ZABUR 20
20
Do'e nunas kemenangan
1Umaq pemimpin kor. Zabur Daud.
2Semoge ALLAH jawab side léq waktu kebucuq,
semoge kuase Allah Yakub ngelindungin side!
3Semoge Ie ngirim bantuan léman Gedéng-Ne,
dait ngicanin pertulungan léman Bukit Sion.
4Semoge Ie iling léq selapuq persembahande,
dait suke léq selapuq kurban tunuqande.
5Semoge Ie ngicanin selapuq saq side melétang,
dait miaq selapuq rencanende berhasil.
6Make tiang pade besurak cemoh lantaran kemenangande,
dait ngangkat panji-panji jari memuji Tuhante.
Semoge ALLAH ngabulang selapuq petunasande.
7Mangkin tiang nenaoq bahwe ALLAH ngicanin kemenangan
tipaq raje piléqan-Ne.
ALLAH jawab ie léman sorge-Ne saq suci;
siq kuase ALLAH ie mauq kemenangan saq beléq.
8Araq dengan saq ngandelang keréte perangne,
araq Ă©ndah saq ngandelang jaranne.
Laguq ite ngandelang kuase ALLAH, Tuhante.
9Ie pade gen kedampes dait geriq,
laguq ite gen bangkit dait nganjeng siq kuatne.
10Ya ALLAH, icanin kemenangan tipaq raje,
jawab kaji léq waktu kaji bekuih tipaq Deside.
Currently Selected:
ZABUR 20: LAISAS
Highlight
Share
Copy
Want to have your highlights saved across all your devices? Sign up or sign in
