ZABUR 34
34
Dalem perlindungan ALLAH
1 #
1Sam. 21:13-15
Zabur Daud, sewaktu ie puraq-puraq nénten waras pikiranne léq arepan Abimelek, sehingge ie tetundung beterus lumbar.
2Tiang gen besyukur tipaq ALLAH sebilang waktu,
dait ndéq engkah-engkahne memuji Ie.
3Tiang gen beseneng-seneng lantaran perbuatan ALLAH ;
semoge dengan tetindes dedengah dait gembire.
4Mulieang ALLAH bareng tiang,
silaq bareng-bareng mulieang peséngan-Ne.
5Tiang bedo'e tipaq ALLAH, dait Ie bejawab,
dait ngelepasang tiang léman selapuq ketakutan.
6Dengan tetindes gen beharep léq Ie dait cemoh,
ie pade nénten bedowé alasan jari ilaq.
7Dengan saq tetindes niki bekuih, dait ALLAH mirengang,
ie tebébasang léman selapuq kesusahanne.
8Malaékat ALLAH jagaq dengan saq takut léq ALLAH,
dait bébasang ie pade léman bahaye.
9 #
1Ptr. 2:3
Idap dait serioq mésaq berembé solahne ALLAH,
bahagie dengan saq berlindung léq Ie.
10Pade takut léq ALLAH, hai side umat-Ne,
séngaq dengan saq takut léq ALLAH ndéq gen kekurangan.
11Singe-singe éndah lapah séngaq kurang kakenan;
laguq dengan saq nyembah ALLAH ndéq kekurangan.
12Dengahang, hai kanak-kanak selapuq,
tiang ngajah side hormatin ALLAH.
13 #
1Ptr. 3:10-12
Napi side melét bélo umur
dait nikmatin saq solah?
14Ndaq nyugulang ucapan-ucapan jahat,
dait ndaq demen léq tipu muslihat.
15Jaoqang saq jahat, laksaneang saq solah,
boyaq dait usaheang jari mauq perdaméan.
16 ALLAH merhatiang dengan soléh,
Ie mirengang lamun ie pade bekuih nunas tulung.
17Laguq dengan saq gawéq jahat Ie tentang;
lamun ie pade maté, ie pade becat telupaqang.
18Lamun dengan soléh bekuih, ALLAH mirengang,
dait nyelametang ie pade léman selapuq kesusahan.
19 ALLAH rapet kance dengan saq polak angenne;
Ie nyelametang dengan saq telang semangetne.
20Luwéq gati penderitean dengan saq solah,
laguq ALLAH bébasang ie léman selapuqne.
21 #
Yah. 19:36
Awakne tetep tejagaq siq ALLAH,
ndéq araq sopoq juaq tolangne saq tepolakang.
22Dengan jahat gen maté lantaran kejahatanne,
dengan saq meriq léq dengan soléh gen tehukum.
23 ALLAH nyelametang hambe-hambe-Ne;
saq berlindung léq Ie ndég gen tehukum.
Currently Selected:
ZABUR 34: LAISAS
Highlight
Share
Copy
Want to have your highlights saved across all your devices? Sign up or sign in
