Johani 21

Jesu a tlhangana ni vapizani vakwe le Galilea.

1Anzhako ka lezo Jesu i lo ti wonekelisa kambe ka vapizani le bimbini ga Tiberiasi; a ti wonekelisa kota lezi.

2Va wa hi wutshamu ginwe Simoni Pedro, na Tomasi a vitwako Didimusi, na Nataneli wa le Kana wa Galilea, ni vana va Zabedi, ni vanwani vambiri va vapizani vakwe. Mat. 4:21; Xip. 1:45

3Simoni Pedro aku ngalo kabye: Nza haya kukukuteni. Vaku ngalo kakwe: Na hina kambe hi ta famba na wena. Va lo famba, va ya enghena ngalaveni; ni wusiku lego a va kumangi nchumu.

4Kanilezi na ga ha kuca, Jesu i lo yima muhanzeni; kanilezi a vapizani va wa nga zi tivi ku ngalo hi Jesu. Xip. 20:14

5Jesu aku ngalo kabye: Vana vanga, mu na ni zakuga ke? Va hlamula vaku; Ahihi. Lu. 24:41

6Aku ngalo kabye: Tlhonwekani a likoka hi tlhelo ga xinene ga ngalava, mu ta zi kuma. Laha va nga li tlhonweka kona, va wa nga zi koti a ku li koka hi kota ya kutala ka zidluwani. Lu. 5:4, 6, 7

7A mupizani loyi Jesu a nga mu ranza aku ngalo ka Pedro: Hi Hosi. Laha Simoni Pedro na a zwile lezaku hi Hosi, i lo boha nguwo yakwe, hakuva i wa hi ximbyiri, a pfunwala bimbini. Xip. 13:23; 20:2

8Kanilezi a vapizani vanwani va lota hi xingalavana, na va koka a likoka li nga tele hi zidluwani, hakuva va wa nga hi kule ni muhanza, ntsena a 200 wa mikono.

9Lezo na va humele muhanzeni va lo wona a nzilo wa makhala laho, ni zidluwani na zi vekilwe hehla ka wona, ni xibaba.

10Jesu aku ngalo ka vona: Nehani zidluwani ka lezi ma ha ku zi kukutako lokuloku.

11Simoni Pedro i lo enghena ngalaveni, a ya kokela likoka muhanzeni na li tele hi zidluwani za hombe, zi hi 153 wa zona; hambu lezi zi nga tele, a likoka a li hanzukangi.

12Jesu aku ngalo ka vona: Ngonani mu ta fihluta. Ku wa nga hi kona ni mupizani a nga tiya a ku mu wutisa, aku: Hi wena mani? hakuva va wa zi tiva lezaku hi Hosi. Miti. 10:41

13Jesu i lo ya teka a xibaba, a va nyika, ni zidluwani kambe.

14Lexi hi xikhati xa wunharu a nga woneka ka vapizani, anzhako ka kuva na a vukile hi ka vafileko.

15Lezo na va fihlule, Jesu aku ngalo ka Simoni Pedro: Simoni, nʼwana Johani, wa nzi ranza ku hunza lava ke? Aku ka yena: Ina, Hosi; wa zi tiva ku ngalo nza ku ranza. Jesu aku kakwe: Gisa tiyivana ta mina.

16Aku ngalo ka yena hi xikhati xa wumbiri: Simoni, nʼwana Johani, wa nzi ranza ke? Aku ka yena: Ina, Hosi; wa zi tiva ku ngalo nza ku ranza. Jesu aku kakwe: Risa tiyivu ta mina. Miti. 20:28; Maheb. 13:20; 1 Ped. 2:25

17Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

18Hizinene nziku ka wena; Na wa ha hi muswa, u wa ti boha bhandi ga wena, uya ni kwihi laha u ku ranzako; kanilezi laha u ta nga khosahala, u ta tshambuluta a mandla ya wena, ni munwani i ta ku boha, a ku yisa laha u nga ku ranziko. Xip. 13:36; Miti. 12:3, 4

19I lo wula lezo na a kombisa a fela legi Pedro a ta nga dumisa ha gona Nungungulu. Laha na a wulile lexi, aku ka yena: Nzi lanzele. 2 Ped. 1:14

20Pedro i lo hunzuluka, a wona a mupizani loyi Jesu a nga mu ranza, na a kari a va lanza; hi loye a nga khegele xifuveni xakwe laha kugeni, a mu wutisa aku: Hosi, himani a ku nyikelako ke? Xip. 13:23, 25; 20:2

21Hikwalaho Pedro na a mu wona, aku ngalo ka Jesu: Hosi, xana inaloyi i ta maha yini?

22Jesu aku ngalo kakwe: Loku nzi ranza lezaku a tshame nzi kala nzi wuya, xi yini lexi ka wena ke? Wena nzi lanzele. Mat. 16:27; 1 Kor. 4:5; 11:26; Kuv. 2:25; 3:11; 22:7, 20

23Hikwalaho a mhaka leyi yi lo hangalaka xikari ka vamakabye, lezaku loye mupizani a nga tafa; kanilezi Jesu a nga mu byelangi ku ngalo a nga tafa; kanilezi, Loku nzi ranza aku a tshame nzi kala nzi wuya, xi yini lexi ka wena ke?

24Hi yena mupizani loyi a mahako wukustumunyu ga timhaka leti, a engeta a ti tsala; ha zi tiva ku a wukustumunyu gakwe gi nene. Xip. 19:35; 3 Joh. 12

25Zi kona zinwani zilo zo tala lezi Jesu a nga zi maha, lezi loku zi wa tsalilwe zontlhelele, nza alakanya lezaku hambu misava yontlhe yi wa nga ta zi kota ku kangatela a mabhuku wontihe laya ma nga tsaliwako. Am. 7:10; Xip. 20:30

Currently Selected:

Johani 21: TSC72

Highlight

Copy