ZAKHARIA 11
11
Kananawo manga měngangawasa kụ matingkaị e
1Ei Libanon, topeko manga tukadu e,
tadeạu putunge měnutung manga kakaluangu arasu!#11:1: Manga kakaluangu arasu: Manga kakaluang su ral᷊ungu manga ayetẹ̌ ini ipakẹ kere pělahěkangu manga wansa matatoghasẹ̌, arau manga ratun sire.
2Ei kalung sanobar, ral᷊ěmpasiangke,
batụu kai seng nasue nal᷊ahaka kakaluangu cěmara,
kakaluang makakětị e seng nasue naral᷊ei.
Ei manga kakaluang gaghuwạ su Basan, pěmpẹ̌kiạ e.
U manga kěhu gaghaghuwạ e seng nasue naral᷊ěndasẹ̌ natene.
3Daringihẹ̌ko ral᷊ěmpasiangu manga měngangawasa
něngkaparungke katataghupian sire e!
Daringihẹ̌ko lahuangu manga singa su kěhu;
u nagholangke katatanakeng i sire e su kanandun Sal᷊ụ u Yordan.
Měndal᷊ukadẹ̌ darua
4 Mawu Ruata e něhengetang si siạ, ”Pẹ̌koạ e tabidạu i kau e lukadẹ̌#11:4: Lukadẹ̌: Paketang sini waugu pělahekangu ratu arau pangahạ e, ringangu domba pělahekangu kawanua arau tumatol᷊e-Ne. kụ měngěngahạ domba kụ sarung potokang. 5Apang měmamělline němpěmate manga domba ene tawẹ hukumange. I sire apang nẹ̌bal᷊ụ gěsing manga domba ene nẹ̌bera, ’Karaloko Mawu! Orasẹ̌ ini i kitẹ e sahuneng nakalạ!’ Manga měndal᷊ukadẹ̌ ene e tawẹ pěndangu kakěndage su manga domba lahikinang i sire e.
6Iạ e tawe lai mapulu tumal᷊ěntụ i sai-sai su wanua ini. Iạ sẹ̌saku e sarung měnarakangu kal᷊awọu tumanạ e su apang měngangawasa e. I sire ene sarung měnggagholọ banua ini, ringangu Iạ e tawe sarung měhampasẹ̌ bọu kawasan sire e.”
7Iạ e, i Zakharia, bọu ene waehangu manga mẹ̌bawal᷊ụ domba baugu ipělukadẹ̌ manga domba kụ sarung potokang. Iạ e piạ těking darua; sěmbaụ e takụ isěbạ si ”Ghaghellị” dingangu sěmbaụewe lai ute i ”Laikị”. Bọu ene iạ e nanětạ něndiagạ dingangu něhiking manga domba ene. 8Těllung katau lukadẹ̌ kụ mạběnsingu iạ e nangěnsuẹ e kasasabarẹ̌ku. I sire e takụ itokol᷊ẹ̌ su ral᷊ungu tempo sěmbul᷊ang. 9Bọu e iạ mẹ̌bera su ghapaěngu domba ene, ”Iạ e mạdiri mělukadẹ̌ si kamene kapia e. I saing harusẹ̌ mate e walạ e kapapatene, ringangu i saing harusẹ̌ mawinasa e, walạete kawawinasane. Bọu ene lěmbene botongewe mẹ̌papate.” 10Mase těking kụ takụ nisěbạ si ”Ghaghěllị” ene takụ nial᷊ạ dingangu takụ nịpapědi waugu ipěluka pẹ̌dariandi kụ nikoạ u Mawu ringangu patikụ bansa. 11Su ěllo ene lai pẹ̌dariandi ene e ipakal᷊uka. Manga mẹ̌bawal᷊ụ domba ene měnẹ̌nitị si siạ, dingangu i sire e masingkạ u Mawu e kapẹ̌bẹ̌berane limiung kal᷊awọu kakanoạku. 12-13#Mat. 26:15 #Mat. 27:9-10 Iạ e mẹ̌bera si sire, ”Kereu i Tuang ene e mapulu, gěllịko gajiku; kereu tala ute, walạ e.” Bọu e i sire e něngonggọu gajiku roitẹ̌ sal᷊aka těllum pul᷊o su kal᷊ěpane.
Mawu e něhengetang si siạ, ”Tahoko roitẹ̌ ene su ral᷊ungu kasẹ̌ u Wal᷊e-Ku.”#11:12-13: Piram baụ tungkangu nạung: Tahoko roitẹ̌ ene su ral᷊ungu kasẹ̌ u Wal᷊e-Ku; Ibrani: Gěllịko roitẹ̌ ene su měmaměmbing uada. Tangú takụ nisuẹ̌ těllum pul᷊o su kal᷊ěpane roitẹ̌ sal᷊aka su ral᷊ungu kasẹ̌ u Wal᷊em Mawu. Kětạeng kerene pěngangarěgang sire e si siạ! 14Bọu ene e takụ nịpapědi těkingku karuane e kụ nạung nisěbạ si ”Laikị”, tangú naběkạ kasasěmbaụ i Yehuda rẹ̌duang Israelẹ̌.
15Bọu ene nẹ̌berạ e Mawu e si siạ, ”Pẹ̌koạko l᷊ai sěnsul᷊e i kau al᷊ingkai měndal᷊ukadẹ̌, kaiso sěnsul᷊e ini kere měndal᷊ukadẹ̌ dal᷊akisẹ̌. 16Ual᷊ingu Iạ e sarung měngoro sěngkatau měndal᷊ukadẹ̌ baugu ipěndiagạ gapaěngu domba-Ku, kaiso i sie e tawe nẹ̌pandung domba nailang; i sie tawe nẹ̌deạ domba kụ nawuhị, tawe lai něngundang domba kụ nal᷊esẹ, dingangu tawe nẹ̌gěllị u kaěnge su domba kụ bědang biahẹ̌. Katewe maal᷊ạ i sie sẹ̌sane kiminạ gẹ̌sin domba kụ katawaěnge ringangu něnawụ manga kanukung binatang ene. 17Kai pisị měndal᷊ukadẹ̌ kụ tawẹ gunane kerene! I sie seng něněntangu ghapaěngu dombane. Pẹ̌sasekẹ e sarung mangěnsue kawasane. Takiahe sarung mělome ringangu matane koanenge mawuta.”
Currently Selected:
ZAKHARIA 11: SXN
Highlight
Share
Copy
Want to have your highlights saved across all your devices? Sign up or sign in
