Éxodo 7

Moiséspa tukrun culebraman tikranqan

1Tsaynö niptinmi Moisésta Tayta Dios nirqan: <<Shumaq wiyamay. Qamtam churarqü Faraónpa puntanchö noqapa trokï parlanaykipä. Wawqiki Aarónnam willakuqniki kar Faraónta parlapanqa. 2Qammi llapan ninqäkunata Aarónta willanki. Paynam Faraónwan parlanqa Israel runakunata nacionninpita dëjapäshunaykipä. 3Tsaynö parlapaptinpis Faraónpa shonqunta chukruyätsiptï manam jukllaqa dëjapäshunkitsu. Mana dëjapäyäshuptikim mantsariypä castïgukunawan Egipto runakunata castigashä.#Hech. 7.36. 4Castigaykaptïpis Faraónqa manam cäsuyäshunkitsu. Tsaymi Egipto runakunata masrä castigarkur kuyanqä Israel runakunata grüpu grüpu jipimushä. 5Israel runakunata tsaynö jipiptïmi Egipto runakuna tantiyayanqa poderyuq Tayta Dios kanqäta>>.

6 Tayta Dios ninqannöllam Moiséswan Aarón aywayarqan Faraónwan parlayänanpä. 7Faraónwan parlanqan witsanmi puwaq chunka (80) watayuq Moisés kaykarqan. Tsaynöllam Aarónpis puwaq chunka kimsa (83) watayuq karqan.

8Tsaypitanam Moisésta y Aarónta Tayta Dios nirqan: 9<<Faraón ima milagrutapis ruranaykipä nishuptikiqa Aarónta ninki tukrunta puntanman jitaykunanpä. Jitaykuptinmi culebraman tikranqa>>.

10Tsaynö niptinmi Moiséswan Aarón aywar Tayta Dios ninqannölla Faraónpa puntanchö llapantapis rurayarqan. Tsaymi Faraónpa y mandar yanapaqninkunapa puntanchö tukrunta patsaman Aarón jitaykuptin culebraman tikrarqan. 11Tsayta rikaykurmi Faraónpis suerti qatiqkunatawan brüjukunata qayatsirqan. Paykunapis Aarón ruranqannöllam rurayarqan. 12Tsaymi tukrunkunata patsaman jitaykuptin culebraman tikrarqan. Tsaychömi Aarónpa tukrun paykunapa tukrunkunata mikuskirqan. 13Tsayta rikaykarpis Tayta Dios ninqannöllam Faraónqa chukru shonqu tikrar Moiséstawan Aarónta cäsurqantsu.

Yawarman yaku tikranqan

14Tsaypitanam Moisésta Tayta Dios nirqan: <<Faraónqa chukru shonquyashqam kaykan. Tsaymi Israel runakunata dëjayta munantsu. 15Waray wäray ayway mayuman Faraón bäñakuq aywaptin tsaychö shuyänaykipä. Tsayman apanki culebraman tikraq tukruykita. 16Faraónwan tinkur ninki: <Hebreo runakunapa#7.16 Hebreo runakunaqa Israel runakunam kayarqan. Tsaymi Moiséspis hebreo runa karqan. Tayta Diosninmi mandamashqa qamta tantiyatsinäpä: <<Kuyanqan runakunatash desiertuman aywar adorayänanpä dëjanki>>.

<< <Tayta Dios tsaynö nimanqanta nikaptïpis kananyaq manam cäsumarquykitsu. 17Kananmi musyanki Tayta Dios pï kanqantapis. Tayta Dios nimanqannöllam kay aptaraykanqä tukruwan mayuta wiruptï yawarman tikranqa.#Apoc. 8.8; 16.4. 18Tsaymi mayuchö pescädukunapis wanur ushakäyanqa. Pasaypa asyaptinmi Egipto runakunapis tsay yakuta melanar upuyanqatsu> >>.

19Mastam Moisésta Tayta Dios nirqan: <<Aarónta ninki tukrunta aptarkur mayukuna, raqrakuna, qochakuna pukyukuna jananpa toqrinanpä. Tsaynöpam llapan yakukuna yawarman tikranqa. Rumipita y qerupita rurashqa yaku churaräkunankunachöpis yawarllanam kanqa>>.

20 Tayta Dios ninqannöllam Moiséswan Aarón llapanta rurayarqan. Tsaymi Faraónpa y mandar yanapaqninkunapa puntanchö Aarónqa mayuta tukrunwan wirurqan. Wiruskiptinmi jinan höra llapan yaku yawarman tikrarqan. 21Tsaymi mayuchö pescädukuna wanuyarqan y mayupis pasaypa asyarqan. Tsaynö asyaptinmi Egipto runakuna tsay yakuta upuyarqannatsu. Egiptuchöqa llapan yaku yawarllanam karqan.

22Tsaynöllam Egiptuchö täraq brüjukunapis yakuta yawarman tikratsiyarqan. Tsayta rikarmi Tayta Dios ninqannölla Moiséswan Aarón niyanqanta Faraón cäsurqantsu. 23Imatapis mana cäsurmi palaciunman Faraón kutirqan. 24Mayu yaku upuyänanpä mana alli kaptinmi Egipto runakuna mayu kuchunkunachö pözukunata uchkuyarqan tsaypitana tsuya yakuta upuyänanpä.

Tsaytsika säpu yurinqan

25Mayuta wirutsinqanpita qanchis junaqtanam

Currently Selected:

Éxodo 7: qxo

Highlight

Copy