WUKE NGU MANGA RASULI 5
5
I Ananias lá·Šau i Safira
1Kateho pia singkatau koese arenge i Ananias. I sie dingang u kawinge arenge i Safira, nuwal᷊u l᷊ai tana ngi sire rua singkamunang. 2Doi l᷊ua ngu tana e'e singga nipaerange guna ngu badange dang l᷊umbeinge nisarakang su manga rasuli. E'e nikoae su titong u kawinge. 3I Petrus nangul᷊i si sie, “Ananias, nakurawe i kau nupakawala ngu setang nangawasa naungu, hakiu i kau nutul᷊ong su Roh u Mawu Ruata, dang maruma-rumasi namaeri doi ngu tana e'e singga guna ngu badangu sisane? 4Tana e'e ko koa u suhoro niwal᷊u u. Dang suapang tana e'e niwal᷊u u, doinge mang mborong koa u l᷊ai. Inau nakurawe pia pandung su l᷊al᷊ung naungu mukoa kere'e? I kau wal᷊inge nutul᷊ong su taumata kateho su Mawu Ruata!” 5Kere'e Ananias nakaringihi didato e'e, i sie nabanting turusi nate. Manga taumata ko nakaringihi hal᷊i e'e kaul᷊ie nataku. 6Kute manga mangarario ko makakuda nusumongo namikung badang i Ananias, bou e'e niwawa sarang l᷊ikure tadeau il᷊uwing.
7Patehang manga tilungkaorasi bou e'e, kawinge nusumu. I sie wugha apa ko wuhu nariadi. 8I Petrus nangul᷊i si sie, “Kenangko habari si sia: Apa harigangu tana ko niwal᷊u i rua singkawingang e'e, mang seng e'e kaul᷊ie?” “Tingari, kere'e harigange,” nisimbahu kawingi Ananias.
9Bou e'e i Petrus nangul᷊i si sie, “Nakurawe i rua singkawingang nukakire manal᷊uka Roh u Mawu? Daringiheko! Manga taumata ko bou nul᷊uwing kawingu seng nusul᷊e. I sire l᷊ai sarung muhengke si kau sarang l᷊ikure.” 10Su tempo e'e l᷊ai kawing i Ananias e'e nawanting dang nate su tingo ngi Petrus. Dang su tempo ngu mangarario makakuda e'e nasu, i sire nakasuma si sie seng nate. Bou e'e i sire numbawa badange sarang l᷊ikure dang nil᷊uwing susindihang u kawinge. 11Kute kaul᷊iu manga taumata ko mangimang e'e dingang u manga taumata kowal᷊inge, ko nakaringihi hal᷊i e'e nasue nataku.
Manga ko makalá·Šaherang dingang u manga halá·Ši ko takoae sihinge
12Ual᷊ingu pul᷊ahal᷊i u manga rasuli maul᷊i ko makal᷊aherang dingang u manga hal᷊i ko takoae sihinge nariadi su tal᷊oara u manga ana u kawanua. Dingang u singkanaung manga taumata ko mangimang nukomol᷊i su Poresi Salomo su Wal᷊e-Ngu Mawu. 13Dang taumata ngu l᷊ikure takoae ko wahani musumongo mukomol᷊i dingang u manga taumata ko mangimang e'e. Arawe manga taumata ko mangimang e'e mangkate niadateng u manga ana u kawanua. 14Dang karal᷊iwuenge katatambange ul᷊iu manga taumata ko mangimang su Mawu – baeng koese kere l᷊ai kowawine. 15Katewe bou e'e kakakoae seng nakoa kere'e ghahie, hakiu sarang taumata masasaki i pilo i sire su ral᷊okang arako su tupihi, bou e'e nihengke sarang l᷊al᷊eng, tadeau i sire mutingkadio kahinongu tintaung i Petrus, boko i Petrus sumahe se'e. 16Mangkate napene manga taumata nusumongo bou manga soa ko masasandighu Yerusalem. I sire numbawa manga taumata ko masasaki dingang u ko nikasukang u manga roh ko dal᷊ai. Dang i sire e'e kaul᷊ie nipakaul᷊e.
Manga Rasuli nipahangeng
17Panginsunge imam ko l᷊abo dingang u kaul᷊ie tumatuhue, ko bou golongang u Saduki, nanita nukumanoa, watu'u saki u naung i sire. 18Manga rasuli e'e nisame, bou e'e nipasu su l᷊al᷊ung u tutupang ngu wanua. 19Kateho huwinge, pia singkatau malaekatu Mawu namuka manga tukaru tutupang, bou e'e numbawa manga rasuli e'e sarang l᷊ikure. Malaekati e'e nangul᷊i su manga rasuli e'e, 20“Dakoe tamai rarisi su wal᷊e ngu Mawu dang habari su manga taumata hal᷊i u puwawiahi ko wuhu i'i.” 21Kute manga rasuli e'e nutumuhu tatanata ngu malaekati e'e. Mborong mal᷊uka-l᷊ukari i sire natamai sarang wal᷊e ngu Mawu dang nanita nanintiro su se'e.
Saritau e'e imam ko l᷊abo dingang u manga tumatuhue nusumongo, bou e'e nukomol᷊i mahkama dingang u manga pangaha u tau Yahudi. Mbuhue i sire nangoro taumata patamai pangal᷊a manga rasuli e'e bou tutupang pakiwawa pupatingo si sire. 22Kateho su tempo ngu manga taumata ko niparentang e'e nasongo su tutupang, i sire tanakahombang manga rasuli e'e pai se'e. Inau i sire nusul᷊e, bou e'e nulapori hal᷊i e'e su mahkama. 23“Su tempo i kami nurating u tutupang,” niul᷊i i sire su mahkamah, “i kami nakahombang tukaru tutupang e'e makakunsi mapia-pia, dang manga mundadiagae mborong kapundiagae su tukari. Kateho su tempo i kami namuka tukari e'e, i kami ta nakarea taumata maneng singkatau su l᷊al᷊unge.” 24Suapang komondangu mundadiaga Wal᷊e-Ngu Mawu dang tumbonang u manga imam nakaringihi kakalaki e'e, i sire nubingo hal᷊i u manga rasuli e'e dang nataku apa sarung mariadi. 25Bou e'e nusumongo singkatau koese numbawa habari i'i, “Daringiheko! Manga taumata ko nitahangu manga Tuang su l᷊al᷊ung u tutupang e'e orasi i'i seng kapanintironge taumata maul᷊i su Wal᷊e-Ngu Mawu!” 26Kute komondangu mundadiaga Wal᷊e-Ngu Mawu e'e dingang u manga mundadiaga sau natamai nangal᷊a manga rasuli e'e. Kateho i sire seng nal᷊ompeng, watu'u i sire mataku su taumata maul᷊i; kumbahang sarang taumata maul᷊i e'e manguntungu watu si sire.
27Manga rasuli e'e niwawa pasu pupatingo mahkamah. Bou e'e imam ko l᷊abo namariksa si sire. 28#Mat. 27:25I sire nangul᷊i, “I kami seng nu habari si kumu kumbahang-mbahang manintiro hal᷊i u Taumata e'e. Kateho i'i tuhungete apa ko nikoa i kumu! I kumu nangeke ngu tintiro ngi kumu e'e su kaul᷊iu Yerusalem, dang i kumu mborong nangantang ware i kami nakapate Tau e'e.”
29I Petrus dingang u manga rasuli kowal᷊inge nusumimbahi, “I kami mambeng mutumuhu Mawu Ruata dang wal᷊ingewe mutumuhu taumata. 30I Yesus, ko nighantong i kumu, seng sau nipuwiahi bou papate watu'u Mawu Ruata iupung i kite. 31Dang Mawu Ruata seng nunggile si Sie kakaianeng dingang u kawasa ko marange kere pangaha dingang u mananal᷊amati; tadeau umatu Israel nggilenangu tempo pu tobati bou manga dosa ngi sire dang makahombang kal᷊aampung. 32I kami i'i saksingu kaul᷊iu hal᷊i e'e – i kami dingang u l᷊ai Roh u Mawu Ruata ko nionggo u Mawu Ruata su manga taumata ko tutuhu parenta-Nge.”
33Suapang manga tataho u Pangadilangu Agama e'e, nakaringihi e'e i sire nuwawal᷊uang kahingang, dang i sire nughaghighili tadeau mamate manga rasuli e'e. 34Kateho su tal᷊oara u manga tataho u mahkamah e'e pia singkatau Farisi arenge i Gamaliel. I sie meteru agama ko ikahungge u manga taumata. I sie nurumarisi bou e'e nangoro taumata pumbawa manga rasuli e'e pasuwang maehong sarang l᷊ikure. 35Bou e'e i sie nangul᷊i su Pangadilangu Agama e'e, “Manga ana u simbau manga taumata ngu Israel! Kenangko pikiri pakapia-pia apa ko sarung koatengu manga ana u simbau su manga taumata i'i. 36Watu'u ndahuwite pia nul᷊umitou i Teudas, ko mupundangu badange kere singkatau taumata ko l᷊abo, hakiu patehang pia pa u hasu sukataunge taumata nutumuhu si sie. Kateho i sie nipate dang manga tumatuhue e'e nusal᷊iawuhi, dang kakakoa u komol᷊ang i sire e'e naghoghahi. 37Bou e'e su tempo ngu pia rekenang, nul᷊umitou l᷊ai i Yudas, tau bou Galilea. Ual᷊ingu ikahungge, maul᷊i l᷊ai taumata nutumuhu si sie. Kateho i sie l᷊ai mang nikapate, dang manga tumatuhue nusal᷊iawuhi 38Inau su orasi i'i su hal᷊i ko seng nariadi i'i, sasasaku kitang i'i: kumbahang mukoa manga apa su manga taumata i'i, mangkate wala kere'e i sire. Watu'u boko tintiro dang kakanoa i sire i'i asal᷊e bou taumata, kute tintiro dang kakanoa e'e sarung mailang. 39Arawe boko e'e asal᷊e bou Mawu Ruata, kute manga anau simbau sarung ta makawata si sire. Katewe pari sarung mal᷊ahe himoneu manga ana u simbau mundoka Mawu Ruata.”
Sasasa i Gamaliel e'e nitarima u mahkamah. 40Kute manga rasuli e'e nikuing, mbuhue nilá·Šuwaghi, bou e'e kumbahang musau manintiro ngu halá·Ši I Yesus. Bou e'e, mbuhue i sire nipilo. 41Manga rasuli e'e nanintang u Pangadilangu Agama e'e dingang u naung malá·Šuasi watu'u Mawu Ruata seng nangina si sire botonge manarima lá·Šahinakang ualá·Šingu I Yesus. 42Dang lá·Šou-lá·Šou su walá·Še ngu Mawu dang suapang walá·Še ngu taumata, i sire turusi nanintiro dang nuhabaru Habari Mapia halá·Ši I Yesus himoneu seng I Sie e'e Ratu Mananalá·Šamati ko seng nipudiandi e'e.
Currently Selected:
WUKE NGU MANGA RASULI 5: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
