Genesi 49

Jakobe a ngu kategisa sanana saye nya likhumi na sivili

(Dhewuteronome 33:1-29)

1Khu hwane, Jakobe a di ranisa sanana saye a si embela, khuye: Tshanganani kholu nya gu vbweta gu mi tivisani esi si na gu dugelelago khu matshigu ma ngu gutago.

2Tshanganani mu nyi yingise

enu sanana sa Jakobe

3Rubheni, uwe khuwe gyanana nya matiwula yangu,

uwe khuwe tshivba yangu,

handro nya guphele nya tshivba

nya wama wangu,

khuwe nya guphele khu wuzundzo,

nya guphele khu tshivba.

4U khugegide kha nga libimbi,

khu na nga khala muthangeli,

kholu u ghohede lidawu la babe wago.

U nyenyeziside wuzundzo nya lidawu langu.

5Simiyoni ni Levhi va na ndruye ni ndruye!

Matshari yawe ma gu wusa dzihanyi.

6Uwe hefemulo wangu,

u nga beli makunguni gwawe!

Ni uwe monyo wangu, hambana navo,

kholu likhuloni gwawe va songide vathu,

ni gu dzikhusedzani gwawe va theside

dzikuzi.

7Yi na vadwe, khorodza yawe nya

wughevenga;

ni likhulo lawe nya gusonge!

Nya gu vbweta gu va hambanisa

ga Jakobe.

Nyi na va phalalegisa tigoni ga Israyeli.

8Uwe Judha, vandriyago va na

gu rungudza.

Mandza yago ma na tshomborosa dzithamo

dza valala vago.

Sanana sa babe wago si na noga

mbeli gwago!

9 # Wona gambe: Mit 24:9; Gutu 5:5. Uwe u ginghalana, gikhati u wuyago,

mwanangu ni pfimba wago!

U khidzima u nama kha nga nghala

nya matune ni eyi nya ngadzi.

Khu mani nya gu mu wuse?

10Ndronga nya wufumu

kha ya na duga ga Judha,

guruma kha gu na duga

ga situgulwana saye,

kala a gu vboha uye

a fanelago gu ruma;

oyu mayigo yatshavbo

ma na mu yingelago.

11A na hunga giburwana gyaye

tshinani nya uvha,

gyanana gya buru yaye litamoni

nya miuvha nya wumburi,

guambala gwaye gu na handzwa khu vbinyu,

ni libhadzi laye novbani nya dziuvha.

12Maho yaye ma na fuvila khu kotani

nya vbinyu,

magwaha yaye ma na aga khu mahwe.

13Zebhuloni a na vbanya bambe

ni yiphwa;

a na khala kha nga masiwo nya dzingalava.

Bambe nya yiphwa yaye gu na vboha

kala Sidhoni.

14Isakari khuye giburwana nya

marambo nya tshivba,

gi lalago vbakari nya mavbandro nya dzinvuta.

15Uye wonide gukhuye guhefemula gilo nya gyadi

ni litigo a khalago umo li nonide,

a di ningedzela magata a rwegwa kanga

a gu khala githumi nya muluveli.

16Dhani a na lamula vathu vaye,

kha nga limbe lihundzu la na Israyeli.

17Dhani a na khala kha nga nyoga ndzilani,

kha nga mamba gindzilanani;

yi hodzago litundru nya kavalu,

yi thesa khu nyagihwane mukhileli waye.

18Nya gu khedzisela guvbanyisa gwago,

Uwe Pfhumu Nungungulu!

19Gadhi a na phangwa khu vaphangi;

aholu uye a na va phanga khu madzugani

20Gasi Aseri, a na mana talo nya guhodze;

Khuye a na ningago esi si nengedzisago

vafumeli.

21Nafitali yisya yi tshulegidego;

uye a gu ganela magana nya wumburi.

22Josefa litamo nya mihandro,

litamo nya mihandro vbafuvbi ni nambo,

matamo yaye ma gu tutuma khu

vbatshani nya libhiyo.

23Va mu nyenyide va mu bayisa,

va mu vengide va nya wulaho nya

matshandza.

24Aholu wulaho waye, wu simamide

gu tiya

ni misivba nya mawogo yaye

yi simamide ni tshivba,

khu kotani ya Muvhikeli wa Jakobe,

Muhavisi ni Giwindri gya Israyeli.

25Khu Tshivba ya Nungungulu wa babe wago,

a na khalago muemeli wago;

ni Nungungulu nya Tshivba Yatshavbo

a na bani ari gikategiso gyago,

khu sikategiso sa vbatshani ndzadzini;

ni sikategiso sa guetani vbavbatshi nya mafu,

khu sikategiso sa maveleni ni mahembeni!

26Sikategiso sa babe wago,

si vbindrago esi sa vababe vangu

si vboha dzitshokhatunu nya gigomo

nya gupindruge;

si na tadzisega hungoni ga Josefa,

giwomboni ga oyu a hambanisidwego

ga vandriyaye!

27Bhejami lisolwa nya guhavbe;

dzimindrudzile a gu khura khu gu songetela,

kala gupfolani nya lidambo a kabanisela phango.

28Khayo aya likhumi na mavili mahundzu ya Israyeli; khidzo kharati babe wawe a nga ganelago gwawe a va kategisa, a ninga ga moyo ni moyo gikategiso gyaye.

Gufa ni gu dzingwa ga Jakobe

29A di va ninga sileletelo saye, khuye: Nyi ngu hongola ga valongo vangu; nyi dzingeni vbafuvbi ni valongo vangu, phalani li guromo thembweni la Efroni, Muhiti, 30#Wona gambe: Gen 23:3-20. phalani li guromo petoni ga Makipela vbafuvbi ni Mambre tigoni ga Khanani, gipandre Abrahama, a rengidego ga Efroni, Muhiti, gasi gu gira gipeto nya lithowo. 31#Wona gambe: Gen 25:9-10; Gen 35:29. Khavbo vbale va dzingidwego Abrahama ni mwangadzi waye Sara; va dzingidwe gambe vbale Isaki ni mwangadzi waye Rebheka, vbale nyi dzingide avbo Liya. 32Gipeto ni liphala si guromo avbo, si rengidwe ga Vahiti.

33 # Wona gambe: Mith 7:15. Jakobe, na embeledzede sanana saye sileletelo saye nya guhegise, a di pata mawundru vbadawutunu gwaye; a sala afa aya patwa ni valongo vaye.

Currently Selected:

Genesi 49: BGE2014

Highlight

Copy