patu mbua lodu-naka la reti i Laharu. 18Lihina la Yeruhali-ya na Mbetani, rĂ kangu tailu mbua kiluna marauna. 19Nadangu na tau Yahundi na mambĂ da mai lai MĂ rata dĂ ngu i Maria la pa-panggaĂĽru-ha ba jiaya na metina na ana minida.
20Ba narongu-ka i Mà rata ba nà munya i Yehu, lua-nanyaka pa-tà buku-ya, tà ka i Maria la umaya. 21Nu ka panii-nanyaka i Mà rata, “Miri, jà ka ninggau yiahu là ti yia nana, nda tuana Miri ka nameti na ana mininggu. 22Jiapa-kai ba tuna kupi-manya duku ba jiangu-ma nawua memanggau nà hu i Ala, jiapa ka nggà ra biaya na pakarai-mu,” wà nanya.
23Tà ka i Yehu, “Napa naluri beli na ana minimu,” wà nanya i Mà rata.
24Nanapa-ya i Mà rata, “Kupi-manya ba na-hadangu beli napa i Laharu, la rehi pahada belinja da mameti la Hupu Njà puna,” wà na.
25Tà ka i Yehu, “Nyungga jiaka ma-wuangu luri dà ngu ma-pahadangu beli tau mameti,” wà nanya i Mà rata. “Na tau mapawai lai Nyungga napa naluri jiapa ka mbà da meti-nakai. 26Tà ka na tau maluri na mapawai lai Nyungga, nda jia meti-anapa lundu nu - nu. Muwai-duya nuna?” wà nanya.
27“Miri,” wà na i Mà rata, “kupawai-ma duku ba Ana Alakau, dà ngu ba Hanganji Ma-pamà nangu-kau na mamai la pinu tana yiana,” wà nanya.
Na hiina i Miri Yehu
28Ba napanii tunaka nu i Mà rata, lua-nanyaka papaau-nya i Maria, na anguna kawini hi na-kanguruku-nya, “Ninya ni i Umbu Ngguru; paà ra-nanggau,” wà nanya. 29Ba narongu-yaka nu, ri - ringa-naka ba na-hadangu i Maria hi nalua pa-tà buku-ya i Yehu. 30Nu ndedi natama-a i Yehu la kotaku. Jiapa-mayapa la ngia pa-tà buku-nanya i Mà rata. 31Na hadangu-na dà ngu ba ri - ringana paluhu i Maria, daita-ya paraï da tau Yahundi da ma-mandapu dà nya i Maria la uma. Ka ndà ki-danyaka i Maria là bu lua-nanya pahii ningu la reti wà da bia.
32Ba natà ka-ka i Maria la ngia paninya i Yehu, dà ngu ba naita-kiyaka, patika-nanyaka la hanggana i Yehu hi napanii, “Miri, jà ka ninggau yiahu là ti yia nana, Nda tuana Miri ka nameti na ana mininggu,” wà nanya.
33Ba naita-yaka hiina i Maria paraïna i Yehu, dà ngu ba dahiimbu da tau Yahundi mamai karia-nya i Maria, hawina-nanyaka dà ngu dira mila mumuhu-ya na etina ba itaya. 34Ka paà ra-nanjaka, “La ngginiya na ngia pa-bà njalu-minya,” wà nanja.
“Mai kau tà ngaru-ya Miri,” wà danya.
35Ka hii-nanyaka i Yehu. 36Hi dapanii da tau Yahundi, “Ai, tà ngaru-ya kanjupu namu-nanya i Laharu,” wà da. 37Na nyuna ninyai hawiangu na mapanii, “Nyuna ni na ma-pabula-nja da mata tau mapoki, ka ni hi nda na-paratahu-nya ka à mbu nameti i Laharu?” wà da.
Ba paluri beliya i Laharu
38Nu kahili mila mumuhu-nanyaika na etina i Yehu, hi nalua la reti. Nu na reti liangu pa-pandĂ bingu watu bokulu-ya.
39“Pa-hinggilu-ya na watu,” wà na i Yehu. Nanapa-ya i Mà rata ana winina na mameti, “Ai, Miri, mbà da patu mbua lodu-naka la reti. Jà mu wau-manaka duna!” wà nanya.
40Napanii i Yehu lai Mà rata, “Ka ni hi mbà da panii-madu-nggunggauka: Jà kau pawai, napa uitaya nggi tuna na mbihana i Ala ba wà nggu!” wà nanya. 41Ka pa-hinggilu-danyaka na watu. Ba tunaka nu, tangara-nanyaka la awangu i Yehu hi napanii, “Mà langu-mu, ou Ama,ba mbà da tingi tanaü-munggaka. 42Kupi-manggau ba nua naingu-mana natingi tanaü-mungga, na nyuna hi kupeka-ya yiana, lumuda yiada da tau, ka peku pawaida ba Nyumu ma-palewa-ka Nyungga,” wà na. 43Ba nahà laka papanii tuna nu, wara pa-kodungu-nanyaka i Yehu, “Ha Laharu, luhukau nà mu!” wà na. 44Ka luhu-nanyaka nu na mameti. Da wihi limana pa-yubuhu wà ngu tera yubuhu-mahapa, tà ka na matana na pa-là mbaru-nya tera tamalingu. Tà ka i Yehu, “Ngguliya na yubuhu-na ka peku lakuna,” wà nanja da tau lai nu.
Da ma-pahama kangunduhungu pa-ndubaku-ya i Miri Yehu
(Mat. 26:1-5; Mrk. 14:1-2; Luk. 22:1-2)
45Nadangu na tau Yahundi na mamai pa-tadalu-ya i Maria, da mapawai lai Yehu ba daita-yaka nu na manjadi. 46Na nyuna ninja hawiangu la hongada nyuda da malua papanii-ya la tau Parihi nu na pawunda-na i Yehu. 47Tuna nuduka hi kiri pauhi-da da tau Parihi, da ratu pangora dĂ ngu na Bata Bokulu Anggama ba da-batangu. Hi dapanii, Nggikina wĂ nda-aka? Ba dangu-mada-nyaka da pa-hangĂ tarungu pawunda-na na tau nuna. 48JĂ ka tamĂ ta bianya ba tu mĂ nuna nu napawai ndĂ baka napa na tau lai Nyuna. Ka lundu mai-danyaka napa da ma-pareta la Roma hi da-nyungguru-ya na Umana i Miri dĂ ngu hi da-weharu-ya na banjaru-nda nggubulu-na.
49Nu ka panii-nanyaka na haà tu la hongada nyuda na ma-tamungu Kayapà hu, na Ratu Bokulu la ndaungu nu, “Nda nggà rama nyimi yia papimi. 50Ka nda ana miripu-mana nu la kanandingu-mi ba narihi hà mu ningupa, jà ka nameti na haà tu tau lumuna i madangu welingu ba na-talà pu ndà ba nggubulu-na yia na banjaru?” wà na. 51Hi kiri panii-nanya nuna i Kayapà hu, nda kanandingu wiki-ananya. Jia-aya ba ngaha pa Ratu Bokulu-ya la ndaungu nuna, hi nanyura-ya ba lumuna na banjaru Yahundi-ya napa na pameti wà na i Yehu. 52Dà ngu nda lumu mehana na banjaru Yahundi bia, tà ka jia-mbuya ka pauhi-nja dà ngu ka kahaunja da ana Ala da ma-tanyalangu.
53Piti welingu la lodu nu pa-hamangu-danyaka da liku uru Yahundi ka pameti-ya i Yehu. 54Tuna nuduka hi nda na-pawuwangu wikina la madangu la tau Yahundi i Yehu. Hadangu-nanyaka welingu la Yundia, hi nalaku la paraingu EpuraĂŻmu la lihi marĂ da telangu. Lai nuya na-ndĂ diku ningu dĂ ngu da papanau-na.
55Nu mareni-nanyaka na Lodu Remi Paha Yahundi. Nadangu na tau welingu la nde - ndeha da mambà da laku la Yeruhali ka pahà ra hahanya na kalaratu hawari wiki ba ndedi jiaya na lodu mbabu. 56Dahimbu-ya i Yehu. Tà ka ba da-pauhi-ka la Umana i Miri, da marà ngga paà rangu dà ngga anguda, “Mà la nggikina wà mu nyumu? Talà nga wanguna nda namaia ihu la mbabu nà hu?” wà da. 57Hi panii tuda nu, jiaya ba mbà da wuangu-daka pareta da ratu pangora dà ngu da tau Parihi, na tau na mapinya na ngia paninya i Yehu, lupangu-ma na-patà kangu kareuku ka peku yà pa-ndanya ba mbà da wà da-duka.
Currently Selected:
YUHANI 11: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
