SASABANGNGA 36

1I Bezaleel, i Aholiab, wuṛṛu anambon panden manara apan naasomba apande wuṛṛu asingkatta wuassu Mawu, masingkattu sarangkanambone apan pappanduman ipa'ola'a Rasannu Mawu. I mangitou ṛinone ma'ola'a al᷊awo'a ere buatte niparentan Mawu.”

Walahannu Israel nangapiddu manambo aonggola

2I Musa namago si Bezaleel, si Aholiab wuṛṛu anambon taumata apan naasomba apande wuassu Mawu wuṛṛu isai apan naungnge mal᷊uassa massumbala, ana see nandolokki mangitou niapatattaka. 3I Musa nangonggola si mangitou al᷊awo'u sasumbalan taumatan Israel su manara mapararisikku Rasannu Mawu. Arawe walahannu Israel ta'e sidutu sasamba si Musa suapan marua'allo. 4Ana see manga base apan tantal᷊anna mammanara udde 5nabbal᷊o si Musa, “Manga sasumbala apan nionggolu manga taumata udde nilumebete wuassu pappandumanna su manara apan niapamanaran Mawu.”

6Ne i Musa nangal᷊iatate su ahewallu paddasananna manungku wotongngete sasumbala su Rasannu Mawu; nariaddi manga taumata tate nangapiddu apa-apa lai. 7Manga saranapa apan nionggoli mangitou nilumebbe su ipanginsue manara udde.

Manga base na'ola'a Rasannu Mawu

(Sab. 26:1-37)

8Wua'udde iapa apandeanne su wallatu manga base udde na'ola'e Rasannu Mawu. Rasanna udde niola'i mangitou wuassu mapul᷊o ponggo'a mal᷊aṛṛenessa linen al᷊ussa niraddu'u wol ma'elomma, ungu wuṛṛu maṛṛamu, ana see nikarawangu hambarannu mala'ekatta. 9Suapan ponggonge mangke uasul᷊ungnga; al᷊o'engnge mapul᷊o dua su meterene, wuṛṛu al᷊alakke rua metere. 10Lima ponggo'a mal᷊aṛṛenessa isampa'a mabbal᷊i senggotta sambau, wuṛṛu liman ponggo'a waine olaanna aroddi lai. 11Su wiwikku senggota ruan ba'a udde olaanna aainne wuassu mal᷊aṛṛenessa ma'elomma, 12liman pul᷊o aainne su senggota sambau, na'oman sara ellehanna sampare. 13Ana see niola'a liman pul᷊o aaitta wul᷊awanna ipanampa'u senggota darua udde.

14Wua'udde i mangitou na'ola'a atuppu Rasanna udde wuassu mapul᷊oassa mal᷊aṛṛenessa wuassu wambul᷊un ambingnga. 15Suapan wageangnge uasul᷊ungnga uuṛṛanne, al᷊o'engnge mapul᷊o tallu su meterene wuṛṛu al᷊alakke darua su meterene. 16Liman kawageanganna isampa'a mabbal᷊i senggota sambau, wuṛṛu annumu wageangnge waine olaanna aroddi lai. 17Liman pul᷊o panampeanne nipase su wiwikku senggotta pa'arorone wuṛṛu liman pul᷊o panampeanne su wiwikku senggotta aruane. 18Ana see na'ola'a liman pul᷊o aaitta wuassu witu'a ipaṛṛaiddu senggota udde mabbal᷊i atuppu Rasanna. 19Wua'udde na'ola'a darua tataappu Rasanna, sambau wuassu pisin domba esakka wuṛṛannu maṛṛamu, wuṛṛu waine wuassu pisi al᷊ussa.

20Ana see i mangitou na'ola'a manga salaba'ukku Rasanna apan uapasi'a matul᷊idda wuassu alu akasia. 21Suapan salaba'ukka atanggakke appatu metere wuṛṛu al᷊alakke annummu pul᷊o annumma sentimetere. 22Suapan salaba'ukka na'ola'a darua pati'anna apan uapapare, na'oman sara manga salaba'ukka udde wotongnge iasampa'a sambau ringannu waine. 23Su wageangngu timukku Rasanna na'ola'a ruan pul᷊o salaba'ukka, 24ringannu appatu pul᷊o apampakke wuassu sal᷊a'a, darua su al᷊ungngu sambau salaba'ukka su pati'anna darua. 25Su wageangngu sawannaku Rasanna na'ola'a ruan pul᷊o salaba'ukka, 26ringannu appata apampakke wuassu sal᷊a'a, darua su al᷊ungngu suapan salaba'u. 27Su liuddu Rasanna samba'an baṛṛatta, na'ola'a annumma salaba'u 28wuṛṛu salaba'u darua iaddo su wuune. 29Manga salaba'an buune udde isampa'a su leddane sara su wageangnge al᷊iu rosone. Salaba'u darua naola'a wuune niola'a ringannu olangnge aroddi. 30Nariaddi sarangkanambone pia ual᷊u salaba'u ringannu mapul᷊o annumma apampakke sal᷊a'a, darua su al᷊ungngu salaba'ukka sambau.

31Ana see i mangitou na'ola'a mapulo l᷊ima alu wawarene wuassu alu akasia, lima su manga salaba'ukka su sambau sandiṛṛannu Rasanna, 32lima lai su sandiṛṛanne waine, wuṛṛu lima lai su liuddu Rasanna samba'an baṛṛatta. 33Alu wawarene su tangnganne, nipasi'a atanggake mal᷊oara wuassu salaba'ukka, wuassu pentakke maddatingngu pentakku Rasanna udde. 34Salaba'ukka Rasanna wuṛṛu manga alu wawarene udde nioosannu wul᷊awanna, see nipasannu manga hal᷊angnga wul᷊awanna ipanaṛṛangnga manga alu udde.

35I mangitou na'ola'a pampelen ngara wuassu linen al᷊ussa apan niraddu'a ringannu wol ma'elomma, ungu wuṛṛu maṛṛamu, ana see nikarawangu hambarannu mala'ekatta. 36Tadea'u ipangelen mal᷊aṛṛenessa udde olanna appata diṛṛi wuassu alu akasia apan aoosannu wul᷊awanna ringannu aaitta wul᷊awanna wuṛṛu nipase su wowon appata apampakke sal᷊a'a. 37Ana see niola'a darandungnga su ngaran Dasanna wuassu linen al᷊ussa apan niraddu'u wol ma'eloma, ungu wuṛṛu maṛṛamu wuṛṛu nilogakku hambaranna. 38Su pampele ngara udde niola'a liman bau diṛṛi apan nisampa'a niapaa'aitta. Manga pentakke wuṛṛu manga sasampangnge su lima diṛṛi udde nioosannu wul᷊awanna, ewe'e lima apampakke niola'a wuassu witu'a.

Currently Selected:

SASABANGNGA 36: LAITLD

Highlight

Copy