DEDI 5
5
Da wàla wuana i Andamu
(1 L Nd. 1:1-4)
1Yiada-haka da juru wàla wuana i Andamu. [Ba na-padika-nya na tau i Ala, nawulu-ha nyuda hama tuna Nyuna wikima i Ala. 2Na-padika-nja mini kawini. Na-pakanyuru-nja dàngu na-pangara-nja “tau”.] 3Ba 130 mbua ndau-naka na lurina i Andamu, ngalangu-nanyaka anakeda mini na maeru-ya nyuna, hi na-patamu-nya Hetu. 4Hàlaka nu i Andamu 800 mbua ndau-napa na lurina dàngu dadangu-mapa da anana hawiangu da pangala-na. 5Ba nameti 930 mbua ndauna na lurina.
6Ba 105 mbua ndau-naka na lurina i Hetu, ngalangu-nanyaka anakeda mini, Enuhu-ya na tamuna. 7Hàlaka nu i Hetu 807 mbua ndau-napa na lurina dàngu na-ngalangu-mapa anana hawiangu. 8Ba nameti 912 mbua ndauna na lurina.
9Ba 90 mbua ndau-naka na lurina i Enuhu, ngalangu-nanyaka anakeda mini, Kenàngu-ya na tamuna. 10Hàlaka nu i Enuhu 815 mbua ndau-napa na lurina dàngu na-ngalangu-mapa anana hawiangu. 11Ba nameti 905 mbua ndauna na lurina.
12Ba 70 mbua ndau-naka na lurina i Kenàngu, ngalangu-nanyaka anakeda mini, Mahalaleyilu-ya na tamuna. 13I Kenàngu 840 mbua ndau-napa na lurina dàngu na-ngalangu-mapa anana hawiangu. 14Ba nameti 910 mbua ndauna na lurina.
15Ba 65 mbua ndau-naka na lurina i Mahalaleyilu, ngalangu-nanyaka anakeda mini, Yaritu-ya na tamuna. 16Hàlaka nu i Mahalaleyilu 830 mbua ndau-napa na lurina dàngu na-ngalangu-mapa anana hawiangu. 17Ba nameti 895 mbua ndauna na lurina.
18Ba 162 ndau-naka na lurina i Yaritu, ngalangu-nanyaka anakeda mini, i Henuku-ya na tamuna. 19Hàlaka nu i Yaritu 800 mbua ndau-napa na lurina, dàngu na-ngalangu-mapa anana hawiangu. 20Ba nameti 962 ndauna na lurina.
21Ba 65 mbua ndau-naka na lurina i Henuku, ngalangu-nanyaka anakeda mini, i Metuhala-ya na tamuna. 22Hàlaka nu i Henuku luri pambulu daa-mananya i Ala 300 mbua ndaungu. Na-ngalangu-mapa anana hawiangu 23lundu natoma 365 mbua ndauna na lurina. 24Nyuna i Henuku ba naluri angu mànunya i Ala, ka munangu-nanyaka, ka ba napiti-yaka duna paraïna i Ala.
25Ba 187 mbua ndau-naka na lurina i Metuhala, ngalangu-nanyaka anakeda mini, i Lamiku-ya na tamuna. 26Hàlaka nu i Metuhala 782 ndau-napa na lurina dàngu na-ngalangu-mapa anana hawiangu. 27Ba nameti 969 ndauna na lurina.
28Ba 182 ndau-naka na lurina i Lamiku, ngalangu-nanyaka anakeda mini. 29Napanii i Lamiku, “Na anakeda yiana na-pahalimu-ya napa na paràma-nda na mambotu ba ta paloku-ya na tana na paràtu-na i MIRI,” wàna. Jia-duyaka i Lamiku hi na-patamu-nya Nuhu#Nuhu; Na tamu yiana hama linguna na kareuku hilu Imbarani, “halimu” ba wàna. nuna na anakeda. 30Hàlaka nu i Lamiku 595 mbua ndau-napa na lurina. Na-ngalangu-mapa anana hawiangu, 31dàngu ba nameti 777 mbua ndauna na lurina.
32Ba 500 mbua ndau-naka na lurina i Nuhu, ngalangu-nanyaka anana mini tau madua haàtu, nu i Hemu, i Yapitu dàngu i Hàmu.
Currently Selected:
DEDI 5: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)