Génesis 28

1Tsaynö niptinmi tsurin Jacobta qayaykur Isaac bendisarnin nirqan: <<Hïju, cananea warmiwanqa ama casarankitsu. 2Padan-aram markaman ayway awiluyki Betuelpa wayinman. Tsaychömi mamaykipa turin Labánpa jipashninkunawan mayqanwanpis casaranki. 3Dios El-Shaddai#28.3 El-Shaddai ninanqa llapanpä poderyuq Dios ninanmi. bendisaykulläshunki tsurikikuna atskaman mirayänanpä y paykunapita miraqkunapis atska nacionkuna kayänanpä. 4Papänï Abrahamta Tayta Dios bendisanqannölla#Gén. 17.4-8. qamtapis y qampita miraqkunatapis bendisaykullätsun. Tsaynöpam kanan jäpanölla taykanqantsik jallqakunapis raqrakunapis qampita miraqkunapä kanqa. Tsaynö kananpämi papänï Abrahamta Tayta Dios awnirqan>>.

5Tsaynöpam Isaacqa tsurin Jacobta Padan-aram markaman despacharqan. Tsaymi tiyun Labánpa wayinman Jacob charqan. Labánqa Rebecapa turin y Betuelpa tsurinmi karqan. Betuelqa arameo runam karqan. Rebecanam Esaúpa y Jacobpa maman karqan.

Esaú yapay warmïkunqan

6Esaúmi musyaskirqan wawqin Jacobman papänin bendicionninta churanqanta y warmita ashinanpä Padan-aramman despachanqanta. Tsaynöllam musyarqan cananea warmita mana warmïkunanpä ninqanta. 7Tsaynöllam musyarqan papänin y maman ninqanta cäsur Padan-aramman Jacob aywakunqanta. 8Tsaynöpam Esaú musyarqan cananea jipashkunata llumtsuyninpä papänin mana munanqanta. 9Tsayta musyaskirmi tiyun Ismael kaqman aywarqan. Ismaelqa Abrahampa tsurinmi karqan. Tsaychönam warminpä ashirqan Ismaelpa warmi tsurin Mahalat jipashta. Tsay jipashqa Nebaiotpa paninmi karqan. Tsaynöpam ishkay cananea warmikunawan taykarpis jananman jukta warmïkurqan.#Gén. 26.34-35.

Bet-elchö Jacobta Tayta Dios yuripunqan

10Beersebapita aywakurmi Haránman aywaq nänipa Jacob aywarqan. 11Tsaynö aywarmi juk partiman charqan. Tsaychö tsakäpakuskirmi rumita jawnakurkur punurqan. 12Sueñuyninchömi rikarqan pampapita ciëluyaq escalëra kaykaqta. Tsaynöllam rikarqan tsay escalërapa Tayta Diospa angelninkuna witsaykaqta y uraykämuqta.#Juan 1.51.

13Tsaynöllam Tayta Diosta escalëra puntanchö ichiraykaqta rikarqan. Paymi nirqan: <<Noqam kä awiluyki Abraham y papäniki Isaac yärakunqan Tayta Dios. Kay punuykanqayki pampatam qamta y qampita miraqkunata entregashä.#Gén. 13.14-15. 14Qampita miraqkunam polvunörä yupaytapis mana atipaypä kayanqa. Tsurikikuna mirarmi maytsaypapis mashtakäyanqa. Qam kaynikipa y qampita miraqkuna kayninpam llapan nación runakunapis bendicionnïta chaskiyanqa.#Gén. 12.1-3; 13.14-15; 15.18-21; 22.16-18; 26.3-5. 15Noqaqa imaypis qamwanmi kaykäshä. Maypa aywaptikipis noqam rikashayki. Maypitapis kay partimanmi kutitsimushayki. Mana qonqaypam qamta llapan awninqäkunata cumplishä>>.

16Punuykanqanpita rikcharkamurmi Jacob nirqan: <<Tayta Diosqa rasunpam kaychö kaykan. Kaychö kanqantaqa manam musyarqätsu>>.

17Tsaymi mantsakashqa nirqan: <<¡Kay sitiuqa sagrädum! ¡Kayqa Tayta Diospa wayin karmi ciëlu punku kaykan!>>

18Tsaka tsakallana shärikuskirnam jawnaranqan rumita señalpä jawirqan. Tsaypitanam Tayta Diosta adorarnin tsay rumi jananman aceitita wiñarqan. 19Ñöpataqa tsay cercanchö markapa jutinmi karqan Luz. Jacobnam tsay markapa jutinta churarqan Bet-el#28.19 Bet-el ninanqa Diospa wayin ninanmi. jutin kananpä.

20Tsaychö Tayta Diosta mañakurmi Jacob nirqan: <<Taytay, kanan aywar alli purimunäpä wallkiykallämay. Mikunäpä y röpata jatikunäpäpis alistapaykallämay. 21Papänïpa wayinman kawaykar kutimuptïqa qamllam Diosnï kanki. 22Kay jawinqä rumim señal kanqa kaychö pïmaypis adorayäshunaykipä. Tayta Dios, llapan bendicionta churamunqaykipitam diezmuta qampä imaypis churamushä>>.

Currently Selected:

Génesis 28: qxo

Highlight

Copy