Zakariya 5
5
Giwoniso nya livbandre na gimwegyo: Libhuku nya guvbuvbe
1Nyi di khusa gambe maho, nyi di wona libhuku na li gu vbuvba.
2Ngilozi yi nga bani yi ganela ni eni, yi di nyi wudzisa, khiyo: “Ginani u gi wonago?”
Eni nyi di yi hakha, kheni: Nya gu wona libhuku li vbuvbago; li gu ni magumavili mikono gulapha gwaye, ni likhumi mikono guanama.
3Khavbo avbo, yi di nyi embela, khiyo: “Egi khu givalo gi na dugago tigoni gwatshavbo; kholu ni wevbini muthu a gu mbafa a na tutumiswa tigoni khu tshivba nya givalo gyogyo, kharato gambe muthu watshavbo a sambanyago malipha khu lina langu, a na rinywa khigyo vbavbandze.” 4Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”
Giwoniso nya livbandre na sivili: Nyamayi ni pimo
5Gu di duga ngilozi yi nga bani yi gu ganela ni eni yi nyi embela, khiyo: “Olu, khusa maho yago u wona ginani igyogyo gi dugelelago.”
6Eni nyi di wudzisa, kheni: “Gasi ginani egi?” Iyo yi di nyi hakha, khiyo: “Owu pimo nya liphanga wu dugago.” Aholu yi di engedza gambe, khiyo: Umo nya pimo wowo, womo wuvivbi, wu fananago ni vathu vatshavbo va tigoni.
7Khavbo avbo, gu di funungudwa gifenengedzo nya thovhu; nyi di wona nyamayi na khade ndrani nya pimo nya liphanga. 8Iyo yi di, khiyo: “Ogu khu guvivba.” Yi di reda nyamayi a bela gambe umo nya pimo, yi sega gambe khu gifenengedzo nya thovhu.
9Nyi di khusa maho nyaluphye, nyi di wona vanyamayi vavili na va gu vbuvba; phuvbo yi di tadza mambapi yawe, kholu va diri ni mambapi nya nga nya kalahoni; va di khusa pimo va gwela navo ndrengelengeni.
10Nyi di wudzisa ngilozi yi nga bani yi ganela ni eni, kheni: “Gasi pimo va gu hongola nawo hayi?” 11Iyo yi di nyi hakha, khiyo: “Avo va guya wu vbahela nyumba tigoni ga Sinari, na va vbedzide gu vbaha nyumba, va na lulamisela umo wulanga waye, va wu handzega avbo.”
Currently Selected:
Zakariya 5: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
