ZAKHARIA 9
9
Pělahukung su apang něgara su l᷊ampungu Israel
1 #
Yes. 17:1-3; Yer. 49:23-27; Ams. 1:3-5 Seng ini e tatanatang Mawu. I Sie seng němutusu měhukungu wanuang Hadrakh dingangu soang Damsyik. Bal᷊inewe kětạeng manga ghal᷊ipohong Israel, kaiso kawe lai niupunangu soang Siria e kai tataghuanengu Mawu. 2Hamat kụ mẹ̌sẹ̌sara ringangu Hadrakh mal᷊aing tataghuanengʼE, kerene lai manga soang Tirus dingangu Sidon dingangu kal᷊awọu kasasingkạ u tumanạ e. 3Tirus seng němětị manga těndạ baugu watangenge ringangu něngambung bul᷊aeng mal᷊awọ-l᷊awọ dingangu sal᷊aka hakịu nakoạ kere hal᷊ẹ̌ biasa mẹ̌sul᷊ungu ěnne ringangu lěbo su ral᷊eng. 4#Yes. 23:1-18; Yeh. 26:1–28:26; Yl. 3:4-8; Ams. 1:9-10; Mat. 11:21-22; Luk. 10:13-14 Arawe Mawu sarung mapakariadin sie kasiang. Kal᷊awọu kakakalạ u soa ene sarung irěmmẹʼE su ral᷊ungu laudẹ̌ dingangu soa ene hala e sarung masue kanengangu putung.
5 #
Yes. 14:29-31; Yer. 47:1-7; Yeh. 25:15-17; Yl. 3:4-8; Ams. 1:6-8; Zep. 2:4-7 Soang Askelon dingangu Gasa sarung makasilo ringangu měngkatakụ. Ekron sarung makasilo l᷊ai ringangu kailangengu kal᷊awọu apang lẹ̌antibange. Gasa sarung kailangengu ratune, dingangu Askelon sarung marěmasẹ̌ tawẹ taumatane. 6Asdod sarung pẹ̌tanakengu taumata wọu wansa kal᷊aukang. Mawu e něhengetang, ”Tau Pilistin kụ maobotẹ̌ ene e sarung Takụ ěnsueěng. 7I sire e semben tawe lai kuminạ gěsi kụ bědang piạ dahane arau kumaěng lai kaěng bal᷊ine kụ isẹ̌sěding. Kěbị taumata kụ nal᷊ěmbe e sarung makoạ umatẹ̌-Ku ringangu nikoạ kere wahageangu ghal᷊ipohong Yehuda. Ekron sarung makoạ dal᷊ohong umatẹ̌-Ku, kere tau Yebus#9:7: Tau Yebus: Kai tumanạ u Yerusalem patutune. I sire nakoạ ěllang i Daud sarětạeng i sie němatạ soa ene. su tempo kal᷊imona. 8Iạ sarung měndiagạ ěntana-Ku ringangu měnahaghe manga wuntuangu tau raghị kụ lumiu e. Iạ selain tawe mapakawala apang měnanědạ e mẹ̌tahuěllangu umatẹ̌-Ku. U sigěsạ i sire e seng kinasilo-Ku.”
Datu kụ seng duměnta
9 #
Mat. 21:5; Yoh. 12:15 Ei tumanạ u Sion, pahul᷊uase!
Ei tumanạu Yerusalem, pěmpahul᷊iage!
Kakěllạe! Datunu e riměnta ringangu kal᷊auntu!
I sie kai ratu adilẹ̌ kụ něbawa kasasal᷊amatẹ̌.
Kaiso napenẹ u kasasanạu naung i sie nasongo
simake kalide, sěmbaụ kalide kawuhuang.
10 #
Mzm. 72:8
Mawu e něhengetang,
”Manga karetan sekẹ e wọu Efraim sarung Takụ děmekang,
kěbị kawal᷊o su Yerusalem sarung Takụ ipakailang
kụ kal᷊awọu papitị e sarung gagholokang.
Datunu e sarung měmohangu pẹ̌darame sutal᷊oarang manga wansa.
Bọu laudẹ̌ sarang laudẹ̌ i sie sarung mẹ̌kawasa,
wọu Sal᷊ụ u Efrat sarang pondol᷊u dunia.”
Pěngangul᷊ị kakakoạ u umatu Ruata
11 #
Sas. 24:8
Mawu e něhengetang su manga umatʼE,
”Ual᷊ingu pẹ̌dariandi kụ Takụ kinoạ dingang i kamene,
pẹ̌dariandi kụ niaku ringangu rahang binatang sasěmba e,
sarung Takụ ipakal᷊iwirẹ̌ kawanuanu
kụ nal᷊ikibẹ̌ su ral᷊ungu pinamembangeng
mẹ̌sul᷊ungu taumata kụ nakurung su ral᷊ungu sumu mamara.
12Pẹ̌sul᷊eko ei taumatang pinamembangeng,
ini e i kamene seng mạnaghuang pělaharapẹ̌.
Pẹ̌sul᷊ẹ e sarang tampạ pẹ̌sasirungangu,
Iạ e sarung tatapẹ̌ měngal᷊amatẹ̌ si kamene.
Daringihẹ̌ko: Dua sul᷊e mawalung i kamene e Takụ al᷊amateng
ual᷊ingu kal᷊awọu likibẹ̌ nạung seng kinahombangeng i kamene.
13Yehuda e sarung Takụ paketang kere papitịu tahapẹ̌sekẹ,
dingangu Israelẹ̌ e kere horoʼm papitị kụ seng sadia ěnakeng.
Tumanạu Sion Takụ paketang kere peda;
kụ dingangu peda ene e tau Yunani sarung Takụ aloěng.”
14 Mawu e sarung mapakatodẹu watangenge su umatʼE,
kere kilạ manga horoʼm papitị e ěnakengʼE.
Mawu Limembong Karangetange sarung měniụ u slompretẹ̌ tatialang mẹ̌sekẹ
mase tamai mẹ̌těngesẹ su ral᷊ungu rěllang bọu sěmběkan timuhẹ̌.
15UmatʼE nal᷊ahẹ u ghěllirangʼE pẹ̌kakěllungang,
hakịu kal᷊awọu sědụ e ikawatạ i sire.
Mẹ̌sul᷊ungu wansagu taumata niwukangu inumang,
kerene wansagʼi sire su ral᷊ungu pẹ̌seketang.
Al᷊ingkai rahang binatang kụ niwembang su wowom pananěmbaěng,
kerene rahaʼn dokạ i sire e nẹ̌boso.
16Kereu ěllo ene e marěnta, Mawu e sarung mapakasal᷊amatẹ̌ umatʼE,
mẹ̌sul᷊ungu lukadẹ̌ měngambang dombane wọu silakạ.
I sire sarung humena su ěntanam Mawu,
mẹ̌sul᷊ungu paramata makota kụ kụkerong.
17Apạ e kapia ěntanang Mawu e sarung,
apạe kapia ringangu kal᷊ěnggihe!
Sene anggorẹ̌ e ringangu gandung tumuwo masahawụ,
makasombọ mangangudạ e mạhuntinambang katoghase.
Currently Selected:
ZAKHARIA 9: SXN
Highlight
Share
Copy
Want to have your highlights saved across all your devices? Sign up or sign in
