DEDI 28

1Tunaka nu i Ihàku napaau-nya i Yakupu, hàla pa-kanyuru-nanyaka hi napanii-nya, “Àmbu jia laleimu la kawini Kanaàngu. 2Lakuwa la Mahupatamia, la nuana i Mbetuilu bokumu, pitiya na haàtu na anana na tuyamu i Lambàngu. 3Màla àru i Ala Mahupu-mbiha ka na-pakanyuru-nya na laleimu dàngu ka nawua-nggau ana umbuku madangu, ka lupa njadimu boku la mangilu-na na banjaru dangukau! 4Màla àru i MIRI ka na-pakanyuru-kau nyumu dàngu da wàla wuamu, hama tuna ba na-pakanyuru-nya i Ambarahàmu, màla àru kau mangunya na tana yiana na-pangia-mu nàhu, na pambàda wua-nanya i Ambarahàmu paraïna i Ala!” wàna. 5Tuna nu i Ihàku ba napuli-nya i Yakupu palaku la Mahupatamia, lai Lambàngu anana i Mbetuilu tau Aràmu. I Lambàngu ayana i Ripuka inana i Yakupu dàngu i Ehaü.

I Ehaü ba nahili lalei

6I Ehaü narongu-ka ba na-pakanyuru-nya i Yakupu paraïna i Ihàku dàngu ba napuli-nya palaku la Mahupatamia la papiti papaha-na lai nàhu. Dàngu na rongu-mbuka nyuna i Ihàku la rehi pa-kanyuru-nanya i Yakupu, ba na hirinya i Yakupu papiti anakaria Kanaàngu. 7Hinggilu-na nu, nyuna i Ehaü napinya i Yakupu ba na-tundungu la pulu amana inana dàngu ba mbàda hambàda-naka la Mahupatamia. 8Ka pi-nanyaka nyuna i Ehaü ba nda na-mbuhangu kawini Kanaàngu i Ihàku na amana, 9jia-duyaka hi nalua i Ehaü lai Ihimailu, anana i Ambarahàmu, hi na-kanoma-ya na anana i Ihimailu na ma-tamungu Mahalàtu, erina i Nembayutu.

Na manggadipangu-na i Yakupu la Mbetilu

10Ka dunjaku-nanyaka na Mbiruhemba i Yakupu hi nalaku la Haràngu. 11Ba natama-ka na lodu tàka-nanyaka la hau pangia,#la hau pangia; jàka ndia: la hau pangia ma-matua. hi natodu lai nu. Ka tanggilungu-nanyaka ka kumahuru ba wàna; ba nawàngu pa-nulangu hau watu. 12Tunaka nu ka manggadipangu-nanyaka, nyuna naita-ya na hau na panongu na-mandolaku la pinu tana tàka na kapuka-na natàka la awangu, tàka da papalewa da hei puru lai nu la panongu. 13Tàka la lihina#la lihina; jàka ndia: la kapuka-na na panongu. ndolaku-nanyaka i MIRI, na mapanii dànya, “Nyungga MIRI-ka, Ala palumu-da i Ambarahàmu dàngu i Ihàku. Napa Nyungga kuwua-nggamunya nyumu dàngu na wàla wuamu yiana na tana ngia pa-mahuru-mu. 14Na wàla wuamu napa hama dangu kumburu tanaya. Nyuda napa da-palera-nya na ngabada la nggi mbara bia, dàngu rukumu nyumu dàngu wàla wuamu, napa Nyungga ku-pakanyuru-nya mbuu ndàbana na banjaru#napa Nyungga ... mbuu ndàbana na banjaru; jàka ndia: napa mbuu ndàbana na banjaru na-kamahi-ngga ka ku-pakanyuru-ha hama tuna na-pakanyuru-nggunggau nyumu dàngu ana umbuku-mu. la pinu tana. 15Kanandi-nya, Nyungga napa ku-ndulakau dàngu ku-mangga nggàmu, jiapa nda nggi-kamu mulaku ningu, dàngu Nyungga napa ku-karia belinggau la paraingu yiana. Nda jia dunjaku-anggunggau napa hi lupa ku-palundu hàlanya mbuu ndàbana na panjanji-nggunggau,” wànanya.

16Hàla hadangu-nanyaka i Yakupu welingu la ngia pa-mahuru-na dàngu hi napanii, “I MIRI ninya lai yiahu, tàka hina nàhu hi kupinya!” wàna. 17Nyuna lalu maradapu-ya hi napanii, “Ei, ma-mbàringu-duya na pangia yiana! Jiangu-maka duna ba Uma Alaya, pindu bokulu awangu-ya,” wàna.

18Hadangu harii la mba - mbaru, hadangu-nanyaka i Yakupu, napiti-ya na watu panula-na hi na-pandolaku-ya ka nanjadi watu tanda. Na burinya wai mina haitungu nu la pinu watu ka panuda-nya ndumana i Ala. 19Na pangia nuna na-patamu-nya, “Mbetilu”#Mbetilu; Na tamu yiana la hilu Imbarani “Uma Ala,” wàna. (Amangu Luhu wàdanya). 20Hàla harangu-nanyaka i Yakupu, “Jàka i MIRI nandula-maduka dàngu jàka namangga-madungga la ànda yiana hamanai jàka nawua-madungga pangangu dàngu paki 21hi lupa kubeli dàngu hamungu la uma amanggu, i MIRI nyunaka na Alanggu. 22Dàngu napa kuwua-nya i MIRI hangia la hakambulu welingu la mbuu ndàbada da pawua-nangga i MIRI. Yiana na watu tanda na pa-pahada-nggu jia-yaka napa na ngia pa-lumungu lai MIRI,” wàna.

Currently Selected:

DEDI 28: KAM

Highlight

Copy