MATIUS 18

I sai ko kal᷊abokange?

(Mrk. 9:33-37; Luk. 9:46-48)

1 # Luk. 22:24 Su tempo e'e manga tumatuhu I Yesus nusumongo si Sie dingang u nukina, “I sai ko tuhungang kal᷊abokange su tal᷊oarau umat u Mawu Ruata?”

2I Yesus nukumui singkatau ana kodio, dang niparari si-E su tingo ngi sire. 3#Mrk. 10:15; Luk. 18:17Bou e'e I Yesus nangul᷊i, “Pangimangte! Kitang boko ikumu muwal᷊u mutingkakoa kere manga rario, i kumu sarung makoa umat u Mawu Ruata. 4Taumata ko mutingkasana u watangenge dang mutingkakoa kere ana i'i, i sie e'e kal᷊abokange su tal᷊oara u umat u Mawu Ruata. 5Dang taumata ko manarima mangarario kere i'i, ual᷊ingu Ia, musul᷊ung u nanarima si Sia.”

Manga hal᷊i ko makakoa taumata mukoa dosa

(Mrk. 9:42-48; Luk. 17:1-2)

6“I sai ko makakoa singkatau bou tal᷊oarau manga rario i'i sarang ta mangimang si Sia, mapiang i sie ikitang watu ngu gilimang su l᷊ehie bou e'e i wontol᷊i sul᷊auri ko biru. 7Wal᷊inge gampang silaka u dunia i'i ual᷊ingu manga hal᷊i ko makakoa dosa su taumata. Hal᷊i kiri i mang pia sintinia, kateho silaka su taumata ko makakoa sabapie!

8 # Mat. 5:30 Boko l᷊imangu arako l᷊aeru makakoa dosa si kau poto e dang rume'e. Mapiang i kau muwiahi dingang u Mawu Ruata takoae l᷊ima arako l᷊aeri simbuka, l᷊umiaghu dingang u l᷊ima l᷊au l᷊aeri duambuka bou e'e i kau i rume su naraka. 9#Mat. 5:29Dang boko matangu makakoa dosa si kau, l᷊oie matae dang rume'e. Mapiang i kau muwiahi dingang u Mawu Ruata takoae mata simbuka, l᷊umiaghi dingang u mata duambuka bou e'e i kau i rume su naraka.”

Papinintu domba ko nailang

(Luk. 15:3-7)

10“Pakaingati! Kumbahang muhinakang singkatau bou tal᷊oara u manga rario kodio i'i. Watu u putinaungte, manga malaekat i sire sintinia mupasaruang I Yamang-Ku su sorga.

[11#Luk. 19:10Watu u Ahusu Taumata ruminta tadeau manal᷊amati taumata ko napal᷊iri!]

12Kirapa su titong i kumu? Boko pia singkatau taumata ko pia domba nge mahasu, bou e'e nikailangengu simbau bou manga domba nge e'e, apa sarung koateng u tau e'e? Nal᷊ahe i sie mang manintang domba nge sio mpul᷊o sio e'e su wul᷊ure, bou e'e rumal᷊eng mundea ko nailang e'e. 13Boko domba simbau e'e sau i kareae – pangimangte Sia – i sie nangilembo l᷊umiaghu domba simbau e'e bou domba sio mpul᷊o sio ko wal᷊inge ko tana ilang e'e. 14Kere'e l᷊ai I Yamangu#18:14: I Yamangu: pirambau wohe horo: I Yamang ku su sorga mandi boko pia singkatau bou tal᷊oarau ko wuhue mangimang si Sia i'i mapal᷊iri.”

Boko ana u singkatau ngu nubardosa

15 # Luk. 17:3 “Boko ana u singkataungu musal᷊a su tingo ngu,#18:15: Su l᷊al᷊ung u pirambau wohe horo takoae: su tingo ngu tamai ko sarang koae'e, bou e'e tibo ko sal᷊ange. Koa ko e'e pakarumasi, piangete i ruaha. Boko i sie tumuhu wisara ngu, kute i kau seng sau nakarea ana u singkatau ngu e'e. 16#Ul. 19:15Arawe boko ta, pamaringang ko l᷊ai singkatau arako duangkatau. Watu u su l᷊al᷊ungu Buki Susi pia kawawohe, ‘Mutingkadio pia darua arako tilung katau saksi reakeng tadeau mupakal᷊ahe u singkatau e'e ko mang tingari nunsal᷊a.’ 17Boko i sie ta manarima tughu ngi sire, pakatitongte su jamaati. Dang panginsuenge, boko i sie mandi manarima tughu ngu jamaati, rekeng i sie kere mananuntu balasteng dang singkatau ko wugha ngu Mawu Ruata.”

Apang ko i larang l᷊au ko i puhino

18 # Mat. 16:19; Yoh. 20:23 “Katitongte: Apang ko ilarang i kumu su dunia, mang l᷊ai ilarang su sorga. Kere'e l᷊ai apang ko ipuhino ngi kumu su dunia i'i, mang l᷊ai i puhino su sorga.

19Dang katitongte l᷊ai: Boko su tal᷊oara i kumu su dunia i'i pia duang katau singgighili su kaul᷊i u hal᷊i dang mukal᷊iomaneng u hal᷊i e'e, kakal᷊iomaneng e'e mang sarung i tarima I Yamang-Ku su sorga. 20Watu u suapa pia darua arako tilung katau mukomol᷊i ual᷊ingu Ia, Ia ene su se'e dingang i sire.”

Papinintu l᷊ang ko mandi munggile ampunge su taumata

21 # Luk. 17:3-4 Bou e'e i Petrus nuruminta sarang koa I Yesus dingang u nukina, “Tuang, boko tuari ku nunsal᷊a si sia, sarang pakapira ia mambeng munggile ampunge si sie? Manga paka pitu?”

22I Yesus nusumimbahi, “Ta, wal᷊inge we kitang paka pitu, kateho paka pitumpulo paka pitu su sulenge!#18:22: pitumpul᷊o nikali paka pitu: arako pitumpul᷊o paka pitu. 23Watu u boko Mawu Ruata mamarenta, kakakoae musul᷊ung u papinintu i'i: Singkatau ratu mo murarekeng utangu manga l᷊ange. 24Su tempo ngi sie nanita nurarekeng, pia singkatau l᷊ang ko nangutang jutange nipupasaruang si sie. 25Dang tanakawaehi. Ratu e'e nuparenta tadeau l᷊ange e'e pakiwal᷊u singkawal᷊u dingang u ana l᷊au kawinge, dang kaul᷊i u rarotonge tadeau pamaehi utange. 26L᷊ang e'e nusuba su tingo ngu ratu e'e, dingang u nukahioro, ‘Tuang, pusabari ko su l᷊angu. L᷊angu sarung mamaehi kaul᷊i u utang e'e.’ 27Ratu e'e nukumindaghi si sie, hakiu i sie nangumu kaul᷊i u utange.

28Su tempo l᷊ang e'e nusumuwang, i sie nusugha u ghawenge, singkatau l᷊ang l᷊ai ko pia utange si sie pira hiwu. I sie naname ghawenge e'e, nikile'e, dang nangul᷊i, ‘Waehe kaul᷊i u utangu!’ 29Ghawenge e'e nusuba sutingo nge apiru nundo, ‘Sabari ko horo tau, kaul᷊ie sarung daku waehang!’ 30Kateho l᷊ang e'e nanolaki. Bou e'e, i sie katewe nupasu si sie su l᷊al᷊ungu tutupang sarang i sie mamaehi utange. 31Suapang manga l᷊ang kowal᷊inge nakawua apang ko nariadi e'e, naung i sire nasusa dang dingang nangalaki su ratu. 32Ratu e'e nukumui l᷊ang ko dal᷊ai e'e dingang nangul᷊i si sie, ‘I kau l᷊ang ko dal᷊ai! Kaul᷊iu utangu seng daku nimu kitang ual᷊ingu i kau nundo si sia. 33Walinge we i kau l᷊ai mambeng pu kumindaghi su ghawengu musul᷊ungu ia l᷊ai seng nukumindaghi si kau?’ 34Ratu e'e nuwawal᷊uang dal᷊ai-l᷊ai. L᷊ang dal᷊ai e'e nipasue su l᷊al᷊ungu tutupang sarangi sie nakawaehi utange.”

35I Yesus nanginsue wuke-Nge dingang u didato i'i, “Kere'e l᷊ai I Yamang-Ku su sorga sarung mukoa si kumu singkatau-singkatau, boko i kumu ta munggile u ampunge su ana u singkatau dingang u naungu matulasi.”

Currently Selected:

MATIUS 18: LAISXN

Highlight

Copy