MARKUS PENGANTAR
PENGANTAR
Kitab Markus niki temulai siq pernyataan: “Niki Kabar Solah mengenai Deside Isa Almasih, Bije saq asalne léman Allah.” Dalem Kabar Solah nike, Deside Isa Almasih teceriteang sebagé sopoq dengan saq luwéq bekarye dait bedowé wibawe. Kewibawean Deside Isa nyate léq entan-Ne ngajahang, dait kuase-Ne léq roh-roh jahat, dait dalem hal ngampunin dose. Deside Isa Almasih nyatayang diriq-Ne sebagé Bije Manusie saq ngurbanang nyawe-Ne adéq manusie tebébasang léman dose.
Riwayat mengenai Deside Isa léq dalem kitab niki tesampéang secare nyate dait terus terang. Karye-karye Deside Isa luwéqan teceriteang ketimbang ucapan dait pengajahan-Ne. Sesampun penjelasan saq singket mengenai riwayat Yahya Pembaptis dait mengenai baptisan Deside Isa dait cobe tipaq diriq-Ne, Kitab Markus niki langsung nyeriteang pelayanan Deside Isa, terutame gati mengenai dengan-dengan sakit saq teselahang siq Deside Isa dait mengenai pengajahan-Ne. Pasal-pasal penutuq berisi cerite mengenai peristiwe-peristiwe saq telaksane léq minggu penutuq dalem idup Junjungan Saq Mulie Deside Isa léq dunie niki, terutame mengenai Deside Isa tepakuq léq kayuq salib dait idup malik léman ninggal-Ne.
Daptar Isi
Pendahuluan 1:1-13
Pelayanan Deside Isa léq tengaq-tengaq masyarakat léq Galilea 1:14–9:50
Léman Galilea ojok Yerusalem 10:1-52
Minggu penutuq léq Yerusalem dait sekiterne 11:1–15:47
Deside Isa idup malik 16:1-8
Deside Isa nyatayang diriq-Ne dait kerangkatan ojok sorge 16:9-20
Currently Selected:
MARKUS PENGANTAR: LAISAS
Highlight
Share
Copy
Want to have your highlights saved across all your devices? Sign up or sign in