O KEJADIAN 9
9
Ma Jou Madutu deĘĽ o Nuh manga jaji
1 #
Kej. 1:28
Ma Jou Madutu wahibarakati o Nuh deʼ aingoha-ngohaka deʼ wätemo, ”Ningohaka deʼ nidanongo nimawoë-woe, hupaya nia difauku yogogere o dunia yamode-modekika. 2Hagala o totaleo deʼ o nawoko deʼ o aiwani mahomoaohi aha inimodongo ngonaika. Onanga mata-mata naga ani kuaha magoronaka. 3Mata-mata gënanga yakunu idadi ani inomo. 4#Im. 7:26-27, 17:10-14, 19:26; Ul. 12:16, 23, 15:23 Duga-duga moi nënanga yakunua nia ol̄omo ganga o hiode ma akeme kanagaohi dema awunuka, hababu o jiwa gënanga naga o awunu magoronaka. 5Moi-moi o nyawa deʼ o aiwani yätoma-toma o nyawa aha Tahukumu yohonenge. 6#Kej. 1:26; Kel. 20:13 O nyawa Tahidadi hokä Ngohi; hababu gënanga, onagona honanga yätoma o nyawa ünangö mahirete aha o nyawa iwi toma.
7 #
Kej. 1:28
I goungu ngini kokiani ningohaka deʼ nidanongo nimawoë-woë, hupaya niadifauku yogogere o dunia yamode-modekika.”
8Ma Jou wätemo o Nuh deʼ aingoha-ngohakika, 9”O öraha nënanga Todiai ahi jaji dede ngini deʼ nia difauku, 10dede hagala o dodadi iwö wango-wango, enagënanga o totaleo-o totaleo deʼ mata-mata o aiwani o dudungoka, i goungu mata-mata ihupu-hupu o kapaino gënanga kamamoi dede ngini. 11Nenanga ahi jaji dede ngini: Ngohi tojaji hagala iwöwango-wango aha tabinahaokaua deʼ o taufani. Aha kowalioka naga o taufani yabobinaha o dunia nënanga. 12Hokä o jaji ikokakali manonako, Tadodiai dede ngini de hagala ododadi iwöwango-wango, 13done Takelenga Ahi ngawatoro olobi-lobioka hokä ma nonako Ahi jaji deʼ o dunia. 14Ma moi-ma moiani, nako Ngohi tatamunu odihanga deʼ olobi, daha o ngawatoro gënanga niamake, 15Ngohi aha tohininga Ahi jaji nginika deʼ hegala o dodadi iwöwango-wangoika, enagënanga o taufani aha yabinahaokaua hagala iwöwango-wango. 16O öraha o kia o ngawatoro nia make o lobi-lobioka, Ngohi aha tolega deʼ tomahininga Ahi jaji ikokakali gënanga Ngo hi deʼ hagala o dodadi iwö wango-wango o dunia nënanga mahidogoronaka. 17Genanga doka Ahi jaji manonako Tohi döa-döaka hagala o dodadi iwöwango-wangoika o duniaka.”
O Nuh deĘĽ aingoha-ngohaka
18O Nuh ai ngoha-ngohaka yohupu-hupu o kapaino gënanga ganga o Sem, o Yafet deʼ o Ham. (O Ham ganga o Kanaan ai ama.) 19Yaruangeö o Nuh aingohaka gënanga ganga mata-mata o nyawa o duniaka manga ete deʼ manga tohora.
20O Nuh o nyawa moi wototumule, deʼ geunanga doka madodihiraka wodiai o angguru madumule. 21O Nuh ai angguru waokere iböto, ünanga iwidaluku. Wahuputu hagala ai pakeanga daha womä iduoka kaihekonoka ai tau-tau magoronaka. 22Maöraha o Ham, enagënanga o Kanaan ai ama, wimake ai ama kaihekonoka, ünanga wohupu deʼ wohingahu o hali gënanga ai riadodoto yahinotoika. 23Ipaha o Sem deʼ o Yafet yal̄e moi o juba deʼ yarefeika manga belekaka. Onanga yotagi imadohuku yöwohama o tau-tau gënanga deʼ iwi korobiti manga ama woheko-hekonoka gënanga. 24O Nuh iwi daluku ipahaino womamao deʼ wohiöriki okia wadodiai aingohaka madodoto ai dirika, 25ünanga wotemo,
”Wo bodito o Kanaan!
Unanga aha wodadi o gilaongo iwi hikokauku ai riadodotino.
26Niwi higiriri ma Jou o Sem ai Jou Madutu!
O Kanaan aha wodadi o Sem ai gilaongo.
27Tanu ma Jou Madutu wodogo o barakati o Yafetika de wo dogo ma amokika ai ngï wogögogere.
Tanu ai difauku yogogere kamamoi deĘĽ o Sem ai difauku.
O Kanaan aha wodadi o Yafet ai gilaongo.”
28O taufani gënanga ipaha, o Nuh kawowangohi o taongo o ratuhu hange deʼ moritoahi. 29Unanga wohonenge ai umuru o taongo o ratuhu hiwo deʼ moritoa.
Currently Selected:
O KEJADIAN 9: TLB
Highlight
Share
Copy
Want to have your highlights saved across all your devices? Sign up or sign in
