YouVersion Logo
Search Icon

KAL᷊AL᷊AHE 7

7
Mahasu pa u pul᷊o pa suhiwunge umat u Israel
1 # Yer. 49:36; Dan. 7:2; Za. 6:5 Bou e'e ia nakawua mal᷊aikati paukatau kararisi su pa u wuku ngu dunia. I sire nanahang kapau anging su dunia tadeau kumbahang pia anging ko tumiu su rul᷊unge arako su l᷊auri, arako su koto u manga kau. 2Bou e'e ia nakawua singkatau mal᷊aikati ko wal᷊inge nasumupu su simbuka ngu raki. I sie numbawa segeli bou Mawu Ruata ko wiahi. Dingang u tingihi ko mauha mal᷊aikati e'e nukui pa mal᷊aikati ko seng nakarea kawasa pundusa rul᷊unge l᷊au u l᷊auri. 3#Yeh. 9:4, 6Malaekati e'e nangul᷊i, “Hindoko horo munggoghahi rul᷊unge arako l᷊auri, arako manga kau, boko i kami mborong ta mangonggo u tatia segeli su ruhu u manga l᷊ang u Mawu Ruata ngi kite.” 4Bou e'e ia nihabareng uare pia 144.000 kaul᷊i u taumata ko seng nionggol᷊ang u segeli tatia bou Mawu Ruata su ruhu i sire. Manga taumata e'e nial᷊a bou suku ngu Israel mapul᷊o dua; 5Bou apang suku 12.000 sukataunge. Ko bou suku i Yehuda, i Ruben, i Gad, 6i Asyer, i Naftali, i Manasye, 7i Simeon, i Lewi, i Isakhar, 8i Zebulon, i Yusuf dang i Benyamin.
L᷊auru taumata ko takoae sihinge ul᷊ie
9Bou e'e ia nakawua sau, boue nikawua l᷊auru taumata ko takoaesihinge ul᷊ie – takoae sarang singkatau ko nakarekeng ul᷊ie. I sire e'e ko manga taumata bou apang bangsa, suku, wanua, l᷊au bahasa. Dingang u juba ngi sire ko mawira dang dingang u kapuhinggonge manga kal᷊upangu patuku su l᷊ima ngi sire. Taumata maul᷊i e'e kararisi su saruang u kararatuang dingang u su saruang u Ahusu u Domba e'e. 10Bou e'e dingang u tingihi mauha i sire nuhabari, “Kasasal᷊amati kite sasongo nge bou Mawu Ruata ngi kite, ko kakangiang su kararatuang, dang bou Ahusu u Domba e'e!” 11Kaul᷊i u mal᷊aikati kararisi nul᷊iku kararatuang dang manga pangaha dang niriadi pa e'e. Apang mal᷊aikati e'e nusuba su saruang u kararatuang bou e'e nanumba Mawu Ruata. 12I sire nuhabari, “Aming! Pudalote Mawu Ruata ngi kite ko l᷊abo dingang u mapilesa. I sie hinonge manarima u tatarima kase l᷊au adati. I Sie makawasa dang matoghasi sarang panginsuenge! Aming.”
13Singkatau bou tal᷊oara u manga pangaha e'e nukina si sia, “Apang taumata ko dingang u juba mawira i'i, i sai i sire dang bou apa i sire sumongo?”
14 # Dan. 12:1; Mat. 24:21; Mrk. 13:19 “Ia wugha, Tuang. I Tuang sisane matitong,” sasimbahiku.
Kuteu i sie nangul᷊i si sia, “I sire i'i manga taumata ko seng nasal᷊amati bou tempo ngu pamamahang ko l᷊abo. I sire seng nanguhasi juba ngi sire dang nipakawira ngu raha ngu Ahusu u Domba e'e. 15E'e sabapie i sire kararisi su saruang u kararatuang u Mawu Ruata, dang mukal᷊iomaneng si Sie l᷊ou huwi su l᷊al᷊ung u Wal᷊e-Ngu Mawu Ruata. Dang I Sie ko kakangiang su kararatuang e'e sarung ene dingang i sire tadeau manirung si sire. 16#Yes. 49:10I sire ta sarung l᷊ai makapundang mahutung arako marou; matangutiti arako napal᷊iu titie ta sarung makatutung si sire, 17#Mzm. 23:1, 2; Yes. 25:8, 49:10; Yeh. 34:23watu u Ahusu u Domba kakangiang su tal᷊oara u kararatuang e'e sarung makoa gembala ngi sire. I Sie sarung manata si sire sarang mata ngu ake ko mangonggo u puwawiahi. Dang Mawu Ruata sarung mangumu kaul᷊i u ake u mata bou mata ngi sire.”

Currently Selected:

KAL᷊AL᷊AHE 7: LAISXN

Highlight

Share

Copy

None

Want to have your highlights saved across all your devices? Sign up or sign in