Juan 18

Jesústa prësu tsariyanqan

Mateo 26.47-56; Marcos 14.43-50; Lucas 22.47-53

1Tayta Diosta Jesús mañakuskirnam Cedrón raqrapa discïpulunkunawan päsayarqan. Tsaypitanam jatun huertaman yaykuyarqan.#Mat. 26.36; Mar. 14.32.

2Tsayman discïpulunkunawan Jesús imaypis aywashqa kaptinmi Jesústa rantikuq Judas tsayman aywayanqanta musyarqan. 3Tsaymi Jesústa prësu tsariyänanpä aktsinkunawan y espädankunawan wardiakunata y atska soldädukunata pushakurkur Judas aywarqan. Tsay wardiakunata y soldädukunatam mandaq sacerdötikuna y fariseukuna mandayarqan.

4Jesúsqa llapan päsananpä kaqkunatam musyarqan. Tsaymi prësu tsariyänanpä aywaqkunawan tinkuskir tapurqan: <<¿Pitatä ashiykäyanki?>>

5Tsaynam <<Nazaretpita Jesústam ashiykäyä>> niyarqan.

Jesúsnam nirqan: <<Noqam Kä>>.#18.5 Noqam Kä nirqa Jesucristo tantiyatsirqan kikin Dios kanqantam. Tsaypita masta musyanaykipä liyinki Éxo. 3.14; Juan 10.30-33.

(Jesústa rantikuq Judaspis tsaychömi kaykarqan.)

6<<Noqam Kä>> niptinmi ankallaypa ishkiyarqan. 7Jesúsnam yapay tapurqan: <<¿Pitatä ashiyanki?>>

Paykunanam yapay niyarqan: <<Nazaretpita Jesústam>>.

8Jesúsnam nirqan: <<Maynam nirqü: <Noqam Kä>. Noqata ashimarqa noqallata prësu tsariyämay. Kay runakunataqa aywakuyänanpä dëjaykuyay>>.

9Tsaynö kananpämi ñöpata mañakur Tayta Diosta nirqan: <<Podernïman churamunqayki kaqkunata manam mayqantapis oqrarqütsu>>.#Juan 17.12.

10Tsaymi Simón Pedro espädanta jipiskir juk runapa derëcha kaq rinrinta roquskirqan. Tsay runaqa mas mandaq sacerdötipa sirviqninmi karqan. Paypa jutinmi Malco karqan. 11Pedrutanam Jesús nirqan: <<¡Espädaykita kutitsiy! Papänï qaramanqan cöpata ¿manaku upüman?>>#18.11 Tayta Diospa cöpanqa mana cäsukuq runakunata castiganqanmi. Tsaymi tsay cöpata upunanpä Jesús nirqa Diosta mana cäsukuq runakunapa rantin castigashqa kananpä kanqanta nirqan.#Sal. 75.8; Isa. 51.17, 22; Jer. 25.15-17; Eze. 23.31-34; Hab. 2.16; Apoc. 14.9-10; 16.19.

Mas mandaq sacerdötipa wayinman Jesústa apayanqan

Mateo 26.57-58; Marcos 14.53-54; Lucas 22.54

12Tsaypitanam capitanninwan soldädukuna y templu cuidaq wardiakunapis Jesústa prësu tsarir watayarqan. 13Tsaypitanam Caifáspa suegrun Anáspa wayinman apayarqan. Tsay watam Caifás mas mandaq sacerdöti karqan. 14Paymi autoridä mayinkunata nishqa karqan: <<Llapantsik wanunantsikpa rantin mas allim kanman juk runalla wanuptin>>.#Juan 11.49-50.

Jesústa Pedro ñëganqan

Mateo 26.69-70; Marcos 14.66-68; Lucas 22.55-57

15Simón Pedrunam juk discïpulu mayinwan Jesúspa qepanta aywayarqan. Tsay discïpulun mas mandaq sacerdötiwan reqinakushqa karmi patiuman yaykurqan. 16Pedrunam punkullachö quëdarqan. Tsaymi ruriman yaykuq discïpuluqa punkuchö cuidaq warmita rugakurqan Pedrutapis yaykatsinanpä.

17Tsay warminam Pedruta tapurqan: <<¿Manaku qampis taqay runapa discïpulun kanki?>>

Pedrunam nirqan: <<Manam>>.

18Pasaypa alaptinmi sirviqkuna y templu cuidaq wardiakunapis ninata tsariskatsir mashakuykäyarqan. Paykunawanmi Pedrupis mashakuykarqan.

Mas mandaq sacerdöti Anás Jesústa tapunqan

Mateo 26.59-66; Marcos 14.55-64; Lucas 22.66-71

19Tsaypitanam mas mandaq sacerdöti Jesústa tapur nirqan: <<¿Pitä discïpuluykikuna? ¿Imatatä yachatsinki?>>

20Jesúsnam nirqan: <<Noqaqa manam imatapis pakayllapa yachatsirqütsu. Sinagögakunachö y templuchöpis llapan runakunam yachatsinqäta wiyayämashqa. 21¿Imanirtä noqata tapumanki? Yachatsinqäta wiyaq runakunata tapuy. Paykunam imata yachatsinqätapis musyayan>>.

22Tsaynö niptinmi juk wardia Jesústa laqyaskir nirqan: <<¿Tsaynöku mas mandaq sacerdötita ninki?>>

23Jesúsnam nirqan: <<Mana allita parlashqa kaptïqa mä nimay. Imatapis llutanta mana parlaykaptïqa ¿imanirtä laqyamanki?>>

24Tsaypitanam watashqallata mas mandaq sacerdöti Caifás kaqman Anás apatsirqan.#18.24 Anás mas mandaq sacerdöti kaptinpis Roma runakunam payta qarquskir mashan Caifástana churayarqan.

Jesústa Pedro yapay ñëganqan

Mateo 26.71-75; Marcos 14.69-72; Lucas 22.58-62

25Simón Pedro mashakuykaptinmi yapay tapuyarqan: <<Qampis ¿manaku taqay runapa discïpulun kanki?>>

Pedrunam nirqan: <<Manam>>.

26Tsaypita rätullatanam mas mandaq sacerdötipa sirviqninpis nirqan: <<Qamta paywan kaykaqtam huertachö rikarqü>>.

(Tsaynö niq runapa castanpa rinrintam Pedro roqushqa karqan.)

27Pedrunam yapay ñëgarqan. Tsay höram gällu cantaskirqan.

Pilatuman Jesústa prësu apayanqan

Mateo 27.1-2, 11-14; Marcos 15.1-5; Lucas 23.1-5

28Patsa waraykaptinnam Caifáspa wayinpita Roma gobernadorpa despächunmanna Jesústa apayarqan. Israel autoridäkunaqa manam tsay despächuman yaykuyta munayarqantsu. Paykuna yarpäyarqan tsayman yaykurqa impüru kar Pascua mikuykunata mana mikuyänanpä kanqantam. 29Tsaymi despächunpita yarquskir Pilato tapurqan: <<¿Ima jutsanpitatä kay runata apayämurquyki?>>

30Tsaynö tapuptinmi niyarqan: <<Jutsayuq kaptinmi apayämurqü. Jutsaynaq kaptinqa manam apayämümantsu karqan>>.

31Pilatunam nirqan: <<Leynikikuna ninqannö juzgayänaykipä apayay>>.

Tsaynö niptinmi Israel runakunapa autoridäninkuna niyarqan: <<Noqakuna pitapis wanutsiyänäpä manam poderyuqtsu kayä>>.

32Tsaynö nirmi cruzchö wanunanpä Jesús ninqanta cumpliyarqan.#Juan 3.14; 12.32.

33Despächunman Pilato kutiykurmi Jesústa qayaykur tapurqan: <<¿Rasunpaku Israel runakunapa mandaqnin rey kanki?>>

34Jesúsnam nirqan: <<¿Kikikipa yarpayllaykipitaku o runakuna niyäshuptikiku tsaynö tapumanki?>>

35Pilatunam nirqan: <<Noqa manam Israel runatsu kä tsaykunata musyanäpä. Marka mayikikuna y mandaq sacerdötikunam prësu apayämushurquyki. ¿Imatatä rurarquyki prësu apayämushunaykipä?>>

36Jesúsnam nirqan: <<Noqa manam kay patsachö mandaqtsu kä. Kay patsachö mandaq kaptïqa prësu mana tsariyämänanpä qatirämaqnïkunam pelyayanman karqan>>.

37Pilatunam tapurqan: <<Tsaynö nirqa ¿rasunpaku rey kanki?>>

Jesúsnam nirqan: <<Rasun kaqtam nirquyki. Rasun kaqta willakunäpämi kay patsachö yurirqü y tsaypämi kay patsaman shamurqü. Pipis rasun kaqta musyayta munarqa willakunqäkunatam criyin>>.

38Tsaynö niptinmi Pilato nirqan: <<¡Tsay rasun kaqpä parlanqaykiqa imarä kakunpis!>>

Jesústa crucificayänanpä Pilato mandanqan

Mateo 27.15-31; Marcos 15.6-20; Lucas 23.13-25

Jesústa tapuskirmi despächunpita Pilato yapay yarquskir Israel runakunata nirqan: <<Noqa manam kay runapa ima jutsantapis tarïtsu. 39Qamkuna musyayankim Pascua fiestachö cada wata juk prësuta qarqunqäta. ¿Munayankiku Israel runakunapa mandaqnin reyta qarqunäta?>>

40Tsaynö niptinmi llapan niyarqan: <<¡Jesústaqa ama qarquytsu! ¡Barrabásta qarquy!>>

Barrabásqa Romachö mas mandaq reypa contranmi karqan.

Currently Selected:

Juan 18: qxo

Highlight

Copy