DEDI 16
16
I Hanggaru dàngu i Ihimailu
1I Harai papaha-na i Àmbaràmu, ndedi-mapa na-ngalangu ana. Tàka ninya na haàtu na atana welingu la Mehiru, anakaria-ya. Hanggaru-ya na tamuna. 2I Harai napanii-nya i Àmbaràmu, “I MIRI napàtu-kaka la paningu anangu. Jia ba tuna nahàmu kau angunya na atanggu yiana. Napa hi na-ngalangu bia pa-paana-ngga ana nyungga,” wàna. I Àmbaràmu napajia-ya na patikingu-na i Harai. 3Tuna nuduka i Harai ba nawua-nya i Àmbaràmu na atana, i Hanggaru patuya kala wihina. La rehi nuna nyuna i Àmbaràmu mbàda hakambulu ndau-naka la tana Kanaàngu. 4Ka katuda angu-nanyaka i Hanggaru nyuna i Àmbaràmu, hi naworu ihina nuna na tau kawini. Tàka ba napi-nyaka nyuna i Hanggaru ba woru ihi-nanyaka, katadaku wàngu-nanyaka ba na-pakalana-ya i Harai.
5Ka panii-nanyaka i Harai lai Àmbaràmu, “Nyungga kuwua-nggaunyaka na atanggu i Hanggaru kau tuya kala wihimu, tàka kandai pinanya ba woru ihi-nanyaka, hi pa-kalàna bia-nangga nyungga. Njalamu nyumu-maya nuna.#Njalamu nyumu-maya nuna; jàka ndia: Màta kau mayila àruki rukuna bau tuya na njala tungu nu lai nyungga. Nyunaka i MIRI ka nabota-ya na palakara-nda yiana lai nyumu dàngu nyungga,” wàna.
6Nahema i Àmbaràmu, “Nahàmu-du, nyuna ata-mamunya dàngu ba la limamu nyumu-maduya, wàngu bia papimu nu hanggangu lai nyuna,” wànanya. Tàka i Harai nawàngu mbana etina ba na-palua-nya lima i Hanggaru hi lupa napalai.
7Na papalewa-na i MIRI natoma-nya i Hanggaru la lihi matawai la maràda telangu, la ànda na ma-hanggangu la maràda telangu la Huru. 8Napanii na papalewa, “Ha Hanggaru, atana i Harai, nggi welimu dàngu nggi luamu?” wànanya.
Nahema i Hanggaru, “Palai-nggunya welingu lai Harai na ràmbunggu,” hi wàna.
9Napaya na papalewa, “Beliwa lai nyuna, kau lumunya,” wànanya. 10Ka hili panii-nanyaka na papalewa, “Napa Nyungga kuwua padanggau ana umbuku-mu, hi lupa nda ningu haàtu mapeku padiha-ha. 11Nda namandai-apa ba pa-anangu-munyaka haàtu anakeda mini; màta Ihimailu#Ihimailu; Na tamu yiana la hilu Imbarani, “na-tanaü i Ala,” wàna. ka wàmunya na tamuna, nadu i MIRI ba narongu-yaka na hiimu.
12Tàka nuna na anamu napa naluri hama tuna kalandai matàmba-ya; nyuna napa nalawa hàlanya na tau, tàka na taui duna napa nalawa hàlanya nyuna. Nyuna napa naluri pa-mehangu welingu la angu dedi-naka,” wànanya.
13Ka paàrangu-nanyaka la etina i Hanggaru, “Tuba-manaka ihu ba kuita-ya i Ala na ma-tanara-ka?” wàna. Hi nanyura-nya ngarana i MIRI na mambàda panii dànya, “I Ala Ma-patanara,” wànanya. 14Nunaya na pakiri-na na humuru lai nu, la manggawa Kandihu dàngu Mberitu, “Humuru-na Na Maluri Na Ma-tanara-ka,” wànanya tau.
15Hàla i Hanggaru hi na-habola-nya na haàtu na anakeda mini, tàka i Àmbaràmu amana, Ihimailu, hi wànanya ba natunya tamuna. 16La rehi nuna nyuna i Àmbaràmu walu kambulu nomu mbua ndau-naka na lurina.
Currently Selected:
DEDI 16: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
