O KEJADIAN 5
5
O Adam aidifauku
(1Taw. 1:1-4)
1 #
Kej. 1:27-28
Nenanga o Adam aidifauku manga roma-romanga. [Maöraha ma Jou Madutu wohidadi o nyawa, wahidadi önanga hokä ma Jou Madutu mahirete. 2#Mat. 19:4; Mark. 10:6 Wahidadi önanga o nauru deʼ ongoheka. Wahibarakati önanga deʼ wahi romanga önanga ”O nyawa”.] 3Maöraha o Adam ai umuru o taongo o ratuhu moi deʼ moruange ünanga wamake o ngohaka o nauru hokä imatero de ai rupa, daha wihi romanga o Set. 4Iböto gënanga o Adam wowangohi o taono o ratuhu tufange ohi deʼ wamake o ngoha-ngohaka ma homoahi. 5Unanga wohonenge ai umuru o taongo o ratuhu hiwo deʼ moruange.
6Maöraha o Set ai umuru o taongo o ratuhu moi deʼ motoa ünanga wamake o ngohaka o nauru, ai romanga o Enos. 7Iböto deʼ gënanga o Set kawowangohi o taongo o ratuhu tufange deʼ tumidohi deʼ wamake o ngoha-ngohaka mahomoa. 8Unanga wohonenge ai umuru o taongo o ratuhu hiwo deʼ ngimoi de hinoto.
9Maöraha o Enos ai umuru o taongo morihiwo, ünanga wamake ngohaka o nauru, ai romanga Kenan. 10Iböto gënanga o Enos kawowangohi o taongo o ratuhu tufange deʼ ngimoi deʼ motoahi deʼ wamake o ngoha-ngohaka mahomoa. 11Unanga wohonenge ai umuru o taongo o ratuhu hiwo deʼ motoa.
12Maöraha o Kenan ai umuru o taongo moritumidi, ünanga wa make o ngohaka o nauru, ai romanga o Mahalaleel. 13O Kenan kawowangohi o taongo o ratuhu tufange deʼ moruatohi deʼ wamake o ngoha-ngohaka mahomoa. 14Unanga wohonenge ai umuru o taongo o ratuhu hiwo deʼ ngi moi.
15Maöraha o Mahalaleel ai umuru o taongo moributanga deʼ mo toa ünanga wamake o ngohaka o nauru ai romanga o Yered. 16Iböto gënanga o Mahalaleel kawowangohi o taongo o ra tuhu tufange deʼ moruangeohi deʼ wamake ngoha-ngohaka mahomoa. 17Unanga wohonenge ai umuru o taongo o ratuhu tufange deʼ morihiwo deʼ motoa.
18Maöraha o Yered ai umuru o taongo ratuhu moi deʼ mori butanga deʼ hinoto, ünanga wamake o ngohaka o nauru ai romanga o Henokh. 19I bö gënanga o Yered kawowangohi o taongo o ratuhu tufangeohi deʼ wamake o ngoha-ngohaka mahomoa. 20Unanga wohonenge ai umuru o taongo o ratuhu hiwo deʼ moributanga deʼ hinoto.
21Maöraha o Henokh ai umuru o taongo moributanga deʼ motoa, ünanga wamake o ngohaka o nauru ai romanga o Metusalah. 22Iböto gënanga o Henokh wowango o rimoi magoronaka deʼ ma Jou Madutu madekana o taongo o ratuhu hange, ünanga wamake o ngoha-ngohaka mahomoa, 23deʼ wakunu ai umuru o taongo o ratuhu hange deʼ moributanga deʼ motoa. 24#Ibr. 11:5; Yud. 14 Karana o Henokh salalu ima dodiawo deʼ ma Jou Madutu, ünanga womahihanga karana ma Jou madutu wï l̄ë.
25Maöraha o Metusalah ai umuru o taongo o ratuhu moi deʼ moritufange deʼ tumidi, ünanga wamake o ngohaka o nauru, ai ro manga o Lamekh. 26I böto gënanga o Metusalah kawowangohi o taongo o ratuhu tumidi deʼ moritufange deʼ hinotohi deʼ wamake o ngoha-ngohaka mahomoa. 27Unanga wohonenge ai umuru o taongo o ratuhu hiwo deʼ moributanga deʼ hiwo.
28Maöraha o Lamekh ai umuru o taongo o ratuhu moi deʼ moritufange deʼ hinoto, ünanga wamake o ngohaka o nauru. 29O Lamekh wotemo, ”Ngohaka nënanga wohi hidöaka o muguwini maöraha ngone homanarama ikuata hakarajanga otonaka ma Jou walololai.” Karana gënanga o Lamekh wihiromanga o ngohaka gënanga o Nuh. 30Iböto gënanga o Lamekh kawowangohi o taongo o ratuhu motoa deʼ morihiwo deʼ motoali. 31Unanga wamake o ngoha-ngohaka mahomoa deʼ wohonenge ai umuru o taongo o ratuhu tumidi deʼ moritumidi deʼ tumidi.
32O Nuh ai umuru o taongo o ratuhu motoa i böto, ünanga wamake o ngohaka o nauru yaruange, enagënanga o Sem, o Yafet deʼ o Ham.
Currently Selected:
O KEJADIAN 5: TLB
Highlight
Share
Copy
Want to have your highlights saved across all your devices? Sign up or sign in
