ZABUR 32
32
Pengakuan dait pengampunan
1 #
Rm. 4:7-8
Zabur Daud. Nyanyian pengajahan.
Bahagie dengan
saq dosene teampunin,
dait kesalaqanne temaapang.
2Bahagie dengan
saq kejahatanne ndéq tetuntut siq ALLAH,
dait saq ndéq demen nipu.
3Sengonéq kaji nénten ngaku dose kaji, sengonéq nike kaji sengsare
séngaq kaji ngeluh sejelo-jeloan.
4Kenjelo kekelem gading Deside ngenjek kaji, ya ALLAH,
balung kaji bis maraq tesedot siq panas jelo.
5 #
2Sam. 12:13
Beterus kaji ngaku dose kaji léq Deside,
kesalaqan kaji nénten araq saq kaji seboq.
Kaji mutusang gen ngaku léq Deside,
dait Deside ngampunin selapuq dose kaji.
6Keranaq nike sebilang dengan saq soléh harus bedo'e
sewaktu ngalamin kesusahan,
sehingge lamun kesusahan dateng maraq belabur,
ie nénten tetimpe.
7Deside taoq kaji nyeboq,
Deside bébasang kaji léman kesulitan.
Make kaji besurak cemoh
séngaq Deside sampun nyelametang kaji.
8Manik ALLAH,
“Tiang gen metitoqang langan saq harus side liwatin,
side gen Tiang bimbing dait Tiang béng naséhat.
9Ndaq maraq jaran saq ndéq bedowé akal,
saq harus tepelébék adéqne nurut.”
10Dengan bedose tetimpe luwéq sengsare;
laguq dengan saq beharep léq ALLAH
tetep telindungin siq kasih-Ne.
11Hai dengan-dengan soléh, pade gembire dait besukecite
lantaran napi saq sampun tepiaq siq ALLAH.
Pade nyurak cemoh, hai selapuq dengan saq tulus aténe!
Currently Selected:
ZABUR 32: LAISAS
Highlight
Share
Copy
Want to have your highlights saved across all your devices? Sign up or sign in
