Zakariya 9
9
GIPANDRE NYA WUVILI
Gulamudwa ga mayigo nya vaakelane
(Amosi 1:3-10)
1 # Wona gambe: Isa 17:1-3; Jer 49:23-27; Amos 1:3-4. Gulamula ga Pfhumu Nungungulu
mayelano khu litigo la Hadharaki
ni Dhamasiko,
a gu wulanga waye nya guhefemule avbo;
kholu maho ya Pfhumu Nungungulu ma gu wona vathu vatshavbo
kha nga idzo a kheviselago khidzo mahundzu ya Israyeli.
2 # Wona gambe: Isa 23:1-18; Ezek 26:1—28:26; Jol 3:4-8; Mat 11:21-22; Luk 10:13-14. Womo gambe vbatshani ga Hamati, gu guromo vbinganoni navo,
Tiro ni Sidhoni, ambari va tadego khu guti nya guete.
3Tiro a dzi vbahede makhokhola, a wuya a wungedzela parata kha nga mafu,
ni ndralama kha nga maraga ya mudzindzilani.
4 # Wona gambe: Isa 23:1-18; Ezek 26:1—28:26; Jol 3:4-8; Amos 1:9-10; Mat 11:21-22; Luk 10:13-14. Aholu, Pfhumu a na mu wandrela lidhoropa,
a dzudzuga phwani thomba yaye, a yi tsagamisa khu nilo
5Asikeloni a na si wona a tala khu hwanga
ni Gaza nuye a na tedwa khu rerema gu fanana ni Ekoroni,
kholu gutumba gwawe gu na bani gu vbede;
Gaza a na luzegedwa khu mufumeli waye,
ni Asikeloni gu na khala giwula nyambana muthu.
6Aholu va nata vathu va nga velegedwa wubhayini va ta vbaha Asidhodhi,
Eni nyi na pfhungumula matshandza ya Vafilistiya.
7 # Wona gambe: Isa 1:20-31; Jer 47:1-7; Ezek 25:15-17; Jol 3:4-8; Amos 1:6-8; Sof 2:4-7. Nyi na va gambisa novba nya miphaso khu maganani gwawe
va phaselago sithombe,
nyi dusa gunyenyeza gwatshavbo khu magwahani gwawe;
uye a na tshalago a na khala nga tshaledwa wa Nungungulu wathu;
a na khala muthangeli wa tigoni ga Judha,
gu na girwa Ekoroni kha nga iso si nga giregago ga Vajebhusi.
8Eni mune furi, nyi na ta khala nyangwatunu nya nyumba yangu nyi ghadha,
gasi yi si phangwi khu valala,
gu si manegi ni muthu nya gu tsemakanye, ni muthu nya guwuye
gasi gu si manegi gambe mutshanisi
nya gutshanise vathu vangu;
kholu eni mune furi nyi ngu si wona khu maho yangu.
Mufumo wu resago gurula
9 # Wona gambe: Mat 21:5; Joh 12:15. Nengela ngudzu uwe nyamahegyane wa Siyoni;
womba kulungwane nya gutsake uwe
nyamahegyane wa Jerusalema;
wona, Mufumeli wago a nguta gwago,
uye a lulamide gambe Muvbanyisi,
gisiwana, a nguta na khilede buru,
avbo nya giburwana, gyanana nya buru nya ngadzi.
10 # Wona gambe: Dzind 72:8. Nyi na pfhungumula dzikareta nya nyimbi dza Efrayimi
ni dzikavalu dza Jerusalema;
wulaho nya nyimbi wu nata fanyeledzedwa.
Uye a na huwelela gurula ga mayigo;
mufumo waye wu na khugela yiphwa kala yimbe yiphwa;
wu na khugela tsongoni wa Ewufrate kala mahegiso nya mafu.
Gutshulega ni gupala
11 # Wona gambe: Eks 24:8. Gasi uwe, khu kotani nya novba
nya gidzumeledzwano gyangu nago,
nyi na tshudzisa sibotshwa sago khu namboni nyambana mati.
12Bwelelani likhokholani gwanu enu sibotshwa,
mu tadego khu gutumba;
muhuno nyi ngu tivisa gukheni
nyi na mi bweledzela satshavbo khu nyondro mbili.
13Kholu Eni nyi na ghwimba Judha kha nga wulaho,
nyi khwandra Efrayimi kha nga giholoma;
nyi na kutsedzela sanana sago uwe Siyoni, guya wugela sanana sago, uwe Gresiya!
Uwe Siyoni u na fanana ni litshari la ndrena nya gukari.
14 Pfhumu Nungungulu a na dzi wonegisa ga vathu vaye,
sighalala saye si na duga na si gu khedziga kha nga gulasa;
Mune, Pfhumu Nungungulu a na womba pundru,
a gimbila khu vbakari nya gipupwane nya gute khu Marandzi.
15 Pfhumu Nungungulu nya Tshivba Yatshavbo
a na vhikela vathu vaye,
a na mbembisa valala vaye,
va gandredzela siwindri nya gundziwitedwe;
va na sela novba wa valala vawe
va gira ligwaha kha nga vathu va levidego khu vbinyu;
kha nga novba nya sirengo
wu tadzago dzimbiya nya miphaso,
va mitegedzela kha nga mati
dzikhonani nya giluvelo.
16Khu litshigu lolo, Pfhumu Nungungulu wawe a na vbanyisa vathu vaye,
kha nga tshambi waye;
kholu va na khedziga tigoni gwawe
kha nga siwindri nya lisima vbagihugutunu nya wufumu.
17Kholu wudhumo wawe wu na bani wuri wukhongolo ngudzu!
Ni gumbura gwawe gu na bani guri gukhongolo ngudzu!
Tirigu ni wuuvha nya dosi si na dandrisa madzaha ni dzimbiri.
Currently Selected:
Zakariya 9: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
