ZABUR 16
16
Do'e penoq keyakinan
1Zabur Daud.
Jagaq kaji, ya Allah,
séngaq léq Deside kaji berlindung.
2Kaji matur, “Deside Junjungan kaji, kebahagiean kaji,
nénten araq saq lebihan léman Deside!”
3Kaji hormatin léq dengan-dengan suci léq negeri niki;
saq kaji demenang ndot bareng ie pade.
4Menengang dengan saq nyembah déwe-déwe
sayan beromboq kesedihanne.
Kaji nénten suke ngaturang kurban tipaq déwe-déwe
malahan nyebut aran ie pade kaji nénten suke.
5Ya ALLAH, Deside doang dowén kaji;
Deside icanin selapuq saq kaji perluang,
nasib kaji araq léq gading Deside.
6Tetu-tetu solah rahmat Deside léq kaji,
tetu-tetu nyenengang angen kaji!
7Tiang memuji ALLAH saq ngicanin naséhat léq tiang;
léq tengaq kelem éndah batin tiang ngajah tiang.
8 #
Kis. 2:25-28
Tiang tetep inget léq ALLAH ;
Ie araq léq sedi kanan tiang, make tiang ndéq teguncang siq napi juaq.
9Keranaq nike angen tiang besukecite dait jiwen tiang besurak-surak,
dait awak tiang mentelah siq tentrem.
10 #
Kis. 13:35
Séngaq Deside nénten menengang jiwen kaji ndot dalem dunie dengan maté,
Deside nénten gen menengang Dengan Suci Deside cingakin kebinasean.
11Deside petitoqang léq kaji langan kehidupan;
léq Deside kaji mauq sukecite saq belimpah
dait kebahagiean selaéq-laéqne.
Currently Selected:
ZABUR 16: LAISAS
Highlight
Share
Copy
Want to have your highlights saved across all your devices? Sign up or sign in
