MARKUS 16

Pẹ̌bawangung u Mawu Yesus

(Mat. 28:1-8; Luk. 24:1-12; Yoh. 20:1-10)

1Sarạeng ěllon Sabatẹ̌ e seng nal᷊iu, i Maria Magdalena, i Maria i ninang Yakobus, dingangu i Salome rimal᷊eng němpamělli manga wěngi waugʼu ipělanisẹ̌ badangu Mawu Yesus. 2Dongkeng mal᷊uka-l᷊ukadẹ̌ su sasěbangu matangěllo, su ěllo kahumotongange su sěngkamisa ene, i sire něngkakoạ sol᷊ong kubul᷊ẹ̌. 3-4Kạdal᷊enge i sire mạhumbisara sěmbaụ su wal᷊ine, ”I saị e ngae makatul᷊ung i kitẹ mameho batu l᷊ahěping tukadu kubul᷊ẹ̌ e?” Batụu watu e kai masaria-saria. Ene sarạeng i sire nahumpạ sene, sěngkakakěllane watu e kai seng naweho. 5Tangu i sire nahunsuẹ̌ e su kubul᷊ẹ̌ e. Su ral᷊unge su sěmběka koaneng, i sire nakasilo piạ umbaseng pakeange mawira mạiang, kụ i sire mengkatewe němpẹ̌hěkosẹ̌.

6Umbaseng ene nẹ̌bera, ”Abe kěngkatakụ! Iạ e masingkạ i kamene mědẹ̌deạ Mawu Yesus tau Nazaret nạung seng nikuruisẹ̌ e. I Sie tawẹdise sini. I Sie kai seng nẹ̌bangung! Kakěllaịe, ěndaị tampạ e pinamělloěng i sire si Sie. 7#Mat. 26:32; Mrk. 14:28 Kụ dakọe, kụ bunạko wěke ini su manga muritʼE, sarạeweng i Petrus. Pẹ̌bera, ’I Sie tamai měngal᷊imona si kamene sol᷊ong Galilea. Paị sene i kamene sarung makasilo si Sie, kerẹewe apan seng nịbaweranʼE si kamene.’ ”

8Tangu i sire měngkatewe nahunsẹ̌bang bọu kubul᷊ẹ̌ ene mase němpẹ̌tal᷊ang ual᷊ingu němpẹ̌hěkosẹ̌ dingangu něngkatakụ. I sire tawe nẹ̌bera apa si saiewe lai, ual᷊ingu natakụ.

PĚNGĚNSUEĚNGU NIWẸ̌KEN MARKUS TUHỤ HUNSUDE NẠUNG DOKENG KAL᷊IMONA

Mawu Yesus nẹ̌těngkasiloʼm batangengʼE si Maria Magdalena

(Mat. 28:9-10; Yoh. 20:11-18)

[ 9Sarạeng Mawu Yesus nẹ̌bangung bọu papatene, su ěllo Misa reng mal᷊uka-l᷊ukadẹ̌, i Sie kahumotongange nẹ̌těngkasiloʼm batangengʼE si Maria Magdalena. (Bọʼi Maria ene, nạung Mawu Yesus něnokol᷊u rohkẹ̌ pitu ral᷊akị.) 10Tangu i Maria Magdalena e natamaịe něhabaru hal᷊ẹ̌ ene su manga hapịu Mawu Yesus, kụ bědang měngkạsusa ringangu mạhunsangị. 11Kai sarạeng i sire nakaringihẹ̌ u Mawu Yesus kai nẹ̌biahẹ̌, dingangu i Maria seng bọu nakasilo si Sie, i sire tawe němpangimang.

Mawu Yesus nẹ̌těngkasiloʼm batangengʼE su manga muritʼE ruang katau

(Luk. 24:13-35)

12Bọu e Mawu Yesus nẹ̌těngkasiloʼm batangengʼE su muritʼE ruang katau su ral᷊ungu kakakoạe naněntani. Ene tangu nariadi piạ i rẹ̌dua měmpạhundal᷊eng sol᷊ong kampong sěmbaụ. 13Kụ i rẹ̌dua němpẹ̌sul᷊e kụ němpẹ̌habaru hal᷊ẹ̌ ene si sire wal᷊ine. Kaiso i rẹ̌dua e tawẹu němpangimang si sire.

Mawu Yesus nẹ̌těngkasiloʼm batangengʼE su manga muritʼE

(Mat. 28:16-20; Luk. 24:36-49; Yoh. 20:19-23; MMR. 1:6-8)

14Pangěnsueěnge Mawu Yesus nẹ̌těngkasiloʼm batangengʼE si sire manga muritʼE mapul᷊o ěsa e, piạ i sire kạpahungkaěnge. I Sie naněngkul᷊ẹ̌ si sire puhinengu i sire kai kadodọ pangangimange ringangu tumanịu makakětị těmbo i sire hakịu i sire tawe měmpangimang su taumata kụ seng bọu nakasilo mal᷊ahẹ u Mawu Yesus e wiahẹ̌. 15#MMR. 1:8 Mase Mawu Yesus něhengetangke si sire, ”Dakọe pěmpaměpidẹ̌ kạguwạu dunia e kụ pěmpẹ̌habaru Injilʼu Mawu Ruata e su patikụ taumata. 16I sai tawe mangimang sarung ihukung. Arawe i sai mangimang kụ makisahani, sarung masal᷊amatẹ̌. 17Makoạ tatiala u i sire mạngimang, i sire ene sarung měnguserẹ̌ rohkẹ̌ dalakị su ral᷊ungu areng-Ku; i sire sarung mahumbisara su ral᷊ungu haghin bera, kụ tawe kahěnganeng i sire. 18Kereu i sire makaumbelẹ těmpu arau makainung doti, ute tawẹ makapẹ̌kapura. Kamageng i sire měmpaněllidu l᷊iman sire su taumata masasakị, ute sarung měngkapia!”

Mawu Yesus nasapuạ sol᷊ong sorga

(Luk. 24:50-53; MMR. 1:9-11)

19 # MMR. 1:9-11 Sarạeng Mawu Yesus bọuten něhengetang si sire, i Sie nasapuạ sol᷊ong sorga. Dasị sene i Sie sěngkapẹ̌parenta ringangu Mawu Kasěllahenge. 20Tangu manga muritʼE němpahundal᷊eng kụ němpěhabaru injilʼu Mawu Ruata suapan tampạ. Kụ Mawu e mal᷊aing mẹ̌sasumbalane si sire ringangu mapạl᷊ahẹu haghin tanda makạdal᷊inaụ u pěnganginjilʼi sire mambeng kahěngang.]

PANGĚNSUEĚNGU WOHẸU KAL᷊IMONANE SĚNGGẠ E#16:20: Su ral᷊ungu winohẹ pirambaụ dingangu tungkangu nạung piạ lai raringange ruang ayetẹ̌ ini.

[ 9Manga wawine ene němpẹ̌tamai sol᷊ong anum Petrus dingangu manga ringange, mase němpẹ̌běkẹ e mahatedẹ̌ kěbị apan nipaul᷊ịu umbaseng ene si sire. 10Bọu ene, Mawu Yesus sẹ̌sane limiu manga muritʼE němpěhabarẹ̌ bọu raki sol᷊ong bahẹ, habarẹ̌ susi ringangu kakalẹ̌ mạanun kasasal᷊amatẹ̌ kakalẹ̌ e.]

Currently Selected:

MARKUS 16: SXN

Highlight

Copy