SASABANGNGA 25
25
Aonggolla su Rasannu Mawu
(Sab. 35:4-9)
1 Mawu nabbisara si Musa, 2“Doloṛṛa'e taumatan Israel mangapiddu sasamba si Ya'u. Isai apan niumal᷊ore naungnge, ṛinone mangapiddu sasamba 3ereinai: wul᷊awanna, sal᷊a'a wuṛṛu witu'a; 4mal᷊aṛṛenessa linen al᷊ussa, mal᷊aṛṛenessa wol ma'elomma, ungu wuṛṛu maṛṛamu, mal᷊aṛṛenessa wuassu pisin ambinga, 5pisin domba esakka apan niwuṛṛannu maṛṛamu, pisi al᷊ussa, wuṛṛu alu akasia, 6lanan sol᷊o, rampa-rampa maola'a lanan daramea wuṛṛu hunan dupa apan mawangngi, 7al᷊awotu hatin batu permata ireetta su laubbu imam wuṛṛu lal᷊indumma ro'on Imam Bahewa. 8Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou. 9Rasanna wuṛṛu manga aolangnge ṛinone olaanni mangitou tumuṛṛuttu olangnge apan sarun iapaasingkatta si'o.”
Wantallu Pa'aire
(Sab. 37:1-9)
10“Pa'ola'e sambau wantalla wuassu alu akasia al᷊o'engnge 110 sentimetere, al᷊alakke wuṛṛu atanggakke sambau-sambau 66 sentimetere. 11Wageangngu lal᷊umme wuṛṛu liudde oossu wul᷊awanna tutune wuṛṛu ola'ete bingkene wuassu wul᷊awanna. 12Su alu papasannane, ola'ete hal᷊angnga wul᷊awanna appata wuṛṛu aita'a su leddane appata, hal᷊angnge pattaṛṛa darua su sandiṛṛanne. 13Pa'ola'e lai papasannane wuassu alu akasia wuṛṛu pi'unnu wul᷊awanna, 14ana see sutta'a alu papasanna udde sulal᷊ummu hal᷊angnge suapan sandiṛṛannu wantalla udde. 15Alu papasannane udde ṛinone sidutu uasuṛṛi sulal᷊ummu manga hal᷊angnga, wuṛṛu tawe wotongnge iapasabangnga. 16Ana see sulal᷊ummu wantalla udde ṛinone iaddonu watu darua ringannu manga tittita apan sarun Ta'u ionggolla si'o.
17Wantalla udde ola'ete lal᷊aamme wuassu wul᷊awanna tutune, al᷊o'engnge 110 sentimetere wuṛṛu al᷊alakke 66 sentimetere. 18Pa'ola'e darua mala'ekatta wuassu wul᷊awanna nisassala, 19sambau suapan pentakku lal᷊ubbu wantalla udde. Mala'ekatta darua udde ṛinone olaanna uaṛṛaitta sambau ringannu lal᷊u'umme, 20wuṛṛu olaanna uasasaruanna ringannu papaidda apan uasiappaka su wantalla udde. 21Addoa'e watu darua sulal᷊ummu wantalla udde wuṛṛu paseiten lal᷊uube rosone. 22Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”
Medda pangadoannu roti annananna
(Sab. 37:10-16)
23“Pa'ola'e sambau medda wuassu alu akasia al᷊o'engnge 88 sentimetere, al᷊alakke 44 sentimetere, wuṛṛu atanggakke 66 sentimetere. 24Pi'unten bul᷊awanna tutune wuṛṛu pasea'a sambau bingke wul᷊awanna pamal᷊iwuta'a. 25Wiwikku medda al᷊alakke 7,5 sentimetere wuṛṛu passaranne ola'a wuassu wul᷊awanna uapal᷊iwutta winggine udde. 26Pa'ola'e appata hal᷊angnga wuassu wul᷊awanna wuṛṛu suṛṛia'a su wuune appatta su leddane, maranin binggine. 27Hal᷊angnga udde ipanaṛṛangnga alu papasannane tadea'u medda udde wotongnge iapasanna. 28Alu papasannane udde ṛinone olaanna wuassu alu akasia wuṛṛu lapisannu wul᷊awanna. 29Pa'ola'e lai manga lama'a, manga mangko, manga wensada wuṛṛu manga mangko pangadoannu sasamba ua'en anggore. Saranapa sarangkanambone wuassu medda udde ṛinone olaanna wuassu wul᷊awanna tutune. 30Medda udde ṛinone iaddo su saruannu Wantallu Pa'aire, wuṛṛu su wowon medda udde ṛinone sidutu uaraddo roti annananna.”
Leddan sol᷊o
(Sab. 37:17-24)
31“Pa'ola'e leddan sol᷊o wuassu wul᷊awanna tutune. Apampakke wuṛṛu pangagasanne ṛinone olaanna wuassu wul᷊awanna nisassala; manga bunga lal᷊ogakke, nasutta lai lal᷊uwone wuṛṛu sasabangannu wungane ṛinone iṛṛaitta sambau ringannu apampakke wuṛṛu pangagasanne. 32Su pangagasanne udde ṛinone olaanna annumma pengane, pengane tatallu suapan sandiṛṛanne. 33Suapan pengane ṛinone olaanna hambarannu tatallu wunga badam ringannu lal᷊uwone wuṛṛu sasabanganne. 34Su pangagasanne ṛinone olaanna hambaranna appata bunga badam ringannu lal᷊uwone wuṛṛu sasabanganne. 35Su wowane suapan sampare pengane udde ṛinone olaanna sambau lal᷊uwone. 36Anambon leddan sol᷊o udde ringannu manga lal᷊uwone wuṛṛu manga pengane ṛinone olaanna wuassu sambau potottu wul᷊awanna tutune nisassala. 37Pa'ola'e pitu sol᷊o su leddan sol᷊o udde wuṛṛu addoa'e paapia-pia tadea'u semakke manawo su saruanna. 38Pa'ola'e wawaresi nanal᷊i ara'e sumbun sol᷊o wuṛṛu pangangadoanne lai wuassu wul᷊awanna tutune. 39Paata'e tallun pul᷊o lima su kilone wul᷊awanna tutune ipa'ola'a sol᷊o udde ringannu al᷊awo'u saranapane. 40Paariagaite tadea'u leddan sol᷊o udde ola tumuṛṛuttu tul᷊adda apan nipasingkatta si'o su puiddu wowone udde.”
Currently Selected:
SASABANGNGA 25: LAITLD
Highlight
Share
Copy
Want to have your highlights saved across all your devices? Sign up or sign in
