KAL᷊AL᷊AHE 10
10
Malaekati l᷊au u rul᷊ung u Buki ko dio
1Bou e'e ia nakawua singkatau mal᷊aikati ko wahani ko wal᷊inge nul᷊umintu bou sorga. I sie nipikung u winawa, dang simbau rindipahi nul᷊iku timbo e. Pahese nukumerong kere matangutiti, dang l᷊aere kere rihi ngu patung. 2Su l᷊ima nge pia simbau rul᷊ung u buki ko dio ko kawawingkahi. L᷊aeri kuaneng e matatoto su l᷊auri dang l᷊aere ko kuihi matatoto su rul᷊ung e. 3Bou e'e i sie nukumiha dingang u tingihi ko mauha l᷊au makatataku kere tingihu manga singa. Su apang mal᷊aikati e'e nukimiha rul᷊u pitu nanimpal᷊u ghal᷊udu e mauha. 4Suapang rul᷊u pitu e'e nughumal᷊udu, kao ku daku bohekang, kateho ia nakaringihi tingihi bou sorga nangul᷊i, “Karumasite apang ko nihabaru rul᷊u pitu e'e; kumbahang mamohe e'e!”
5 #
Kel. 20:11; Ul. 32:40; Dan. 12:7; Am. 3:7 Bou e'e mal᷊aikati ko daku nikawua kararisi su l᷊auri dang su l᷊al᷊unge e'e nuhengke l᷊imange kuaneng sarang l᷊angi. 6I sie nutewa suareng u Mawu Ruata ko wiahi sarang kal᷊iwuenge, ko nukoa langi, dunia dang l᷊auri dingang u kaul᷊i u tatahoe. Malaekati e'e nangul᷊i, “Temponge seng ta i kasoho l᷊ai! 7Kateho bou mal᷊aikati kapitunge seng mutiu tarompete, Mawu Ruata sarung muparal᷊eng u kirou rahasia-Nge, musul᷊ung u kere ko nihabar-E su manga l᷊ang-E, e'e ko i sire manga nabi-Nge.”
8 #
Yeh. 2:8–3:3
Bou e'e tingihi ko seng daku nikarangihi bou sorga e'e, sau nangul᷊i si sia. I sie nuhabari, “Tamaite pangal᷊a l᷊ul᷊ung u buki ko kawawingkahi su l᷊ima ngu mal᷊aikati ko kararisi su l᷊auri dang su rul᷊unge e'e.” 9Kuteu ia natamai sarang koa u mal᷊aikati e'e dang nundo tadeau i sie mangonggo u rul᷊ung u ko dio e'e si sia. I sie nangul᷊i, “Al᷊ate dang kangte i'i. Su l᷊al᷊ung u tiangu i sie sarung makoa mapai, kateho su l᷊al᷊ung u mohong u i sie matihi musul᷊ung u madu.”
10Ia nangal᷊a rul᷊ung ko dio e'e bou l᷊imang e, boe nikang ku. Su mohong temange kere madu, arawe suapang daku nil᷊u su l᷊al᷊ung u tiang i sie nakoa ko mapai. 11Bou e'e ia niparentang, “Kekeko paghisa l᷊ai habaru Mawu Ruata bou hal᷊iu manga bangsa, manga wanua, manga bahasa, dang manga ratu.”
Currently Selected:
KAL᷊AL᷊AHE 10: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
